You are currently viewing በኪረሞ ከተማ አሸባሪው የኦነግ ሸኔ ቡድን ከተማዋን በመውረር በንጹሃን አማራዎች ላይ ጥቃት ለመፈጸም እየተዘጋጀ እና በተደጋጋሚ እየዛተ በመሆኑ መንግስት አስቸኳይ ህጋዊ እርምጃ እንዲወሰድ ተ…

በኪረሞ ከተማ አሸባሪው የኦነግ ሸኔ ቡድን ከተማዋን በመውረር በንጹሃን አማራዎች ላይ ጥቃት ለመፈጸም እየተዘጋጀ እና በተደጋጋሚ እየዛተ በመሆኑ መንግስት አስቸኳይ ህጋዊ እርምጃ እንዲወሰድ ተ…

በኪረሞ ከተማ አሸባሪው የኦነግ ሸኔ ቡድን ከተማዋን በመውረር በንጹሃን አማራዎች ላይ ጥቃት ለመፈጸም እየተዘጋጀ እና በተደጋጋሚ እየዛተ በመሆኑ መንግስት አስቸኳይ ህጋዊ እርምጃ እንዲወሰድ ተጠየቀ። አማራ ሚዲያ ማዕከል/አሚማ ህዳር 2 ቀን 2014 ዓ.ም አዲስ አበባ ሸዋ በየጊዜው የአማራው ፍጅት፣መፈናቀልና ዝርፊያ ያልተለዬው የምስራቅ ወለጋ ዞን ዛሬም በተለያዩ አካባቢዎች ሰሚ ያጡ ጩኸቶች በርክተውበታል። በተለይ ደግሞ በኪረሞ ከተማ አሸባሪው የኦነግ ሸኔ ቡድን ከተማዋን በመውረር በንጹሃን አማራዎች ላይ ጥቃት ለመፈጸም እየተዘጋጀ እና በተደጋጋሚ እየዛተ መሆኑ ተገልጧል። አሚማ የኪረሞ ከተማ ነዋሪ ከሆኑ የጸጥታ አካላት ጋር ከነበረው ቆይታ ለመረዳት እንደቻለው በአሸባሪነት የተፈረጀው የኦነግ ሸኔ ገዳይ ቡድን ወደ ከተማዋን በመውረር በአማራዎች ላይ ዘረኛ ጥቃቱን ለመፈጸም መዘጋጀቱን በመግለጽ በተደጋጋሚ እየዛተ ነው። የ12ኛ ክፍል ተማሪዎች ላይ ጥቃት በመፈጸም ፈተናውን ለማስተጓጎል አቅዶ እንደነበር የገለጹት የጸጥታ አካል ሁኔታው ሲጠነክርበት ተመልሶ እንደገና በቀጠሮ ህዝቡን ለማሸበር ይሞክራል ብለዋል። በርካታ የኦሮሞ ተወላጆችም የጥቃቱ ሰለባ እንዳይሆኑ በሚል ከኪረሞ እየወጡ ወደ ጊዳ እንዲጓዙ እየተደረገ ስለመሆኑ የገለጹት ሌላኛው የአሚማ ምንጭ በአካባቢው በቂ የሚባል የጸጥታ አካል በመኖሩ ምንም የሚያስፈራ ነገር የለም ሲሉ ተደምጠዋል። ነዋሪዎች ግን መንግስት በኪረሞ፣ በሀሮ አዲስ ዓለምና በዙሪያው የተሻለ ኃይል በማሰማራት ቀድሞ እርምጃ ካልወሰደ በስተቀር ከአሁን ቀደም በተለያዩ ቀበሌዎች የተፈጸሙ የዘር ፍጅቶች ላለመፈጸማቸው እርግጠኛ ለመሆን አይቻልም ሲሉ የድረሱልን ጥሪ አድርገዋል።

Source: Link to the Post

Leave a Reply