You are currently viewing በከማሼ ዞን ሚዥጋ ወረዳ የሚኖሩ አርሶ አደሮች ምርታችን ለመሰብሰብ እንችል ዘንድ መንግስት ተገቢ ትብብር እያደረገልን አይደለም ሲሉ አማረሩ። አማራ ሚዲያ ማዕከል/አሚማ  ታህሳስ 22 ቀን 2…

በከማሼ ዞን ሚዥጋ ወረዳ የሚኖሩ አርሶ አደሮች ምርታችን ለመሰብሰብ እንችል ዘንድ መንግስት ተገቢ ትብብር እያደረገልን አይደለም ሲሉ አማረሩ። አማራ ሚዲያ ማዕከል/አሚማ ታህሳስ 22 ቀን 2…

በከማሼ ዞን ሚዥጋ ወረዳ የሚኖሩ አርሶ አደሮች ምርታችን ለመሰብሰብ እንችል ዘንድ መንግስት ተገቢ ትብብር እያደረገልን አይደለም ሲሉ አማረሩ። አማራ ሚዲያ ማዕከል/አሚማ ታህሳስ 22 ቀን 2014 ዓ.ም አዲስ አበባ ሸዋ በቤንሻንጉል ጉምዝ ክልል ከማሼ ዞን ሚዥጋ ወረዳ የሚኖሩ አርሶ አደሮች መሆናቸውን በመገለጽ ከአሚማ ጋር ቆይታ ያደረጉ ምንጮች ምርታችን ለመሰብሰብ እንችል ዘንድ መንግስት ተገቢ ትብብር እያደረገልን አይደለም ሲሉ አማረዋል። ዓመቱን ሁሉ የደከምንበትን አዝመራችንን ለመሰብሰብ ሆነ የሰበሰብነውን ጭነን ለመውጣት አልቻልንም ብለዋል_አርሶ አደሮቹ። በሚዥጋ ወረዳ የተመረተው ምርት በኦነግ ሸኔ እና በጉምዝ የተደራጁ ሽፍቶች በኃይል እየተዘረፈ እየተወሰደ ስለመሆኑ ተናግረዋል። በየቀኑ ቢያንስ ከ300 ያላነሰ ኩ/ል ምርት እየተጫነ በምስራቅ ወለጋ በኩል ወደ ኦሮሚያ ይገባል፤ እስካሁንም በአስር ሽህዎች የሚገመት ኩ/ል ምርት ተወስዷል ነው ያሉት። አተር በተለይ በቆሎ እና ሰሊጥ እየዘረፉ እየወሰዱ ነው የሚሉት ቅሬታ አቅራቢዎች የአንድ ሰው ብቻ 1 ሽህ ኩ/ል ተወስዶበታል ሲሉ አክለዋል። ኮቲሙሬ፣ተንካራ እና ወሪንቃ በተባሉ 3 ቀበሌዎች ይህ ዜና እስከተጠናቀረበት ድረስ ቢያንስ ከ20 ሽህ የማያንስ ኩ/ል ምርት ተዘርፏል ተብሏል። ምርቱ እየተዘረፈ እየተመለከቱ እንኳ አልታዘዝንም በሚል ሰበብ በአካባቢው ያሉ የጸጥታ አካላት ሊታደጉን አልቻሉም ሲሉ ወቅሰዋል። በተለይም በሚዥጋ ሀሮ ደዴሳ፣ ዲዲጋ እና አንገር ዋጃ ያሉ የሽብር ቡድኑ ማሰልጠኛ መሆናቸው እየታወቀ ስለምን እርምጃ እንደማይወሰድ አይገባንም ሲሉ ይጠይቃሉ። በወሪንቃ እና ኮቱሙሬም በተመሳሳይ ቁጥሩ ይለያይ እንጅ የሽብር ቡድን አባላት መኖራቸው ተገልጧል። የቤጉ አመራሮች መከላከያ እርምጃ እንዳይወስድ በማድረጋቸው ነው ይህ ሁሉ ድርብርብ በደል እየደረሰ ያለው የሚሉት ነዋሪዎች ጥቃቱ በተለይም በአማራዎች ላይ ተነጣጥሮ እንደሚፈጸም ገልጸዋል። አማራዎች ምርታቸው ሲዘረፍ ተስፋ እየቆረጡ አካባቢውን ጥለው እንዲወጡ ለማድረግ በመንግስት አካላት ጭምር ታቅዶ እየተሰራ ነው ብለዋል። አርሶ አደሮቹ ከፈረተኛ ርሃብ ከመከሰቱ በፊት የፌደራል መንግስት እጁን አስገብቶ በአካባቢው ላለው ኃይል ተገቢ ትዕዛዝ በመስጠት ሊታደገን ይገባል የሚል ጥሪ አቅርበዋል። በሚዥጋ/በለው ጅጋንፎይ ወረዳ በሀምሌ 2013 ዓ/ም የተደራጀው እና በመንግስት አካላት በሚደገፈው የጉምዝ ሽፍታ ቡድን ከ53 በላይ አማራዎች መገደላቸው፣ ከ70 በላይ አድራሻቸው መጥፋቱና ከ10 ሽህ በላይ መፈናቀላቸው ይታወሳል። አሸባሪው ኦነግ ሸኔ እና የጉምዝ ሽፍታ ቡድን በጋራ ተስማምተው እየሰሩ መሆኑ ይታወቃል።

Source: Link to the Post

Leave a Reply