You are currently viewing በእነ እስክንድር የክስ መዝገብ የዐቃቤ ሕግ ምስክሮች ሳይቀርቡ ቀሩ። አማራ ሚዲያ ማዕከል  ታህሳስ 11 ቀን 2014 ዓ.ም        አዲስ አበባ ሸዋ የፌዴራሉ ከፍተኛ ፍርድ ቤት ልደታ ምድ…

በእነ እስክንድር የክስ መዝገብ የዐቃቤ ሕግ ምስክሮች ሳይቀርቡ ቀሩ። አማራ ሚዲያ ማዕከል ታህሳስ 11 ቀን 2014 ዓ.ም አዲስ አበባ ሸዋ የፌዴራሉ ከፍተኛ ፍርድ ቤት ልደታ ምድ…

በእነ እስክንድር የክስ መዝገብ የዐቃቤ ሕግ ምስክሮች ሳይቀርቡ ቀሩ። አማራ ሚዲያ ማዕከል ታህሳስ 11 ቀን 2014 ዓ.ም አዲስ አበባ ሸዋ የፌዴራሉ ከፍተኛ ፍርድ ቤት ልደታ ምድብ 1ኛ የፀረ ሽብርና ሕገ መንግሥታዊ ጉዳዮች ወንጀል ችሎት በእነ እስክንድር ነጋ የክስ መዝገብ፣ የማረሚያ ቤት አስተዳደር ” በወቅታዊ ጉዳይ በቂ ጥበቃ ማድረግ አልቻልኩም” በማለቱ ለባለፉት 24 ቀናት ተቋርጦ የነበረው ችሎት ታህሳስ 11 ቀን 2014 ዓ.ም ተሰይሟል። በተያዘው ቀጠሮ ቀሪ የዐቃቤ ሕግ ምስክሮችን ለመስማት የነበረ ቢሆንም፣ ዐቃቤ ሕግ ለችሎት እንደገለጸው ” 8ኛ ምስክር የሆኑት አቶ ጌትነት ተስፋዬ በወቅታዊ ጉዳይ ከአዲስ አበባ ውጪ በመሆናቸው፣ ምስክርነታቸው ይታለፍ ” በማለት ገልጿል። እኚህ የዐቃቤ ሕግ ምስክር ኅዳር 16 ቀን በነበረው ችሎት ለመመስከር ቃለ መሀላ ፈጽመው ነበር። ከዚሁ ጋር በተያያዘ፣ ከዚህ ቀደም በኮሮና በሽታ በተደጋጋሚ ምክንያት ችሎት ያልቀረቡት 4ኛ የዐቃቤ ሕግ ምስክር ” ፍጽም ተሰማ ” መተማመኛ ለፖሊስ ፈርመው ስለቀሩ በፖሊስ ተገደው በተለዋጭ ቀጠሮ እንዲቀርቡ ትዕዛዝ ተሰጥቷል። ሌላኛው በአድራሻቸው ያልተገኙት 9ኛ ምስክር ” ትንሳኤ ማሞ ” በተመለከተ የፌደራል ፖሊስ አባል የሆኑት ረ/ሳ ቢኒያም አፈወርቅ ከዚህ ቀደም ኅዳር 17 ቀን 2014 ዓ.ም ለምስክሩ በተደጋጋሚ በሞባይል ስልክ ቢደወልላቸው አለመገኘታቸው ለፍ/ቤት ገልጿል፤ ዐቃቤ ሕግም እንዲቀርቡ ” የሚቻለንን ሁሉ ጥረት ያደረግን ቢሆንም ምስክሩን ማግኘት አልቻልኩም ብሏል። ከላይ በቀረቡት ምክንያቶች ዐቃቤ ሕግ ምስክሮችን ማሰማት እንዳልቻለ ለፍ/ቤቱ ገልጿል። ይህን ተከትሎ ፍርድ ቤት የተከሳሽ ጠበቆች አስተያየታቸውን እንዲሰጡ የጠየቀ ሲሆን ፤ የተከሳሽ ጠበቆች በሰጡት ምላሽ፣ ” 4ኛ ምስክር ፍጽም ተሰማ አንድ ጊዜ ኮሮና ታመዋል በሚል፣ ሌላ ጊዜ ደግሞ ከኮሮና ላገግም በሚል ዐቃቤ ሕግ አመልክቶ ተደጋጋሚ ቀጠሮ ተሰጥቷል። አሁን ደግሞ መተማማኛ ፈርመው እራሱ ያልቀረቡ ምስክር ተለዋጭ ቀጠሮም ቢሰጥ አይመጡም። እኚህ ምስክር ፍርድ ቤት ቀርበው ለመመስከር ፍላጎት የላቸውም ወይም ፍቃደኛ አይደሉም ፤ ይህም ስለመሆኑ የእስካሁን ሂደት በቂ ነው። ፍርድ ቤቱ እኚህን ምስክር ሊያልፋቸው ይገባል በማለት ጠበቆች ምላሽ ሰጥተዋል። 9ኛ ምስክር የሆኑትን ” ትንሳኤ ማሞ ” በተመለከተ ጠበቆች የሰጡት ምላሽ፣ ምስክሩን በአድራሻቸው ፖሊስ ማግኘት አልቻልኩም ብሏል፤ በቀጣይ ይገኛሉ የሚል ግምት በእኛ በኩል የለም ፣ ለእኚህ ምስክር ተለዋዋጭ ቀጠሮ መስጠት አስፈላጊ አይደለም። ፍርድ ቤቱ መዝገብን መርምሮ ተገቢውን ትዕዛዝ ይስጥልን በማለት በዐቃቤ ሕግ በኩል ለቀረበው የምስክር አቀራረብ ጠበቆች ምላሽ ሰጥተዋል። አቶ እስክንድር ነጋ ለፍ/ቤቱ በተሰጠልኝ ትእዛዝ መሠረት ከቤተሰቤ ጋር በስልክ እስካሁን የቂሊንጦ ማረሚያ ቤት ከልክሎኛል ብለው አመልክተዋል። ችሎቱም ከዚህ ቀደም የሰጠው ትእዛዝ ለማረሚያ ቤት መድረሱን አረጋግጦ ትእዛዝ ሰጥቶበታል። የግራ እና የቀኙን ክርክር የሰማው ፍርድ ቤት የዐቃቤ ሕግ ምስክሮችን ለመስማት ለታህሳሥ 15 ቀን 2014 ዓ.ም ተለዋጭ ቀጠሮ ሰጥቷል። 4ኛ የዐቃቤ ሕግ ምስክር አቶ ፍፁም ተሰማ ለ48 ሰዓት ታስረው እንዲቀርብ፣ 9ኛ ምስክር የሆኑት አቶ ትንሳኤ ማሞ ፌደራል ፖሊስ ፈልጎ እንዲያቀርብ፣ የፌዴራል ፖሊስ ወንጀል ምርመራ ሃላፊ እንዲቀርቡ፣ የሰብአዊ መብት ኮምሽን የአቶ እስክንድርን ድብደባ አጣርቶ ለፍ/ቤቱ ምላሽ እንዲሰጥ እና የቂሊንጦ ማረሚያ ቤት እስረኞች አስተዳደር ቀርበው ለምን በትእዛዙ መሠረት እንዳልፈፀሙ ቀርበው እንዲያስረዱ ፍርድ ቤቱ ትዕዛዝ ስለመስጠቱ ባልደራስ ዘግቧል።

Source: Link to the Post

Leave a Reply