You are currently viewing በአቢ ደንጎሮ ወረዳ ሎምጫ ቀበሌ የኦነግ ሸኔ የሽብር ቡድን ለዳግም ጥቃት ኃይል በማስጠጋት ላይ መሆኑ ተገለጸ። አማራ ሚዲያ ማዕከል/አሚማ  ጥቅምት 16 ቀን 2014 ዓ. ም         አዲ…

በአቢ ደንጎሮ ወረዳ ሎምጫ ቀበሌ የኦነግ ሸኔ የሽብር ቡድን ለዳግም ጥቃት ኃይል በማስጠጋት ላይ መሆኑ ተገለጸ። አማራ ሚዲያ ማዕከል/አሚማ ጥቅምት 16 ቀን 2014 ዓ. ም አዲ…

በአቢ ደንጎሮ ወረዳ ሎምጫ ቀበሌ የኦነግ ሸኔ የሽብር ቡድን ለዳግም ጥቃት ኃይል በማስጠጋት ላይ መሆኑ ተገለጸ። አማራ ሚዲያ ማዕከል/አሚማ ጥቅምት 16 ቀን 2014 ዓ. ም አዲስ አበባ ሸዋ አሸባሪው የኦነግ ሸኔ ቡድን ጥቅምት 14 ቀን 2014 ወደ አቢ ደንጎሮ ወረዳ ሎምጫ ቀበሌ አሩሲ ጎጥ በሚኖሩ አማራዎች ላይ ተኩስ መክፈቱን አሚማ መዘገቡ ይታወሳል። “የፈሪ ዱላ አስራ ሁለት ነው” እንደሚባለው ለተራ አርሶ አደሮች ሁሉ ሳይቀር ስናይፐርና መትረጊስ ጭምር ከቀኑ 5 ሰዓት እስከ 12 ሰዓት መዋሉ ተሰምቷል። በእለቱ ምንም እንኳ ለጊዜው ከተሰዋ ሰው ባይኖርም በጥቃቱ ከቆሰሉት መካከል:_ 1) ሙራድ ተሾመ፣ 2) አስቻለው ተሳሳ፣ 3) መሀመድ ሙላት፣ 4) ጥላሁን መብሬ፣ 5) አህመድ ሀቢብ፣ 6) መሀመድ እንድሪስ ይመር፣ 7) ኢሳ መሀመድ እንድሪስ 😎 ይናገር ፈንታሁን 9) መላኬ አልማው 10) አህመድ አሊ 11) አሊ ወርቁ 12) ኡመር መሀመድ ተጓዴ እንደሚገኙበት ተገልጧል። አብዛኞቹ እጅ እና እግራቸው ላይ ቀላል በሚባል ደረጃ መቁሰላቸው ተነግሯል። በእለቱም አማራን በኢኮኖሚ ጭምር እያዳከመ ያለው የሽብር ቡድኑ ከ500 በላይ ከብቶችም ዘርፏል ብለዋል። አሁን ላይ በርካታ ኃይል ከአቢ ደንጎሮ ወረዳ በመኪና ጭምር እያስጠጋ ነው የሚሉት ነዋሪዎቹ ከ7 መኪና በላይ ኃይል ሎምጫ ላይ ስለመራገፉና የቀበሌውን ጤና ጣቢያ ወደ ካምፕነት እንደቀየሩት ተናግረዋል። አሸባሪው ቡድን ከአሁን ቀደም 29 ህጻናትን፣ አቅመ ደካሞችን፣ እናቶችንና የሀይማኖት አባቶችን የጨፈጨፈበትን በአቡ ደንጎሮ የዴቢስ ባለእግዚአብሄር ቤተ ክርስቲያንን የወታደራዊ ካምፕና ማሰልጠኛ እንዳደረገው አሚማ መዘገቡ ይታወሳል። በተመሳሳይ በአቢ ደንጎሮ ወረዳ ጉለንቴ ቀበሌ የሽብር ቡድኑ አልፎ አልፎ ለትንኮሳ ሲተኩስ መዋሉን የጠቆሙት ነዋሪዎች መንግስት ተጨማሪ ኃይልም ሆነ የስንቅና ትጥቅ አቅርቦት ሊያሟላ ባለመቻሉ ተቸግረናል ብለዋል። አማራው ሲጨፈጨፍ ዝም የሚለው መ/ቤቱ ከአሸባሪው ኦነግ ሸኔ አንድ ሰው ሲመታ የአማራ ሚሊሾችን አሳዶ እንደሚያስር ገልጸዋል። የመንግስትነት ድጋፉ ቢቀር እንኳ ባይሆን ሊገድለን የመጣን አካል በአልሞት ባይ ተጋዳይነት ባለን አቅም በአጸፋ ስንመልስላቸው ሲቆስሉና ሲሞቱ ሲያይ የሚከፋውንና እኛን የሚያሳድደንን ዘረኛ አካሄድ ሊያቆምልን ይገባል፤ ምክንያቱም ሁላችንም የሰው ልጆች ነን፤ ሁላችንም አንዳንድ ነፍስ ነው ያለን ሲሉ ተደምጠዋል።

Source: Link to the Post

Leave a Reply