You are currently viewing በእስር ላይ የሚገኙት 5ቱ የባልደራስ አባላት ምግብ ተከለከሉ። አማራ ሚዲያ ማዕከል/አሚማ   ጥር 1 ቀን 2014 ዓ.ም        አዲስ አበባ ሸዋ እነ እስክንድር ነጋ ታምራት ነገራን ጨምሮ…

በእስር ላይ የሚገኙት 5ቱ የባልደራስ አባላት ምግብ ተከለከሉ። አማራ ሚዲያ ማዕከል/አሚማ ጥር 1 ቀን 2014 ዓ.ም አዲስ አበባ ሸዋ እነ እስክንድር ነጋ ታምራት ነገራን ጨምሮ…

በእስር ላይ የሚገኙት 5ቱ የባልደራስ አባላት ምግብ ተከለከሉ። አማራ ሚዲያ ማዕከል/አሚማ ጥር 1 ቀን 2014 ዓ.ም አዲስ አበባ ሸዋ እነ እስክንድር ነጋ ታምራት ነገራን ጨምሮ እስረኞችን ጠይቀዋል፤ መዓዛ መሐመድን ግን እንዳይጠይቁ ተከልክለዋል። የአስቸኳይ ጊዜ አዋጁን ሰበብ በማድረግ በግፍ በአቃቂ ቃሊቲ ክፍለ ከተማ ፖሊስ መምሪያ ታስረው የሚገኙት የባልደራስ ለእውነተኛ ዴሞክራሲ ፓርቲ (ባልደራስ) አባላት ማለትም ሰላም ተሾመ፣ ፋሲል ውሒብ፣ ምትክ ካሳሁን፣ ብሩክ ጫኔ እና ዮርዳኖስ እንዳለ እስር ቤቱ የመቁንን (ሬሽን) ምግብ እያቀረበላቸው አለመሆኑን ተናግረዋል። ቤተሰቦቻቸውም ምግብ ማቀበልና መጠየቅ የሚችሉት ዘወትር ማለዳ አንድ ሰዓት ላይ ብቻ ነው። ይሁን እንጂ በፖሊስ መምሪያው አሠራር ሌሎች እስረኞች በማናቸውም የሥራ ሰዓት ከቤተሰቦቻቸው ጋር እንዲገናኙ ይፈቀዳል። የባልደራስ ፕሬዚደንት አቶ እስክንድር ነጋ፣ የአደረጃጀት ጉዳዮች ሓላፊው አቶ ስንታየሁ ቸኮል እና ሌሎች የፓርቲው ከፍተኛ አመራሮች ዛሬ እሁድ፤ ጥር 1 ቀን 2014 ዓ.ም. በቃሊቲ ተገኝተው እስረኞችን ጠይቀዋል። የኅሊና እስረኞችን ምግብ መከልከል ዓለም ዓቀፍ ወንጀል መሆኑን በመጥቀስም ድርጊቱን አውግዘዋል። በተጨማሪም እስረኞች የህክምና አገልግሎት መከልከላቸውን ለእነ እስክንድር ተናግረዋል። እነ እስክንድር ነጋ በኦሮሚያ ፖሊስ ኮሚሽን፤ ገላን ፖሊስ ጣቢያ በግፍ እስር ላይ የሚገኘውን ጋዜጠኛ ታምራት ነገራን ጠይቀዋል። በአንፃሩ በአዲስ አበባ ፖሊስ ኮሚሽን፤ 3ኛ ፖሊስ ጣቢያ የምትገኘውን ጋዜጠኛ መዓዛ መሐመድን ለመጠየቅ በቦታው ቢገኙም በፖሊስ ተከልክለዋል። ለክልከላው የተሰጠው ምክንያት “በዓል ስለሆነ አይቻልም” የሚል ነው። ሆኖም በእስር ቤቶች የተለመደ አሠራር ከአዘቦት ቀን ይልቅ በበዓላት ጊዜ የእስረኞችና ጠያቂዎቻቸው ግንኙነት የተሻለ ፍቁድ መሆኑ ይታወቃል። ታምራት ነገራ በአስቸጋሪ ሁኔታ ውስጥ ታስሮ እንደሚገኘም ገልጿል። በአንድ ጠባብ ክፍል ውስጥ ከሌሎች 24 ሰዎች ጋር የታሠረ ሲሆን ለምኝታ ተቸግሯል ሲል ባልደራስ በይፋዊ የማህበራዊ ትስስር ገጹ አስፍሯል።

Source: Link to the Post

Leave a Reply