You are currently viewing በአፋር ክልል የሰሙሮቢ ገላዕሉ ወረዳ ዋና አስተዳዳሪ አስቸኳይ የድጋፍ ጥሪ አቀረቡ። አማራ ሚዲያ ማዕከል/አሚማ   ሚያዝያ 4 ቀን 2014 ዓ.ም         አዲስ አበባ ሸዋ ትናንት ከሰአት…

በአፋር ክልል የሰሙሮቢ ገላዕሉ ወረዳ ዋና አስተዳዳሪ አስቸኳይ የድጋፍ ጥሪ አቀረቡ። አማራ ሚዲያ ማዕከል/አሚማ ሚያዝያ 4 ቀን 2014 ዓ.ም አዲስ አበባ ሸዋ ትናንት ከሰአት…

በአፋር ክልል የሰሙሮቢ ገላዕሉ ወረዳ ዋና አስተዳዳሪ አስቸኳይ የድጋፍ ጥሪ አቀረቡ። አማራ ሚዲያ ማዕከል/አሚማ ሚያዝያ 4 ቀን 2014 ዓ.ም አዲስ አበባ ሸዋ ትናንት ከሰአት 11 ሰአት ገደማ በሰሙሮቢ ወረዳ ኮማሚ ቀበሌ በተነሳው ከፍተኛ የእሳት ቃጠሎ በርካታ ንብረት በመውደሙ የተነሳ ህብረተሰቡ ለከፍተኛ ችግር በመዳረጉ አስቸኳይ እርዳታ እንዲደረግ የወረዳው ዋና አስተዳዳሪ አቶ ሀሰን ሀንድዬ ጥሪ አቅርበዋል። ሰዎች ከቤታቸው ተፈናቅለው ሜዳ ላይ ነው ያሉት ፣ አስቸኳይ ድጋፍ ያስፈልጋል ብለዋል። አያይዘውም አልባሳት፣ ምግብ ነክ ነገሮች፣ መጠለያና የመጠጥ ውሃ በአፋጣኝ እንደሚያስፈልግም ገልጠዋል። ከ ሶስት ቀን በፊት በተቋረጠው ኤሌክትሪክ ምክንያት ህብረተሰቡ ለውሃ ጥም መዳረጉን ያወሱት ዋና አስተዳዳሪው አሁን ደግሞ የደረሰው ከፍተኛ የእሳት ቃጠሎ ሲጨመርበት በዚህ የፆም ሰአት የበለጠ ተጎጂ እንዳደረጋቸው አብራርተዋል። የእሳት ቃጠሎው በንብረት ላይ ከፍተኛ ውድመት ማድረሱን ያወሱት አቶ ሀሰን እያንዳንዳቸው 80 የንግድ ቤቶች ውስጥ የነበሩ 500 ሺህ ብር በላይ ሸቀጣ ሸቀጥና ጥሬ ገንዘብ ሙሉ በሙሉ የወደሙ ሲሆን በ 80 መኖሪያ ቤቶችም የነበሩ እቃዎችና እንዲሁም ጥሬ ገንዘብ እያንዳንዳቸው 200 ሺህ ብር ገደማ መውደሙን ተናግረዋል። አጠቃላይ በንብረት ላይ ማለትም የቤቶችን ግምት ሳያካትት በቤት ውስጥ የነበረ ሸቀጣ ሸቀጥ፣ እቃዎችና ጥሬ ብር የደረሰው አደጋ አሀዝ 56 ሚሊዮን ብር የሚጠጋ እንደሆነ ነው የገለፁት አቶ ሀሰን በሰው ህይወት ላይ ምንም አይነት ጉዳት አለመድረሱን አብራርተዋል። በአቅራቢያቸው በሚገኙት ሸዋሮቢትም ሆነ ደብረብረሃን ከተሞች አንድም የእሳት አደጋ መከላከያ ባለመኖሩ ምክንያት ይህን ውድመት መቀነስ እንዳልተቻለም ገልጠዋል። የመብራት ሀይል አገልግሎትም የራሱን ሚና መወጣት እንዳለበትም አሳስበዋል። መነሻው በቀዳሚነት በቤንዚን ነው ተብሎ ታስቦ የነበረው ትክክል አልነበረም የሚሉት ወረዳ አስተዳዳሪው በተደረገው ማጣራት መነሻው የኤሌክትሪክ ንክኪ ተፈጥሮ ወደ ቤንዚን ቤት ማምራቱን አያይዘው ተናግረዋል። በመጨረሻም ወረዳ አስተዳዳሪው በአሁኑ ወቅት የአደጋው ሰለባ የሆነው ህብረተሰባችን ከፍተኛ የሆነ ችግር ውስጥ በመሆኑ በአፋጣኝ ልንደርስለት ይገባል በማለት የድጋፍ ጥሪ አቅርበዋል ሲል የዘገበው የአፋር ክልል መንግስት ኮሚዩኒኬሽን ነው።

Source: Link to the Post

Leave a Reply