You are currently viewing በኪረሞ ወረዳ ሀሮ አዲስ ዓለም ቀበሌ መንግስት ሰብአዊ እርዳታ ለማቅረብ ባለመቻሉ ነዋሪዎች ለርሃብ እየተጋለጡ መሆናቸው ተነገረ፤ በህክምና አገልግሎት እና በመድኃኒት አቅርቦት ችግር ምክንያት…

በኪረሞ ወረዳ ሀሮ አዲስ ዓለም ቀበሌ መንግስት ሰብአዊ እርዳታ ለማቅረብ ባለመቻሉ ነዋሪዎች ለርሃብ እየተጋለጡ መሆናቸው ተነገረ፤ በህክምና አገልግሎት እና በመድኃኒት አቅርቦት ችግር ምክንያት…

በኪረሞ ወረዳ ሀሮ አዲስ ዓለም ቀበሌ መንግስት ሰብአዊ እርዳታ ለማቅረብ ባለመቻሉ ነዋሪዎች ለርሃብ እየተጋለጡ መሆናቸው ተነገረ፤ በህክምና አገልግሎት እና በመድኃኒት አቅርቦት ችግር ምክንያት ብቻ ባለፉት ሁለት ወራት የ10 ሰዎች ሕይወት አልፏል። አማራ ሚዲያ ማዕከል/አሚማ ህዳር 5 ቀን 2014 ዓ.ም አዲስ አበባ ሸዋ በምስራቅ ወለጋ ዞን ኪረሞ ወረዳ ሀሮ አዲስ ዓለም ቀበሌ መንግስት ሰብአዊ እርዳታ ለማቅረብ ባለመቻሉ ነዋሪዎች ለርሃብ እየተጋለጡ መሆናቸውን በመግለጽ የድረሱልን ጥሪ ካቀረቡ ወራቶች አልፈዋል። በቀበሌው በህክምና አገልግሎት እና በመድኃኒት አቅርቦት ምክንያት ብቻ ከመስከረም 2014 ጀምሮ ባለፉት ሁለት ወራት የ10 ሰዎች ሕይወት አልፏል። አዋላጅ ባለሙያዎችን ባለማግኘት፣በአጠቃላይ በህክምና አገልግሎት እጦት ምክንያት የ7 እናቶች ሕይወት አልፏል። እነሱም:_ 1) አልያ ቸኮለ 2) ትንቧለል በዛ 3) ጻድቄ ፈለቀ 4) አረጌ አሻግሬ 5) ፈንታነሽ መላኩ 6) ሶፍያ አካልነው እና 7) ሌላ አንዲት ስሟ ያልተጠቀሰች እናት ሕይወታቸው ማለፉን ነዋሪዎች ለአሚማ ገልጸዋል። ወ/ሮ ፈንታነሽ መላኩ ህዳር 1 ቀን 2014 ዓ/ም በወሊድ ምክንያት ያረፉት ተብሏል። በተጨማሪም በስኳር መድሃኒት መቋረጥ ሕይወታቸው ያለፈ ደግሞ:_ 1) አቶ አሊ ይመር፣ 2) አቶ ተሾመ ዘውዴ እና 3) አቶ ይመር አደም ይገኙበታል ተብሏል። በተያያዘ በደማቸው ውስጥ ኤች አይቪ የተገኘባቸው ወገኖችም የመድሃኒት አቅርቦት ባለመኖሩ በከፍተኛ ስቃይ ላይ መሆናቸው ተገልጧል። “ከሃምሌ 2013 ጀምሮ ከወረዳው መስተዳድር ጋር አንተዋወቅም” የሚሉት በኪረሞ ወረዳ የሀሮ አዲስ ዓለም እና የባጊን ቀበሌ ነዋሪዎች ናቸው። “አይዟችሁ ከማለት ውጭ መፍትሄ የላቸውም፤ ኮማንድ ፖስት እስካሁን አልገባም” ሲሉም ተደምጠዋል። ከ40 ሽህ በላይ ተፈናቃዮችን በያዘችው ሀሮ ያሉ ወገኖች መብራት የለም፣ ነዳጅ የለም፣ መንገድ ከተዘጋ ከራርሟል፤ ሸቀጣ ሸቀጥ አይገባም፤ እህል በድንጋይ ወፍጮ እየፈጩ ከመብላት ተገደናል ሲሉ ዘርፈ ብዙ በደሎችን ዘርዝረዋል። በተያያዘ ህዳር 1 ቀን 2014 የበቆሎ እሸት ለመቁረጥ ከሄዱበትም 3 አማራዎች በአሸባሪው ኦነግ ሸኔ ተገድለዋል። እነሱም:_ 1) አበባው ደምሴ፣ 2) ወንድሙ ፈንታ እና 3) ይብሬ ሲራጅ ናቸው። የሀሮ አዲስ ዓለም እና የባጊን አማራዎች ከከተማ ለመውጣት የማይችሉ እስረኞች ሆነዋል የሚሉት ምንጮች በወረዳው ካሉ 19 ቀበሌዎች መካከል ኪረሞ፣ ሀሮ አዲስ ዓለም እና ባጊን ናቸው በኦነግ ሸኔ የሽብር ቡድን ያልተያዙት ሲሉ ተናግረዋል።

Source: Link to the Post

Leave a Reply