You are currently viewing በኪረሞ ከተማ በኦሮሚያ ልዩ ኃይል፣ በኦነግ ሸኔ፣ በሚሊሾችና በተደራጁ ወጣቶች በተፈጸመባቸው ጥቃት የቆሰሉ አማራዎች በህክምና እጦት ለሞት እየተዳረጉ መሆናቸው ተገለጸ፤ ህዳር 20/2015 ከ…

በኪረሞ ከተማ በኦሮሚያ ልዩ ኃይል፣ በኦነግ ሸኔ፣ በሚሊሾችና በተደራጁ ወጣቶች በተፈጸመባቸው ጥቃት የቆሰሉ አማራዎች በህክምና እጦት ለሞት እየተዳረጉ መሆናቸው ተገለጸ፤ ህዳር 20/2015 ከ…

በኪረሞ ከተማ በኦሮሚያ ልዩ ኃይል፣ በኦነግ ሸኔ፣ በሚሊሾችና በተደራጁ ወጣቶች በተፈጸመባቸው ጥቃት የቆሰሉ አማራዎች በህክምና እጦት ለሞት እየተዳረጉ መሆናቸው ተገለጸ፤ ህዳር 20/2015 ከቆሰሉት መካከል 2 የሚሆኑት ሌሊቱን ህይወታቸው አልፏል። አማራ ሚዲያ ማዕከል/አሚማ ህዳር 21 ቀን 2015 ዓ/ም አዲስ አበባ ሸዋ የኦሮሚያ ልዩ ኃይል በምስራቅ ወለጋ ዞን ኪረሞ ወረዳ በመግባት ህዳር 9፣10 እና 11/2015 በአማራዎች ላይ በከፈተው ይፋዊ ጦርነት ከ50 በላይ መግደሉን፣ ከ280 በላይ ህጻናትን፣ሴቶችን፣አዛውንቶችንና ወጣቶችን በልዩ ኃይል ካምፑ ማገቱን እና በትንሹ ከ52 ሽህ በላይ አማራዎችን ወደ ሀሮ አዲስ ዓለም ማፈናቀሉን የአማራ ሚዲያ ማዕከል (አሚማ) ምንጮች ተናግረዋል። ከልዩ ኃይልነት ወደ መሃል ከተማ ዘር ተኮር ገዳይነት እና አጋችነት የተገለጠው አቶ ሽመልስ አብዲሳ ያሰማሩት የኦሮሚያ ልዩ ኃይል ህዳር 9/2015 “ወንጀል የለብንም፤ ፍቱን፤ ሸኔ ወደ ኪረሞ ሲገባ ልክ እንደ ጃርቴው በእስር ቤት ዘር ለይቶ ይጨፈጭፈናል!” በሚል ጥያቄ ያቀረበን እስረኛ በ30 ጥይት ደብድቦ የመገደሉ አሳዛኝ ታሪክ በነዋሪዎች ዘንድ እየተነገረለት ነው። በኪረሞ ከህዳር 9 እስከ ህዳር 11/2015 በአደባባይ እንዲሁም በየቤቱ እየገባ ሰላማዊ አማራዎችን (ህጻናት፣ሴትና አዛውንት) ሳይለይ መግደሉም ይታወቃል። የተደራጀ ዘራፊ ቡድንም ኪረሞ ያለ የአማራ ተወላጆችን ሀብት ንብረት በሙሉ እንዲዘርፍ፣ የቤት ቆርቆሮ ሳይቀር አፍርሶ እንዲወስድ ስለመደረጉ እና ይህም አማራው ተመልሶ እንዳይገባ ለማድረግ ያለመ ስለመሆኑ ነዋሪዎች ተናግረዋል። በኪረሞ ወረዳ አስተዳዳሪ በአቶ ፍቃዱ ሁንዴ እና በኦሮሚያ ልዩ ኃይል በካምፕ እገታ ስር ያሉ በመቶዎች የሚቆጠሩ ህጻናት፣ሴቶች፣ወጣቶችና አዛውንቶች እንዲለቀቁ በሀገር ሽማግሌ እና በሀይማኖት አባቶች ቢለመኑም ፍቃደኛ ካለመሆናቸው በላይ ህዳር 20/2015 አማራን ከአካባቢው ሙሉ በሙሉ የማጽዳት ጦርነት ከፍተው መዋላቸው ተገልጧል። በከፈተው ጦርነት የተገደሉት አማራዎች ቁጥር እያሻቀበ መሆኑን የሚገልጹት ምንጮች በእገታ ላይ ስላሉት እጣ ፈንታ በትክክል ለማወቅ አለመቻላቸውን ገልጸዋል። ህዳር 20/2015 በኦሮሚያ ልዩ ኃይል፣ በኦነግ ሸኔ አባላት፣ በሚሊሾችና በወጣቶች ተሳትፎ ከተገደሉት አማራዎች መካከል:_ 1) ኡመር ካሳው፣ 2) ካሴ ጌቱ፣ 3) ከተማ አባቡ፣ 4) እባቡ ደሳለኝ፣ 5) ሙላት ብርሃን እና 6) መሀመድ ሙስጦፋ የተባሉ ነዋሪዎች ይገኙበታል። መሀመድ ሙስጠፋ እና ካሴ ጌቱ ህዳር 20/2015 ቆስለው በህክምና እጦት ሌሊቱን ህይወታቸው ማለፉን ነዋሪዎች አስታውቀዋል። በኪረሞ ከተማ በኦሮሚያ ልዩ ኃይል፣በኦነግ ሸኔ አባላት፣በሚሊሾችና በተደራጁ ወጣቶች የጋራ ጦርነት በከባድ እና በቀላል የቆሰሉት አማራዎች ቁጥርም ከ15 እስከ 20 እንደሚደርስ ለማወቅ ተችሏል።

Source: Link to the Post

Leave a Reply