በአገራችን ወቅታዊ ሁኔታ ምክንያት በኢትዮ-ጂቡቲ ኮሪደር የሚደረገው የገቢ ወጪ እንቅስቃሴ ላይ ምንም አይነት ተጽዕኖ እንዳይኖር መንግስት በትኩረት እየሰራ መሆኑ ተገለጸ

በአገራችን ወቅታዊ ሁኔታ ምክንያት በኢትዮ-ጂቡቲ ኮሪደር የሚደረገው የገቢ ወጪ እንቅስቃሴ ላይ ምንም አይነት ተጽዕኖ እንዳይኖር መንግስት በትኩረት እየሰራ መሆኑ ተገለጸ

አዲስ አበባ ፣ ህዳር 15 ፣ 2013 (ኤፍ.ቢ.ሲ)በኢትዮጵያ ወቅታዊ ሁኔታ ምክንያት በኢትዮ-ጂቡቲ ኮሪደር የሚደረገው የገቢ ወጪ እንቅስቃሴ ላይ ምንም አይነት ተጽዕኖ እንዳይኖር መንግስት በትኩረት እየሰራ መሆኑ ተገልጿል።
መንግስት ህግን ለማስከበርና የአገሪቱን ደህንነት ለመጠበቅ በእኩዩ የህውሓት ጁንታ ላይ እያካሄደ ከሚገኘው ዘመቻ ጋር በተገናኘ 95 በመቶ የሚሆነው የአገሪቱን የገቢና ወጪ እንቅስቃሴ በሚደረግበት የኢትዮ-ጂቡቲ ኮሪደር ላይ ምንም አይነት እክል እንዳይገጥመው ከጂቡቲ መንግስት ጋር ከመቼውም ጊዜ በበለጠ በቅርበት እየሰራ መሆኑ ተገልጿል።
በጂቡቲ የኢ.ፌ.ዲ.ሪ ኤምባሲ ልዩ መልዕክተኛ እና ባለሙሉ ስልጣን አምባሳደር ብርሃኑ ፀጋዬ ÷ ኮሪደሩ ደህንነቱና ጸጥታው የተጠበቀ እንዲሆን ከሚመለከታቸው የጂቡቲ ኃላፊዎች ጋር ቅንጅታዊ ስራ መስራት መቻሉን ገልጸዋል።
በተለይም በየቀኑ ወደ አገር መግባት ያለባቸው እንደ ነዳጅ ያሉ ምርቶች ያለምንም ችግር ወደ መዳረሻቸው እንዲሄዱ ማድረግ ተችሏልም ነው ያሉት፡፡
አምባሳደሩ አያይዘውም በጂቡቲም ሆነ በታጆራ ወደቦች ውስጥ የሚደረጉ የዕለት ከዕለት የወደብ ክንውኖች እንደ ወትሮው የቀጠሉ በመሆኑ በመንግስት በኩል ገቢና ወጪ ምርቶችንና ሸቀጦችን ለማንቀሳቀስ በተያዘው እቅድ መሰረት እየተሰራ መሆኑን ገልጸዋል፡፡
በጂቡቲ ከሚገኙ የትራንስፖርት ሚኒስቴር ኃላፊዎች፣ የትራንስፖርት ማህበራት ተወካዮችና ከሚመለከታቸው አካላት ጋር በቅርበት መሰራቱ የከባድ መኪና አሽከርካሪዎች በወቅታዊ ሁኔታ ላይ የሚነዙት አንዳንድ ውዥንብሮች ሳያደናግጣቸው ስራቸውን እንዲሰሩ ከፍተኛ እገዛ ማድረጉን አምባሳደር ብርሃኑ ፀጋዬ ጠቅሰዋል፡፡
የዜና ሰዓት ሳይጠብቁ የፋና ብሮድካስቲንግ ኮርፖሬትን ትኩስ እና ሰበር ዜናዎችን በፍጥነት በአጭር የፅሁፍ መልዕክት መልክ በስልክዎ ላይ እንዲደርስዎ ወደ 8111 OK ብለው ይላኩ።

The post በአገራችን ወቅታዊ ሁኔታ ምክንያት በኢትዮ-ጂቡቲ ኮሪደር የሚደረገው የገቢ ወጪ እንቅስቃሴ ላይ ምንም አይነት ተጽዕኖ እንዳይኖር መንግስት በትኩረት እየሰራ መሆኑ ተገለጸ appeared first on Welcome to Fana Broadcasting Corporate S.C.

Source: Link to the Post

Leave a Reply