You are currently viewing በኡጋንዳ የሚኖሩ አማራዎች መብት፣ጥቅምና ፍላጎታቸውን ለማስከበር የሚረዳ አማራዊ አደረጃጀት መስርተው ወደ ስራ መግባታቸውን አስታወቁ። አማራ ሚዲያ ማዕከል/አሚማ  ታህሳስ 12 ቀን 2014 ዓ…

በኡጋንዳ የሚኖሩ አማራዎች መብት፣ጥቅምና ፍላጎታቸውን ለማስከበር የሚረዳ አማራዊ አደረጃጀት መስርተው ወደ ስራ መግባታቸውን አስታወቁ። አማራ ሚዲያ ማዕከል/አሚማ ታህሳስ 12 ቀን 2014 ዓ…

በኡጋንዳ የሚኖሩ አማራዎች መብት፣ጥቅምና ፍላጎታቸውን ለማስከበር የሚረዳ አማራዊ አደረጃጀት መስርተው ወደ ስራ መግባታቸውን አስታወቁ። አማራ ሚዲያ ማዕከል/አሚማ ታህሳስ 12 ቀን 2014 ዓ.ም አዲስ አበባ ሸዋ ከአሚማ ጋር ቆይታ ያደረጉ ምንጫችን እንደገለጹት ምንም እንኳ በርካታ አማራዎች ወደ ኡጋንዳ እንደሚመጡ ቢታወቅም ሁሉንም የሚያስተሳስር ጠንካራ አማራዊ አደረጃጀት ባለመመስረታቸው መብት፣ ጥቅምና ፍላጎታቸውን ለማስከበር አልቻሉም ይላሉ። ወደተለያዩ አካባቢዎች ለመሸጋገር ብሎም ፕሮሰስ ለማስጨረስ የሚመጡ አማራዎች አደረጃጀት ባለመኖሩ ላልተገባ እንግልት እየተዳረጉ ነው፤ በሀሰት ትርክትና ጥላቻ የጎበጡ አካላትም የአማራን ገጽታ የማበላሸት ስራ እንደሚሰሩም ጠቁመዋል። አሁን ላይ ግን የችግሩን ስፋት ግንዛቤ ውስጥ በማስገባት በኡጋንዳ የሚኖሩ አማራዎችን መብት፣ጥቅምና ፍላጎት ለማስከበር የሚረዳ አማራዊ አደረጃጀት መመስረት የግድ በማለት መዋቅር ፈጥረን ወደ ስራ ገብተናል ብለዋል። የአማራ ማህበር በኡጋንዳ ከሌሎች ኢትዮጵያዊያን ጋር በመተባበር ከሁለት ሳምንት በፊት የበቃ#nomore ሰላማዊ ሰልፍ በማድረግም አንዳንድ የምዕራባዊያንና የአውሮፓ ሀገራት አሸባሪዎችን በመደገፍ ባልተገባ መንገድ በኢትዮጵያ ጉዳይ የሚያደርጉትን ጣልቃ ገብነትን ለማውገዝ እንደቻሉና ማህበሩ ከፍተኛ የሆነ የማስተባበር ኃላፊነቱን እንደተወጣ ተገልጧል። የአማራ ማህበር በኡጋንዳ:_ 1. መግቢያ:_ የአማራ አንድነት ማህበር አባላቱ በምንኖርበት በየትኛውም አካባቢ የአማራ ተወላጆች በሙሉ በመቀናጀት እርስ በእርስ ለመደጋገፍ እንዲችሉ፣ በምንኖርበት በሁሉም አካባቢ አንድነት እና ህብረት ላይ የተመሰረተ በመመካከር እና በመተሳሰብ የጋራ ትብብር እንዲያጎለብቱ፣ የመረዳዳት ባህልን ለማሳደግ እና ለማስፋፋት፣ እንዲሁም የአማራን ባህል፣ ትሁፊት እና እሴቶችን ለማዳበር ታስቦ የተመሰረተ ማህበር መሆኑ ተገልጧል። በተጨማሪም ማህበሩ በአባላቱ መካከል የተፈጥሮም ይሁን ሰዉ ሰራሽ ችግሮች በሚከሰትበት ወቅት አባላቱ ችግሩ በተፈጠረበት ቦታ ድረስ በመሄድ የተከሰተዉን ችግር ተገንዝቦ በጋራ መፍትሄ ለማምጣት ታስቦ የተመሰረተ ማህበር ነዉ፡፡ 2. ዓላማውም:_ የማህበሩ ዓላማ በአጠቃላይ በአባላቱ መካከል እርስ በእርስ የመደጋገፍ ባህልን በማጎልበት ችግሮች በሚደርሱበት ወቅት በሐሳብም ሆነ በገንዘብ በመደጋገፍ ችግሮችን በጋራ መቅረፍና የመረዳዳት ባህልን ማጠናከር ነው፡፡ 3. አቋም:_ 3.1 ማህበሩ ከማንኛውም የፖለቲካ ወገንተኝነት ነጻ የሆነና አባላቱንና የአማራ ተወላጆችን አቅም ከፈቀደም ማንኛውንም ኢትዮጵያዊ በችግር ጊዜ የመደገፍና የመረዳዳት መንፈስ ላይ ብቻ ያተኮረ ነው፡፡ 3.2. ማህበሩ በአማራው ላይ የሚደርስ ችግርን በጋራ ከመፍታት አንጻር የተቋቋመ ቢሆንም በኡጋንዳ የኢትዮጵያዊያን ኮሚዩኒቲ እንዲጠናከር ይሰራል፣ አባላቱ የኢትዮጵያዊያን ኮሚኒቲ አባልም ይሆናሉ፡፡ 4. መርህ፡- ሁሉም የአማራ ተወላጅ እርስ በእርስ የመረዳዳት እና የመደጋገፍ የውዴታ ግዴታ አለበት፡፡ ከዚህ በተጨማሪም ወደ ኡጋንዳ የሚመጣው የአማራ ስደተኛ ቁጥር እጅግ በጣም እየጨመረ ይገኛል። ይህ ወገናችን በመረጃ እጥረት ምክንያት ያለአግባብ ገንዘቡን እያባከነ እንዲሁም ለብዙ እንግልት እየተዳረገ ነው። ይህን ችግር ለመቅረፍ በኢትዮጵያና ከኢትዮጵያ ውጭ ለሚገኙ አማራዎች ኡጋንዳን በተመለከተ የተጣራ መረጃ እንዲደርስ ለማድርግ ማህበራችን እየተንቀሳቀሰ ይገኛል። የአማራ ማህበር በኡጋንዳ እንደ ጅማሮ ለሳይንት(ወሎ) አማራ ተፈናቃዮች የቁሳቁስ ድጋፍ አድርጓል። ለወደፊትም አጠናክረን እንቀጥላለን። መመዝገብ ለሚፈልጉ የማህበራችን ስልክ ቁጥሮች እነዚህ ናቸው። +256751569130 +256757970802 +256756538866

Source: Link to the Post

Leave a Reply