You are currently viewing በኪረሞ ወረዳ በግፍ ለተጨፈጨፉ ወገኖቻችን ጥልቅ ሃዘን እንደተሰማው የገለጸው የአማራ ወጣቶች ማህበር በባህር ዳር በህዝብ ላይ እየተሰራ ነው ያለውን ቁማር እና ሴራ ተገንዝቦ ተግባራዊ እንቅስ…

በኪረሞ ወረዳ በግፍ ለተጨፈጨፉ ወገኖቻችን ጥልቅ ሃዘን እንደተሰማው የገለጸው የአማራ ወጣቶች ማህበር በባህር ዳር በህዝብ ላይ እየተሰራ ነው ያለውን ቁማር እና ሴራ ተገንዝቦ ተግባራዊ እንቅስ…

በኪረሞ ወረዳ በግፍ ለተጨፈጨፉ ወገኖቻችን ጥልቅ ሃዘን እንደተሰማው የገለጸው የአማራ ወጣቶች ማህበር በባህር ዳር በህዝብ ላይ እየተሰራ ነው ያለውን ቁማር እና ሴራ ተገንዝቦ ተግባራዊ እንቅስቃሴ ማድረግ አስፈላጊ መሆኑን ገለጸ። አማራ ሚዲያ ማዕከል/አሚማ ጥቅምት 2 ቀን 2014 ዓ.ም አዲስ አበባ ሸዋ በምስራቅ ወለጋ ዞን ኪረሞ ወረዳ ሀሮ አዲስ ዓለም ቀበሌ በግፍ ለተጨፈጨፉ ወገኖቻችን ጥልቅ ሃዘን ተሰምቶኛል ሲል የአማራ ወጣቶች ማህበር በባህር ዳር ገልጧል። የዳቦ ስም በተሰጠው እና ከፍተኛ የመንግስት መዋቅራዊ ድጋፍ( ማሳያ ምልክቶች) ባለው ኦነግ ሸኔ በተባለ ድርጅት ሰሞኑን በወገኖቻችን ላይ በደረሰው እጅግ አሰቃቂ ግድያ የተሰማንን መራር ሃዘን ለመላው ህዝባችን እንገልፃለን ፤ለተጎጂዎች ወገኖቻችንን መፅናቱን እንመኛለን ብሏል። “አዲስ ምዕራፍ በሚባልበት ዘመን¡¡” አማራዎች አሰቃቂ በሆነ ሁኔታ ታርደዋል ፤ተገድለዋል ፤በአሁኑ ወቅት በሞትና ህይወት ውስጥ (በከበባ ላይ) የሚገኙ በርካታ ናቸው ያለው ማህበሩ ወገኖቻችን የመንግስት ያለህ ድረሱልን እያሉ ስለመሆኑ ገልጧል። በተጨማሪም ይህ አስናዋሪ ተግባር እየተከናወነ ያለው በቅርቡ ተመስርቶ ወደ ስራ ገብቻለሁ ባለው የኦሮሚያ ክልላዊ መንግስት ባለበት ፤የፌደራል መንግስት ባዕለ ሲመት (ለወለጋ አማራ ወገኖቻችንን ግን ባዕለ -ፅልመት) ፤እንዲሁም አዲሱ የአማራ ክልላዊ መንግስት ለህዝቡ አለኝታ እሆናለሁ ብሎ ቃል በገባበት ወቅት ነው ብሏል። ይህ እየሆነ ያለው ደግሞ በመንግስት ችግሮችን ለማስቆም የፍላጎት ማጣት እና ቸልተኝነት እንደሆነ የአማራ ወጣቶች ማህበር በባህርዳር እንደሚያምን ጠቅሷል። በተጨማሪም የአማራ ህዝብ በራሱ ባድማ (በሰሜን ወሎ ፣ሰሜን ጎንደር እና ደቡብ ጎንደር) በትግራይ ወራሪዎች የዘር ማጥፋት እየተካሄደበት ነው፤ ይህ ነገር በቃ ሊባል ይገባል ነው ያለው። የአማራ ወጣት በአማራ ህዝብ ላይ እየተሰራ ያለው ቁማር እና ሴራ ተገንዝቦ አስፈላጊውን ተግባራዊ እንቅስቃሴ ማድረግ እንዳለብን ጥሪያችንን እናስተላልፋለን ብሏል።

Source: Link to the Post

Leave a Reply