You are currently viewing በኢንዱስትሪ ፓርኮች የሚፈፀሙ ፆታዊ ጥቃቶች አሳሳቢ ሆነዋል ተባለ፡፡

በኢንዱስትሪ ፓርኮች የሚፈፀሙ ፆታዊ ጥቃቶች አሳሳቢ ሆነዋል ተባለ፡፡

በኢንደስትሪ ፓርኮች ውስጥ በሚሰሩ ሴት ሰራተኞ ላይ የሚፈፀም ፆታን መሠረት ያደረጉ ጥቃቶች አሳሳቢ ሆኗል ተብሏል፡፡

ስብስብ ለሰብዓዊ መብቶች በኢትዮጵያ ፃታን መሠረት ያደረጉ ጥቃቶች አሳሳቢ ደረጃ ላይ መድረሳቸውን ለኢትዮ ኤፍኤም አስታውቀዋል ።

በሠራተኛ ማኅበራት ኮንፌደሬሽን መረጃዎችን በማሰባሰብ ፤ስብስብ ለሰብዓዊ መብቶች በኢትዮጵያ እንዳስታወቀው በአዲስ አበባ፣ በአማራ እና በኦሮሚያ ክልሎች በሚገኙ ኢንደስትሪ ፓርኮች በሚሰሩ ሰራተኞች ላይ ፃታን መሰረት ያደረጉ ጥቃቶች አሳሳቢ ሆነዋል፡፡

ነፍሰ-ጡር እናቶችን ለስራ ቅጥር ካለመፈለግ አንስቶ እዕድሜያቸው የገፉ ሴቶችን ማግለል፤ ወሲባዊ ትንኮሳዎች ፤መድሎዎች እና መገለሎች በአጠቃላይ ምርመራ በተደረገባቸው ሶስቱም ፓርኮች ላይ ፃታን መሰረት ያደረጉ ጥቃቶች መኖራቸውን የስብስብ ለሰብዓዊ መብቶች በኢትዮጵያ ዳይሬክተር መሠረት አሊ ለጣብያችን ተናግረዋል።

ዳይሬክተሯ ይህንን ችግር ለመፍታት የሰራተኛ ፌዴሬሽኖችንና ማህበራት በጋራ ሊሰሩ ይገባል ያሉ ሲሆን ሰራተኞች ችግር ሲያጋጥማቸው ፍትህ ሊያገኙበት የሚችል ቦታ እና ስረዓት ሊዘጋጅ ይገባልም ብለዋል፡፡

ፃታን መሰረት ያደረጉ ጥቃቶች ምርመራ ከተደረገባቸው ኢንዱስትሪ ፓርኮች በተጨማሪ አዲስ በሚከፈቱ ፋብሪካዎች፣ በሆቴል እና ቱሪዝም ኢንደስትሪ ውስጥ መበራከታቸውንም ጣቢያችን ኢትዮ ኤፍ ኤም ሰምቷል፡፡

እንደ ኢትዮጵያ ዕንባ ጠባቂ ተቋምና የኢትዮጵያ ሰብዓዊ መብቶች ኮሚሽን /ኢሰመኮ/ ያሉ ተቋማትም በሰራተኛው መብት ላይ የሚፈፀሙ ጥቃቶችን ለማስቆም መፍትሄ መፈለግ ይኖርባቸዋል ተብሏል፡፡

በአቤል ደጀኔ

የካቲት 19 ቀን 2016 ዓ.ም

Facebooktwitterredditpinterestlinkedinmail

Source: Link to the Post

Leave a Reply