You are currently viewing በኪረሞ ወረዳ ሀሮ አዲስ ዓለም ቀበሌ አሸባሪው ኦነግ ሸኔ በንጹሃን አማራዎች ላይ የከፈተው ተኩስ ዛሬም ለአራተኛ ቀን ከሰዓት በኋላ ቀጥሏል። አማራ ሚዲያ ማዕከል/አሚማ  ጥቅምት 4 ቀን 20…

በኪረሞ ወረዳ ሀሮ አዲስ ዓለም ቀበሌ አሸባሪው ኦነግ ሸኔ በንጹሃን አማራዎች ላይ የከፈተው ተኩስ ዛሬም ለአራተኛ ቀን ከሰዓት በኋላ ቀጥሏል። አማራ ሚዲያ ማዕከል/አሚማ ጥቅምት 4 ቀን 20…

በኪረሞ ወረዳ ሀሮ አዲስ ዓለም ቀበሌ አሸባሪው ኦነግ ሸኔ በንጹሃን አማራዎች ላይ የከፈተው ተኩስ ዛሬም ለአራተኛ ቀን ከሰዓት በኋላ ቀጥሏል። አማራ ሚዲያ ማዕከል/አሚማ ጥቅምት 4 ቀን 2014 ዓ.ም አዲስ አበባ ሸዋ በምስራቅ ወለጋ ዞን ኪረሞ ወረዳ ሀሮ አዲስ ዓለም ቀበሌ አሸባሪው ኦነግ ሸኔ በንጹሃን ላይ የጀመረውን ተኩስ ዛሬም ለአራተኛ ቀን ቀጥሎበታል። ከሀሮ አዲስ ዓለም ለአሚማ የደረሰው መረጃ እንዳመለከተው ዛሬ ጥቅምት 4 ቀን 2014 ከቀኑ 8 ሰዓት በፊት ከተለያዩ አካባቢዎች የሽብር ቡድኑ በአምቡላንስ ጭምር በመታገዝ ሲንቀሳቀስ ተስተውሏል። በተለይም በሁለት አምቡላንስ ጦሩን ከሀሮ በቅርብ ርቀት አጋምሳ አካባቢ ማጓጓዙን የዐይን እማኞች ገልጸዋል። የዐይን እማኞች እንደሚሉት ከአሙሩ፣ ከኪረሞ እና ከመርጋ ጅሬኛ ስኒ ዶሮ የተደራጀ የኦነግ ሸኔ ጦር ወደ ሀሮ ተወስዶ እየተራገፈ ነው። የወረዳው ፖሊስ፣ልዩ ኃይልና ሌሎች የጸጥታ አካላት እያዩ ከከተማ ሳይቀር ንጹሃንን ለመጨፍጨፍ ተጭኖ የሚመጣ የሽብር ቡድኑ አባላት መኖራቸው ተጠቁሟል። ከቀኑ 8 ሰዓት በኋላ ከተለያዩ አቅጣጫዊች ወደ ሰማይ ጥይት ተተኩሷል፤ ይህ ምን አልባትም ለጨፍጫፊው ቡድን እንደመግባቢያ የተጠቀመው ሊሆን ይችላል ተብሏል። ከቀኑ 9 ሰዓት ጀምሮ ግን በሶስት አቅጣጫ የሚመጣ ኦነግ ሸኔ ሀሮ አዲስ ዓለም ላይ ተኩስ ከፍቷል፤ በኪረሞ እና በስኒ ዶሮ መስመር የመጣው ጠንከር ይበል እንጅ ከአጋምሳ በኩልም የጥይት ድምጽ እየተሰማ ነው ተብሏል። እስካሁን ከአፈናቃዩ ክልልም፣ ከአማራ ክልልም ሆነ ከፌደራል መንግስት አንድም ጥሪያቸውን ሰምቶ የጸጥታ አካል እንዳልተላከ የገለጹት ነዋሪዎች የአማራ ህዝብ እንዲያልቅ የተፈረደበት መሆኑ ለእኛ ከጊዜ ወደ ጊዜ ግልጽ እየሆነ መጥቷል ብለዋል። በተያያዘ በኪረሞ አየር ማረፊያ በሚባለው ሆስፒታል ዙሪያ ከሰዓታት በፊት ተኩስ እንደነበር ተገልጧል። አሁንም ድረሱልን የሚሉት የአካባቢው ነዋሪዎች በሀሮ አዲስ ዓለም ያሉ የኦሮሞ ተወላጆች እንዲወጡ እየተደረገ መሆኑ በራሱ ከፍ ያለ የጭፍጨፋ ድግስ ስለመኖሩ አመላካች ነው ብለዋል።

Source: Link to the Post

Leave a Reply