You are currently viewing በእነ እስክንድር ነጋ ላይ እየተፈጸመ ያለው ነገር የፍትህ ሂደቱ ከጊዜ ወደ ጊዜ ከድጡ ወደ ማጡ እየሄደ ለመሆኑ አንደኛው ማሳያ ነው ሲል መቶ አለቃ ማስረሻ ሰጠኝ ተናገረ። አማራ ሚዲያ ማዕከ…

በእነ እስክንድር ነጋ ላይ እየተፈጸመ ያለው ነገር የፍትህ ሂደቱ ከጊዜ ወደ ጊዜ ከድጡ ወደ ማጡ እየሄደ ለመሆኑ አንደኛው ማሳያ ነው ሲል መቶ አለቃ ማስረሻ ሰጠኝ ተናገረ። አማራ ሚዲያ ማዕከ…

በእነ እስክንድር ነጋ ላይ እየተፈጸመ ያለው ነገር የፍትህ ሂደቱ ከጊዜ ወደ ጊዜ ከድጡ ወደ ማጡ እየሄደ ለመሆኑ አንደኛው ማሳያ ነው ሲል መቶ አለቃ ማስረሻ ሰጠኝ ተናገረ። አማራ ሚዲያ ማዕከል/አሚማ ጥቅምት 12 ቀን 2014 ዓ. ም አዲስ አበባ ሸዋ በእስክንድር ነጋ ላይ ተሰምቷል ስለተባለው የአቃቢ ህግ የምስክር ሂደት እና ስለተፈጸመው ድብደባ አስተያየቱን የሰጠው መቶ አለቃ ማስረሻ ሰጠኝ የፍትህ ሂደቱ ከመሻሻል ይልቅ ከድጡ ወደ ማጡ እየሄደ ስለመሆኑ አንደኛው ማሳያ ነው ብሏል። መቶ አለቃ ማስረሻ እንደአብነትም ትናንት ወያኔ ንጹሃንን በየእስር ቤቱ በማጎር እና የሀሰት ምስክር በማደራጀት ሲሄድበት ስለነበረው የቁልቁለት መንገድ የነሃሴ 28ቱን የቂሊንጦ ቃጠሎን ጉዳይ በመጥቀስ ገለጻ አድርጓል። በነሃሴ 28 ቀን 2008 ከቂሊንጦ ቃጠሎ ጋር በተያያዘ በእነ መቶ አለቃ ማስረሻ ሰጠኝ መዝገብ ተከሳሾች ላይ አንደኛ የአቃቢ ህግ ምስክር ሆኖ የቀረበው ቅጥረኛ ነፍሰ ገዳይ ነበር ይላል መቶ አለቃ ማስረሻ። ሁለት ነፍስ አጥፍቶ የታሰረ፤ በቂሊንጦ የቃጠሎ መዝገብም ተጠርጣሪ ሆኖ የቀረበ፣ አብሮ ሸዋሮቢት ድረስ ተወስዶ የተገረፈ እንዲሁም ሁለት እጁ ለጊዜው የማይሰሩ እንደነበር አውስቷል። ቅጥረኛ ነፍሰ ገዳይን እንፈታሃለን በሚል ሰበብ የአቃቢ ህግ ምስክር አድርገው በሀሰት ያስመሰከሩት ቢሆንም መጨረሻ ላይ አለቀቁትም፤ መለቀቅም የለበትም ብሏል። 1 ሚሊዮን ብር ተቀብሎ ሰው የገደለን ሰው በዶ/ር ፍቅሩ ማሩ እና በእኔ ላይ በሀሰት ያስመሰከሩት ቢሆንም መጨረሻ ላይ በህዝብ ትግል ተፈተናል ነው ያለው። አሁንም በተመሳሳይ በእስክንድር ነጋ ላይ ያስመሰከሩት ከአሁን ቀደም በአንዷለም አራጌ ላይ ድብደባ የፈጸመን ሰው ስለመሆኑ ጠቅሷል። በእስክንድር ነጋ ላይ ድብደባ የመፈጸሙ ጉዳይም እንዳሳዘነው ገልጧል። ይህም የፍትህ ሂደቱ ሪፎርም የተደረገበት አለመሆኑን ያሳያል ያለው መቶ አለቃ ማስረሻ በአጠቃላይ ተቋም የሚባል ነገር እየሰሩ ሳይሆን ተቋምን በማጓተት የመጠቅለል ስራ ነው እየሰሩ ያሉት ብሏል። በሌላ በኩል የአዲስ አበባን ህዝብ በይፋ የሰደበ እና የኢትዮጵያ ስም እንዲቀየር በግልጽ የተናገረ ሰው የምክር ቤት አባል መሆኑም ግርምት እንደፈጠረበት ተናግሯል፤ በእርግጥም የአካሄድ ለውጥ ነው እንጅ ዶ/ር አብይም ከዚህ የተለዬ ሀሳብ ይኖራቸዋል ብዬ አላስብም ሲልም ተደምጧል። በመጨረሻም ህዝብን በአደባባይ የሰደበ እና ማስረጃም ያለበት ሰው ፓርላማ እየገባ ባለበት ሰዓት በሁለት ዐይንህ ደፍረህ የማትነግረውን እስክንድር ነጋን መደብደብና በፍትህ ሰበብ አግቶ መያዝ አግባብነት የለውም የሚል መልዕክት አስተላልፏል።

Source: Link to the Post

Leave a Reply