You are currently viewing በኪረሙ ወረዳ በተከፈተው ጥቃት ከተገደሉት መካከል እስካሁን የ37 ሰዎች አስከሬን ተገኝቶ ስርዓተ ቀብር መፈፀሙ ታውቋል። አማራ ሚዲያ ማዕከል/አሚማ      ጥር 5 ቀን 2015 ዓ/ም…

በኪረሙ ወረዳ በተከፈተው ጥቃት ከተገደሉት መካከል እስካሁን የ37 ሰዎች አስከሬን ተገኝቶ ስርዓተ ቀብር መፈፀሙ ታውቋል። አማራ ሚዲያ ማዕከል/አሚማ ጥር 5 ቀን 2015 ዓ/ም…

በኪረሙ ወረዳ በተከፈተው ጥቃት ከተገደሉት መካከል እስካሁን የ37 ሰዎች አስከሬን ተገኝቶ ስርዓተ ቀብር መፈፀሙ ታውቋል። አማራ ሚዲያ ማዕከል/አሚማ ጥር 5 ቀን 2015 ዓ/ም አዲስ አበባ ሸዋ ጥር 3/2015 ዓ/ም በኦሮሚያ ክልል ምስራቅ ወለጋ ዞን ኪረሙ ወረዳ ልዩ ስሙ ሀሮ አዲስ አለም በተባለ ቀበሌ ተጠልለው በሚገኙ የአማራ ተወላጆች ላይ የክልሉ ፀጥታ ኃይሎች በቡድን መሳሪያ ጭምር በመታገዝ ተኩስ መክፈታቸውን ህይወታቸውን ለማትረፍ እየሸሹ ያሉ ነዋሪዎች መናገራቸው አይዘነጋም። ጥር 3/2015 ከረፋድ ጀምሮ በሀሮ አዲስ አለም ቀበሌ ተጠልለው በሚገኙ ተፈናቃዮች ላይ በቡድን መሣሪያ ጭምር የታገዘ ተኩስ ከፍተው የነበሩት የክልሉ ልዩ ኃይሎች አመሻሹን አከባቢውን ለቀው ወደ መጡበት መመለሳቸው ነው የተገለፀው። ልዩ ኃይሉ ሀሮ አዲስአለም ቀበሌን ለቆ አስር ኪሎ ሜትር ርቀት ላይ ወደ ምትገኘው ኪረሙ ከተማ መመለሱን ካረጋገጡ በኋላ ህይወታቸውን ለማትረፍ ወደ ጫካ ሸሽተው ከነበሩት መካከል በርካቶች ጥር 3/2015 አመሻሹን ጀምሮ ወደ ቀበሌዋ መመለስ መጀመራቸው ተመላክቷል። በዚህም ጥር 4/2015 ዓ/ም ከማለዳው ጀምሮ የ37 ሰዎችን ስርዓተ ቀብር መፈፀማቸውን ነው ከጥቃቱ የተረፉት የሀሮ አዲስአልም ቀበሌ ነዋሪዎች ያየረጋገጡት። የአማራ ድምፅ በስልክ ያነጋገራቸው ከጥቃቱ የተረፉት የአማራ ተወላጆች እስከአሁን ስርዓተ ቀበራቸው የተፈፀመ ሰዎች 37 ይሁን እንጂ ገና አስከሬናቸው ያልተገኘ በርካታ ሰዎች መኖራቸውን ጠቁመው የሟቾች ቁጥር ከዚህም በላይ ሊሆን እንደሚችል አመላክተዋል። የክልሉ ልዩ ኃይሎች ድሽቃ እና ብሬን ከተባሉ የቡድን መሳሪያዎች በተጨማሪ ሞርተር ተኩሰው ነው በርካቶችን የገደሉት ያሉት ተፈናቃዮቹ፡ የሞርተሩ ተተኳሽ ቅምቡላ በየሰፈሩ ወድቆ እንደሚገኝም ጠቁመዋል። ከተገደሉት በተጨማሪም ቁጥራቸው በውል ያልታወቀ በርካታ ህፃናት፣ ሴቶችና አረጋውያን ቆስለዋል የተባለ ሲሆን እስካሁን ህክምና አለማገኘታቸውም ተገልጿል። ከጥቃቱ የተረፉት ሰዎች “ትናንት ልዩ ኃይሉ በቡድን መሳሪያ ጭምር የታገዘ ጭፍጨፋው ሲፈፅምብን መከላከያ ሰራዊት በ40 ኪሎ ሜትር በማይሞላ ርቀት ላይ ነበረ መረጃውም ደርሶታል” ሲሉ ለአማራ ድምፅ የገለፁ ሲሆን የሚፈፀምብን ጥቃት በመንግስት የተደገፈ ለመሆኑ ይህ ተጨማሪ ማሳያ ነው ብለዋል። ዘገባው የአማራ ድምጽ ሚዲያ ነው።

Source: Link to the Post

Leave a Reply