በኢትዮጵያ በአዲስ ቴክኖሎጂ ህክምና የሚሰጥ የመጀመሪያው የስትሮክ ህክምና ማእከል ተመረቀ። የአክሶን ስትሮክ እና ስፓይን ማእከል መከፈቱ እንደ ሀገር የስትሮክ ህክምናን አንድ ምእራፍ ወደ ፊ…

በኢትዮጵያ በአዲስ ቴክኖሎጂ ህክምና የሚሰጥ የመጀመሪያው የስትሮክ ህክምና ማእከል ተመረቀ።

የአክሶን ስትሮክ እና ስፓይን ማእከል መከፈቱ እንደ ሀገር የስትሮክ ህክምናን አንድ ምእራፍ ወደ ፊት የሚወስድ መሆኑን የጤና ሚኒስትር ዶክተር ሊያ ታደሠ ገልጸዋል።

የጤናው ዘርፍ በርካታ መሻሻሎች እያሣየ ያለ ቢሆንም ገና ብዙ ወደ ፊት መሄድ ይጠበቅበታልም ብለዋል።

ላለፋት ዓመታት ተላላፊ ያልሆኑ በሽታዎችና በዚህ ሳቢያ የሚመጣ ሞት እየጨመረ መምጣቱን የገለጹት ሚኒስትሯ ችግሩን ለመቅረፍ የጤና ሚኒስቴር ከመከላከል ስራው ጎን ለጎን የስፔሻሊቲ ህክምና አገልገግሎት ማስፋፋት ስራ የሚያሰራ የአስር ዓመት ፍኖተ ካርታ ተዘጋጅቶ እየተተገበረ መሆኑን አስረድተዋል።

የአክሶል ስትሮክ እና ስፓይን ማእከል አጋር መስራች ዶክተር አከዛ ጠአመ የአክሶል ስትሮክና ስፓይን ማእከል በሀገሪቱ ያልነበረ አዲስ አገልግሎት የሚሰጥ መሆኑ ለየት ያደርገዋል ያሉ ሲሆን ለአገር ውስጥ ብቻ ሳይሆን ከጎረቤት አገራት የሚመጡትም የሚታከሙበት ተቋም እንደሆነ ገልጸዋል።

ከአስር ዓመታት በላይ በኢትዮጵያ አገልግሎት ሲሰጡ የቆዩት አሜሪካን ሜዲካል ማእከል፣ ሰማሪታን የቀዶ ጥገና ማእከል እና አሁን ደግሞ አክሶል የስትሮክ እና ስፓይን ማእከል ሲሆኑ እነዚህ ሦስት ተቋማት በአገሪቱ የጤና ዘርፍ ከፍተኛ ለውጥ ለማምጣት የሚሠሩ ተቋማት መሆናቸው ዶክተር አከዛ አስታውቀዋል።

በዓለም ካለዉ የስትሮክ መጠን ውስጥ ሁለት ሦስተኛው የሚገኘው በታዳጊ አገራት ሆኖ አምራች እድሜ ክልል ወስጥ ያሉትን እያጠቃ እንደሆነ የገለጹት ደግሞ የአክሶል ስትሮክ እና ስፓይን ማእከል አጋር መስራች እና ዋና ስራ አስኪያጅ ዶክተር ወንድወሰን ገብረ አማኑኤል ሲሆኑ የበሽታው በአገሪቱ መስፋፋትን ለማእከሉ መመስረት በምክንያትነት አቅርበዋል።

ድንገተኛ ታሞ የመጣ ታማሚ ከአምቡላንስ በድንገተኛ ክፍል ተቀብሎ እርዳታ የሚሰጥበት፣ ታካሚው በተኛበት ክብደቱን የሚለካ አና ሌሎችም አገልግሎት መስጠት የሚያስችል አልጋ ያላቸው ክፍሎች ማመቻቸት መቻሉንም ገልጸዋል።

ካት ላብ የተባለ መሳሪያ ያለው ክፍል ውስጥ የስትሮክ ህመሙን ከመለየት እስከ ማከም የሚቻልበት አገልግሎት በአንድ ጣሪያ የሚያገኙበት እንዲሁም ታካሚዎች በማገገሚያ ክፍል ልዩ ልዩ የፊዝዮቴራፒ አገልግሎት የሚሰጥበት ማእከል እንደሆነም በገለጻቸው አመልክተዋል።

Source: Link to the Post

Leave a Reply