በአዊ ዞን ቻግኔ ከተማ ከመተከል ለተፈናቀሉ ወገኖች የሰብዓዊ ድጋፍ የሚያስተባበር የአስቸኳይ ጊዜ ተግባራት ማስተባበሪያ ማዕከል ተቋቋመ

በአዊ ዞን ቻግኔ ከተማ ከመተከል ለተፈናቀሉ ወገኖች የሰብዓዊ ድጋፍ የሚያስተባበር የአስቸኳይ ጊዜ ተግባራት ማስተባበሪያ ማዕከል ተቋቋመ

አዲስ አበባ፣ ታህሳስ 19፣ 2013 (ኤፍ.ቢ.ሲ) በአማራ ክልል አዊ ዞን ቻግኔ ከተማ ከቤኒሻንጉል ጉሙዝ ክልል መተከል ዞን ለተፈናቀሉ ወገኖች የሰብዓዊ ድጋፍ የሚያስተባበር የአስቸኳይ ጊዜ ተግባራት ማስተባበሪያ ማዕከል ተቋቋመ።

በሰላም ሚኒስቴር ሚኒስትር ዴኤታዎች ወ/ሮ ፍሬአለም ሽባባው እና አቶ ሃይላይ ብርሃነ የተመራ የልዑካን ቡድን በአማራ ክልል አዊ ዞን በቻግኔ ከተማ በቤኒሻንጉል ጉሙዝ ክልል መተከል ዞን በደረሰው ጥቃት ምክንያት ከቤት ንብረታቸው ለተፈናቀሉ ዜጎች የሰብዓዊ ድጋፍ የሚያስተባበር የአስቸኳይ ጊዜ ተግባራት ማስተባበሪያ ማዕከል አቋቁሟል።

በቻግኒ ከተማ የማስተባበሪያ ማዕከሉን ስራ በይፋ ያስጀመረው የልዑካን ቡድን ትኩረት የሚያሻቸው ጉዳዮችን ለይቶ አቅጣጫ አስቀምጧል፡፡

ተፈናቃዮች የሚያስፈልጋቸውን አስቸኳይ ድጋፍ መለየት፤ የደረሰውን ጉዳት ዓይነትና መጠን መለየት፤ ከሰብዓዊ ድጋፍ ስራ ባሻገር ተፈናቃዮችም ሆኑ ነዋሪዎች ምንም ዓይነት አደጋ እንዳይገጥማቸው ደህንነታቸውን ማረጋገጥ፤ የፀጥታ አካሉን ቁርጠኝነት ማረጋገጥ፤ ወላጆቻቸውን ያጡ ህጻናት ካሉ ማረጋገጥና ለወደፊት እጣፈንታቸው መወሰን እንዲቻል ባፋጣኝ መለየት፤ ተፈናቃይ ሆነው ይበልጥ ለአደጋ ተጋላጭ የሆኑ ህፃናት፣ ነብሰጡር ሴቶች፣ የሚያጠቡ እናቶች እና አቅመ ደካሞችን ቅድሚያ በመስጠት ሰብዓዊ ድጋፍ ባፋጣኝ እንዲያገኙ ማድረግ የአስቸኳይ ጊዜ ተግባራት ማስተባበሪያ ማዕከሉ ዋና ዋና ተግባራት እንደሚሆኑ የሰላም ሚኒስቴር እታውቋል ፡፡

የማዕከሉ ዋና አላማ ፈጣን ምላሽ መስጠት ነው፡፡ ለተፈናቃዮች ለተጠቂዎች ጥያቄ ፈጣን ምላሽ መስጠት ነው ተብሏል፡፡

ቀጠዩ እርምጃ የሁኔታ ዳሰሳ በማድርግ ተጎጂ ወገኖችን አወያይቶ ወደቀያቸው የመመለስ ዘላቂ መፍትሄ መስጠት ነው ተብሏል፡፡

ህግ ማስከበርና ወንጀለኞችን ለፍርድ ማቅረብም ቀዳሚ ተግባር ነው ተብሏል፡፡

የቻግኔ ከተማ አስተዳደርም የአስቸኳይ ጊዜ ተግባራት ማስተባበሪያ ማዕከሉ አባል በመሆኑ በሰላም ሚኒስቴር አስተባባሪነት ከተሰማሩ ባለ ብዙ ዘርፍ የባለሙያ ቡድኖች ጋር በመናበብ መስራት ይጠበቅበታል፡፡

የልዑካን ቡድኑ በጊዜያዊ የመጠለያ ካምፖች በመገኘት ተጎጂዎችን በማነጋገር ጠቃሚ መረጃዎችን ሰብስቦ ለአስቸኳይ ጊዜ ተግባራት አስተባባሪ ማዕከሉ የስራ መመሪያ መስጠቱን ከሚኒስቴሬ ያገኘነው መረጃ ያመላክታል፡፡

ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-

የፋና ድረ ገጽ https://www.fanabc.com/ ይጎብኙ፤

ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል www.youtube.com/fanatelevision ሰብስክራይብ ያድርጉ

ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ

ከዚህ በተጨማሪም በትዊተር ገጻችን https://twitter.com/fanatelevision ይወዳጁን

ዘወትር ከእኛ ጋር ስላሉ እናመሰግናለን!

 

The post በአዊ ዞን ቻግኔ ከተማ ከመተከል ለተፈናቀሉ ወገኖች የሰብዓዊ ድጋፍ የሚያስተባበር የአስቸኳይ ጊዜ ተግባራት ማስተባበሪያ ማዕከል ተቋቋመ appeared first on Welcome to Fana Broadcasting Corporate S.C.

Source: Link to the Post

Leave a Reply