You are currently viewing በኦሶሳ ዞን ባምባሲ ወረዳ የአስቸኳይ ጊዜ የሰዓት እላፊ ገደብ ተጣለ።  አማራ ሚዲያ ማዕከል/አሚማ   ጥቅምት 22 ቀን 2015 ዓ.ም         አዲስ አበባ ሸዋ  በባምባሲ ወረዳ ከምሽቱ…

በኦሶሳ ዞን ባምባሲ ወረዳ የአስቸኳይ ጊዜ የሰዓት እላፊ ገደብ ተጣለ። አማራ ሚዲያ ማዕከል/አሚማ ጥቅምት 22 ቀን 2015 ዓ.ም አዲስ አበባ ሸዋ በባምባሲ ወረዳ ከምሽቱ…

በኦሶሳ ዞን ባምባሲ ወረዳ የአስቸኳይ ጊዜ የሰዓት እላፊ ገደብ ተጣለ። አማራ ሚዲያ ማዕከል/አሚማ ጥቅምት 22 ቀን 2015 ዓ.ም አዲስ አበባ ሸዋ በባምባሲ ወረዳ ከምሽቱ 1፡00 ሰዓት ጀምሮ እስከ ንጋቱ 12፡00 ሰዓት ድረስ የእንቅስቀሴ ገደብ ተጣለ፡፡ በወቅታዊ የጸጥታ ጉዳዮች ዙሪያ የባምባሲ ወረዳ ዋና አስተዳዳሪና የአስቸኳይ ጊዜ አዋጁ ኮማንድ ፖስት ሰብሳቢ አቶ ጃፈር መርቀኒ መግለጫ ሰጥተዋል። እንደ ኮማንድ ፖስቱ ሰብሳቢው ገለጻ በማንኛውም እንቅስቃሴ ላይ የሰዓት እላፊ ገደብ መቀመጡን አሳውቀዋል፡፡ አቶ ጃፈር መርቀኒ የስዓት እላፊ ገደቡን አስፈላጊነት ሲገልጹ እንዳሉት ወረዳችን የስጋት ቀጠና ከሆኑ አካባቢዎች ጋር ተጎራባች በመሆኗ ሽብር ለመፍጠር የሚንቀሳቀሱ አካላትን በቁጥጥር ስር ለማዋል ተፈልጎ ነው ብለዋል። ዋና አስተዳዳሪው በመግለጫቸው እንዳሉት የጥፋት ሃይሉ አንዱ የትኩረት ቦታ የባምባሲ ወረዳ ሊሆን እንደሚችል ስለሚገመትና አንዳንድ ተጨባጭ ነገሮችም ስላሉ በልዩ ትኩረት የምንሰራበት ጊዜ ስለሆነ ለሰላሙ ሲባል የሰዓት እላፊ ገደብ መጣሉ አስፈልጓል ብለዋል፡፡ ከተለያዩ አካባቢዎች የሚመጡ ጸጉረ ልዉጥ ግለሰቦች በመበራከታቸው እና የጸጥታ ችግሮች ካሉባቸዉ አጎራባች አካባቢዎች የሚመጡ አካላት በመብዛታቸዉ ለጸጥታ ችግር መነሻ ሊሆኑ የሚችሉ ነገሮች ስላሉ ይህን ስጋት ለመቅረፍ ሲባል ሰላም ከሁሉም በላይ በመሆኑ:_ 1) ለእግረኞች ከምሽቱ 1፡00 ሰዓት ጀምሮ እስከ ምሽቱ 12፡00 ሰዓት፣ 2) ለሞተር ሳይክሎችና 3 እግር ተሽከርካሪዎች ከምሽቱ 1:00 እስከ ንጋቱ 12:00 ሰዓት፣ 3) ማንኛውም የአገልግሎት ሰጪ ተቋማት ማለትም ሻይ፣ምግብ፣ሬስቶራንት፣መጠጥ ቤቶች እና ሌሎችም ከምሽቱ 1:00 ሰዓት ጀምሮ እስከ ንጋቱ 12:00 ሰዓት ድረስ ምንም ዓይነት እንቅስቃሴ እንዳይኖር የሰዓት ገደብ እላፊ መጣሉን አስውቀዋል፡፡ በዚህ መሰረት ከምሽቱ 1፡00 ሰዓት እስከ ንጋቱ 12:00 ሰዓት ሆቴሎች ፣ግሮሰሪዎች፣ ማንኛውም መጠጥ ቤቶች ፣ ሞተሮችና 3 እግር ተሽከርካሪዎች እና ለሌሎችም አገልግሎት መስጠት አይቻልም ፤ ለጸጥታ ስራ ከሚንቀሳቀሱ እና ወላድ ከሚያንቀሳቅሱ አንቡላንሶች ዉጭ ማንኛዉም ተሸከርካሪ ከ1፡00 በኋላ ሲንቀሳቀሱ ያሉባቸውን ችግሮች በ0574410224 ስልክ ቁጥር ለጸጥታ አካሉ በማሳወቅ መንቀሳቀስ እንጂ ሳያሳውቁ መንቀሳቀስ አይፈቀድም ሲሉም አክለዋል፡፡ ማንኛውም የጸጥታ አካልም ከተመደበው መደበኛ ሠራዊት ውጪ የተጣለውን የሰዓት እላፊ ገደብ አልፎ ሲንቀሳቀስ ከተገኘ በቁጥጥር ስር መዋሉን አውቆ ጥንቃቄ እንዲደረግ እናሳስባለን ስለማለታቸው የባምባሲ ወረዳ ኮሚዩኒኬሽን ዘግቧል። በተያያዘ መንዲ፣ ቂልጡ ካራ እና ወረጅሩ በሚባሉ ትንንሽ ከተሞች ውስጥ ኦነግ እየገባ እንደሚገኝ የገለጹ የአማራ ሚዲያ ማዕከል (አሚማ) ምንጮች አዋሳኝ የሆኑ የቤኒሻንጉል ወረዳዎች ማለትም ባምባሲ፣ ብልድግሉ እና ማኦኮሞ አካባቢዎች የሚኖሩ ሰዋች ወደ ከተማዋ አሶሳ እየሸሹ ነው ብለዋል። የክልሉ መንግስት ደግሞ በኦነግ ላይ እርምጃ እየወሰድን ነው ተረጋጉ እያለ የተሳሳተ መረጃ እየሰጠ ነው የሚሉት ምንጮች እርምጃ እየወሰደ ያለው ኦነግ እንጂ መንግስት አይደለም ባይ ናቸው። አሚማ የጠየቃቸው የባንባሲ ወረዳ ዋና አስተዳዳሪ አቶ ጃፋር በበኩላቸው እርምጃ እየወሰደ ያለው መንግስት በአሸባሪው ኦነግ ሸኔ ላይ እንጅ ኦነግ ሸኔ በመንግስት ላይ አይደለም ሲሉ አስተባብለዋል።

Source: Link to the Post

Leave a Reply