You are currently viewing በኢትዮጵያ ኦርቶዶክስ ተዋሕዶ ቤተክርስቲያን የሰሜን ወሎ ሀገረ ስብከት ስትንከባከባቸው የቆዩ ቁስለኛ ወታደሮችን ለመንግስት አስረከበች፤  የክልሉ ርዕሰ መስተዳድር ዶ/ር ይልቃል ከፋለም በሰሜ…

በኢትዮጵያ ኦርቶዶክስ ተዋሕዶ ቤተክርስቲያን የሰሜን ወሎ ሀገረ ስብከት ስትንከባከባቸው የቆዩ ቁስለኛ ወታደሮችን ለመንግስት አስረከበች፤ የክልሉ ርዕሰ መስተዳድር ዶ/ር ይልቃል ከፋለም በሰሜ…

በኢትዮጵያ ኦርቶዶክስ ተዋሕዶ ቤተክርስቲያን የሰሜን ወሎ ሀገረ ስብከት ስትንከባከባቸው የቆዩ ቁስለኛ ወታደሮችን ለመንግስት አስረከበች፤ የክልሉ ርዕሰ መስተዳድር ዶ/ር ይልቃል ከፋለም በሰሜን ወሎ ሀገረ ስብከት መንበረ ጵጵስና ተገኝተው ጎብኝተዋል። አማራ ሚዲያ ማዕከል/አሚማ ታህሳስ 18 ቀን 2014 ዓ.ም… አዲስ አበባ ሸዋ ከነሐሴ 03 ቀን 2013 ዓ.ም እስከ ታኅሣሥ 09 ቀን 2014 ዓ.ም ድረስ በወልድያ ከተማና አካባቢው በነበረው ጦርነት የቆሰሉ የኢፌዴሪ የመከላከያ ሠራዊት አባላትን ከተፋላሚ ወገኖች በመደበቅ ቁስላቸውን በማከም ቆይተዋል። ብፁዕ አቡነ ኤርምያስ ከወገን ጦር በተጨማሪ የአሚጺው ኃይሎችም በሚሸሹበት ወቅት የቆሰሉትን በማከም የፖለቲካ ዝንባሌያቸውን ሳያዩ ሰብአዊ አገልግሎት መስጠታቸውን ገልጸው በቁጥር 16 የሚሆኑትን የመንግሥት የመከላከያ ሠራዊት አባላትን ከቆሰሉበት በማንሳት ከተፋላሚው ቡድን ሸሽገው እንክብካቤ ሲያደርጉላቸው እንደቆዩ ገልጸዋል። የኦርቶዶክስ ተዋሕዶ እምነት ባህልም ተቋምም ሀገርም ነው ያሉት ርዕሰ መስተዳደር ዶ/ር ይልቃል ከፋለ የሥልጣኔ አሻራ ያላት ቤተክርስቲያን ችግር ሲደርስ የምታጽናና ከችግር የምትታደግ ተቋም መሆኗ በወልደያና ላሊበላ አይተነዋል። ህዝቡ እንዲረዳዳ በማድረግ ለኢትዮጵያ ሕዝብ ባለውለታ የሆነች ቤተክርስቲያን ናት ብለዋል። የኢትዮጵያ ኦርቶዶክስ ተዋሕዶ ቤተክርስቲያን መገለጫ የእነ ብፁዕ አቡነ ኤርምያስ ሥራ ነው ያሉት ርዕሰ መስተዳደሩ ህዝቡ እርስ በእርስ እንዲረዳዳ በማድረግ አሳልፈውታል ብለዋል። ለቁስለኛ የመከላከያ ሠራዊት አባላትም በወገናችሁ እጅ በመሆናችሁ ደስ ሊላችሁ ይገባል ብለዋል። ቤተክርስቲያኗ ስትንከባከባቸው የነበሩ ቁስለኞችንም ታህሳስ 18 ቀን 2014 ለሠራዊቱ አስረክባለች። ርዕሰ መስተዳድር ዶ/ር ይልቃል ከፋለ ወደ ብፁዕ አቡነ ቄርሎስ ማረፊያ በመሄድ ከብፁዕነታቸው ቡራኬ ተቀብለዋል። ዜናው የኢትዮጵያ ኦርቶዶክስ ተዋህዶ ቴሌቪዥን ነው።

Source: Link to the Post

Leave a Reply