You are currently viewing በአዲስ አበባ በሚገኙ ት/ቤቶች ላይ የኦሮሚያን ባንዲራ ለመስቀል እና የኦሮሚያ መዝሙር እንዲዘመር የሚደረገው ህገ ወጥ ተግባር በአስቸኳይ እንዲቆሞ ተጠየቀ  ታሕሳስ 4 ቀን 2015 ዓ.ም አሻ…

በአዲስ አበባ በሚገኙ ት/ቤቶች ላይ የኦሮሚያን ባንዲራ ለመስቀል እና የኦሮሚያ መዝሙር እንዲዘመር የሚደረገው ህገ ወጥ ተግባር በአስቸኳይ እንዲቆሞ ተጠየቀ ታሕሳስ 4 ቀን 2015 ዓ.ም አሻ…

በአዲስ አበባ በሚገኙ ት/ቤቶች ላይ የኦሮሚያን ባንዲራ ለመስቀል እና የኦሮሚያ መዝሙር እንዲዘመር የሚደረገው ህገ ወጥ ተግባር በአስቸኳይ እንዲቆሞ ተጠየቀ ታሕሳስ 4 ቀን 2015 ዓ.ም አሻራ ሚዲያ ፣ ባህርዳር በአዲስ አበባ አንዳንድ ት/ት ቤቶች እየተቀሰቀሰ ስላለው ችግር ለአዲስ አበባ ት/ት ቢሮ ማብራራያ እንዲሰጠዉ በደብዳቤ ጥያቄ ቢቀርብም ምላሽ እንዳልተሰጠው ኢዜማ ይፋ አድርጓል። ፓርቲዉ ህገ ወጥ ነው ያለዉ የኦሮሚያን መገለጫ በአዲስ አበባ ህዝብ ላይ ለመጫን የሚደረገው ተግባር ካልቆም ጉዳዩን ወደ ህግ እንደሚወስደዉ አስጠንቅቋል። የኢትዮጵያ ዜጎች ለማኀበራዊ ፍትህ (ኢዜማ) በአዲስ በአበባ በሚገኙ ትምህርት ቤቶች የኦሮሚያ ክልልን አርማ መሰቀልና መዝሙር መዘመርን አስመልክቶ ኀዳር 29/2015 ባወጣው መግለጫ፤ ይህ ህገ ወጥ ተግባር በአስቸኳይ ሊቆም ይገባል ብሎ እንደሚያምን አጽንኦት ሰጥቶ ማሳሰቡን አስታዉሷል። የሚመለከተው አካልም ለከተማው ነዋሪዎች ግልፅ የሆነ መረጃ እንዲሰጥ ፓርቲዉ ጥሪውን ማቅረቡንም ገልጿል፡፡ ሆኖም አሁንም በትምህርት ቤቶች እየተነሳ ያለው ሁከት ቀጥሎ መዝሙሩም ይዘመራል አርማውንም እንሰቅላለን የሚለው ግብ ግብ እንደቀጠለ ነው ያለው ኢዜማ፤ ይህን ጉዳይ በቅርበት እየተከታተለው እንደሚገኝ በመግለጽ፤ ለሚመለከታቸው አካላትም በጉዳዩ ላይ ማብራርያ እንዲሰጡና እና ይህ ሕገወጥ ተግባር እንዲቆም የሚጠይቅ ደብዳቤዎችን ማስገባቱን አስታውቋል። ነገር ግን የአዲሰ አበባ ከተማ አስተዳደር ትምህርት ቢሮ ጽ/ቤት ሁለት ጊዜ ፓርቲዉ የላከውን ደብዳቤ አልቀበልም በማለት ለህግ እንደማይገዛና በማን አለብኝነት እንደሚንቀሳቀስ በገሀድ አስመስክሯል ሲል ፓርቲው ቅሬታውን ገልጿል፡፡ አሁንም በድጋሚ ብጥብጡን እየፈጠረው ያለውን አርማ የመስቀልና መዝሙር ዘምሩ የማለት ግዳጅ እንዲቆም ኢዜማ የጠየቀ ሲሆን፤ በቀጣይነትም ጉዳዩን ወደ ህግ አግባብ ወስደን እልባት እንዲያገኝ ከማድረግ ወደኃላ እንደማንል ለማረጋገጥ እንወዳለን ብሏል፡፡ “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply