You are currently viewing በአውሮፓ ሆላንድ ሃገር የሚኖሩ በጎ ፈቃደኛ ኢትዮጵያዊያን ለደቡብ ወሎ ፋኖዎች ድጋፍ አደረጉ። አማራ ሚዲያ ማዕከል/አሚማ  ታህሳስ 6 ቀን 2014 ዓ.ም       አዲስ አበባ ሸዋ ሀገርን እ…

በአውሮፓ ሆላንድ ሃገር የሚኖሩ በጎ ፈቃደኛ ኢትዮጵያዊያን ለደቡብ ወሎ ፋኖዎች ድጋፍ አደረጉ። አማራ ሚዲያ ማዕከል/አሚማ ታህሳስ 6 ቀን 2014 ዓ.ም አዲስ አበባ ሸዋ ሀገርን እ…

በአውሮፓ ሆላንድ ሃገር የሚኖሩ በጎ ፈቃደኛ ኢትዮጵያዊያን ለደቡብ ወሎ ፋኖዎች ድጋፍ አደረጉ። አማራ ሚዲያ ማዕከል/አሚማ ታህሳስ 6 ቀን 2014 ዓ.ም አዲስ አበባ ሸዋ ሀገርን እና ወገን ከአሸባሪዎችና ወራሪዎች የተቀናጀ ጥቃት ለመታደግ ሲሉ በተለያዩ የጦር ሜዳዎች ተሰልፈው እየተዋደቁ ከሚገኙ የአማራ ፋኖዎች መካከል አንዱ ነው_የደቡብ ወሎ ፋኖ። ፋኖ ኤርሚያስ አያሌው የሚመራው የደቡብ ወሎ ፋኖ በገነቴ፣ በአቀስታ እና በሌሎች በርካታ አካባቢዎች ከሌሎች የአማራ ጓዶች ጋር ተሰልፎ ተጋድሎ አድርጓል፤ ድልም አስመዝግቧል። ሰፊውን የአማራ ህዝብ በጠላትነት ፈርጀው ሂሳብ እናወራርዳለን በሚል በእብሪት፣በትዕቢትና በድንቁርና ተወጥረው የመጡ የትሕነግ እና የኦነግ ሸኔ ወራራን ለመቀልበስ ብሎም ለመደምሰስ ከፍ ያለ ተጋድሎ እያደረጉ ይገኛሉ። ይህን የተመለከቱ በአውሮፓ ሆላንድ ሃገር የሚኖሩ በጎ ፈቃደኛ ኢትዮጵያዊያን በሴቶች አስተባባሪነት ለደቡብ ወሎ ፋኖዎች በወሎ ቤተ አማራ ማህበር በኩል ድጋፍ ማድረጋቸውን አስታውቀዋል። ለጊዜው በአስቸኳይ ለታጋዮች እንዲደርስ በማለት 107,600 ብር ወጭ ተደርጎ 154 ለሚሆኑ የደቡብ ወሎ ፋኖዎች ጥራቱ የተጠበቀ ከስክስ ጫማ ተገዝቶ እንዲደርስ አድርገዋል። አሸባሪዎች በአማራ እና በአፋር ክልሎች እያደረጉ ያሉትን ወረራ እና ሀገር የማፍረስ እንቅስቃሴ በማውገዝ ነው ድጋፋቸውን ያበረከቱት። በሀገረ ሆላንድ የሚኖሩ ኢትዮጵያዊያን ያደረጉት ድጋፍም ለታጋዮች በእጃቸው የደረሰ መሆኑን ለማረጋገጥ ተችሏል። ድጋፉን መካነ ሰላም ላይ ተረክበው ግንባር ላይ ለተሰለፉ ፋኖዎች ያስረከቡት ፋኖ ኤርሚያስ አያሌው እና ፋኖ አበበ ይማም በሆላንድ የሚኖሩ በጎ ፈቃደኛ ኢትዮጵያዊያን እና ሴት አስተባባሪዎች ለወገናቸው ተቆርቁረው ላደረጉላቸው መልካም ድጋፍ የላቀ ምስጋናቸውን አቅርበዋል። ድጋፋቸውን አጠናክረው በመቀጠል ከጎናቸው እንደሚሆኑም ያላቸውን እምነት ገልጸዋል። የአማራው ፍትሃዊ ትግል ያሸንፋል! ድል ለሰፊው የአማራ ህዝብ! ድል ለኢትዮጵያ!

Source: Link to the Post

Leave a Reply