በኢትዮጵያ ኤሌክትሪክ አገልግሎት ደሴ ዲስትሪክት ከ80 በላይ ትራንስፎርመር በሽብር ቡድኑ ተዘረፈ። አማራ ሚዲያ ማዕከል/አሚማ ታህሳስ 13 ቀን 2014 ዓ.ም አዲስ አበባ ሸዋ በኢ…

በኢትዮጵያ ኤሌክትሪክ አገልግሎት ደሴ ዲስትሪክት ከ80 በላይ ትራንስፎርመር በሽብር ቡድኑ ተዘረፈ። አማራ ሚዲያ ማዕከል/አሚማ ታህሳስ 13 ቀን 2014 ዓ.ም አዲስ አበባ ሸዋ በኢትዮጵያ ኤሌክትሪክ አገልግሎት ደሴ ዲስትሪክት ከሰማንያ በላይ ትራንስፎርመር በሽብር ቡድኑ ተዘርፏል። በአማራ ክልል ከተዋቀሩ ስድስት ዲስትሪክቶች መካከል አንዱ የሆነው የደሴ ዲስትሪክት በስሩ 23 የአገልግሎት መስጫ ማዕከላት አሉት። የደሴ ዲስትሪክት ዳይሬክተር ሀብቱ አበበ እንዳሉት የአሸባሪው ሕወሓት ታጣቂዎች በደረሱባቸው ቦታዎች ያሉ የአገልግሎት መስጫ ማዕከላት ከፍተኛ ጉዳት ደርሶባቸዋል። የሽብር ቡድኑ በዲስትሪክቱ ዋና መስሪያ ቤት ያሉ ንብረቶችን የቻለውን ዘርፎ ቀሪውን ሙሉ በሙሉ አውድሞ መሄዱን ገልጸዋል። ከከባድ ተሽከርካሪ ጀምሮ በማከማቻ ማዕከሉ ያሉ ንብረቶችን ዘርፎና አውድሞ ተቋሙን ባዶ አድርጎታል ብለዋል። በደሴ ዲስትሪክት በዋናው የክምችት ማዕከል የሚገኙ በሚሊየን ብር የሚገመቱ ከ80 በላይ ትራንስፎርመሮች እንደተዘረፉም ገልፀዋል። የሽብር ቡድኑ የኢንዱስትሪ ማዕከል የሆኑት የደሴና ኮምቦልቻ ከተሞች የመብራት እጦት እንዲገጥማቸው ለማድረግ የደሴን ሰብ ስቴሽን/ማከፋፈያ ጣቢያ በከባድ መሳሪያ መድፍ አውድሞታል ብለዋል። በደሴ ዲስትሪክት ላይ የተፈጸመው ዘረፋና ውድመት ከፍተኛ መሆኑን የገለጹት ዳይሬክተሩ ይሄንን በአዲስ መልክ ለማደራጀት እንገደዳለን ብለዋል። በመሆኑም የአማራ ክልል ኤሌክትሪክ አገልግሎት ብቻ ሳይሆን የፌዴራሉ ጭምር ተቀናጅተው የሚፈቱት ይሆናል ማለታቸውን ኢዜአ ዘግቧል።

Source: Link to the Post

Leave a Reply