You are currently viewing በክብር የተሰዋው ጀግናው ኮሎኔል አበባው የማታው በትውልድ ስፍራው ደማቅ ሽኝት ተደረገለት።  አማራ ሚዲያ ማዕከል/አሚማ     ህዳር 20 ቀን 2015 ዓ/ም           አዲስ አበባ ሸዋ…

በክብር የተሰዋው ጀግናው ኮሎኔል አበባው የማታው በትውልድ ስፍራው ደማቅ ሽኝት ተደረገለት። አማራ ሚዲያ ማዕከል/አሚማ ህዳር 20 ቀን 2015 ዓ/ም አዲስ አበባ ሸዋ…

በክብር የተሰዋው ጀግናው ኮሎኔል አበባው የማታው በትውልድ ስፍራው ደማቅ ሽኝት ተደረገለት። አማራ ሚዲያ ማዕከል/አሚማ ህዳር 20 ቀን 2015 ዓ/ም አዲስ አበባ ሸዋ በ17 ዓመት ለጋ ዕድሜው የሃገር መከላከያ ሰራዊትን የተቀላቀለው ጀግናው ኮሎኔል አበባው፣ 34 ዓመት እናት ሃገሩን ደከመኝ ሰለቸኝ ሳይል አገልግሏል። የተጣለበትን ሃላፊነት በአሸናፊነት ለመወጣቱ በተሳተፈበት አውደ ውጊያዎች የፈፀማቸው ጀብዱዎች ምስክር ናቸው። በኢትዮ ኤርትራ ጦርነት ወቅት የሃገሬን ሉዓላዊነት አላስደፍርም በማለት በፈፀመው ጀብዱ ማዕረግና ሽልማት ተሰጥቶታል። ቀጥሎም፣ ኦነግ ሸኔ በከሚሴ በኩል ትንኮሳ በፈፀመባቸው ጊዜያቶች አደብ በማስገዛት እንደሚታወቅ የትግል ጓዶቹ ይናገራሉ። ኮሎኔል አበባው በስራ አፈፃፀሙ የተዋጣለት በመሆኑ ሻለቃውን በመምራት ደቡብ ሱዳን አንድ ዓመት ተኩል ሰላም አስከብሯል። ጀግናው ኮሎኔል አበባው፣ በህልውና ዘመቻው ወቅት የክፍለ ጦር ምክትል አዛዥ ሆኖ ለሃገሩና ለወገኑ ታላቅ ታሪክ ሰርቷል። በጭላ ግምባር ልዩ ስሙ ሳተ ጉም አካባቢ፣ በሳምሬ ግምባር፣ በፍየልውሃ፣ በጭፍራ፣ ካሳጊታ፣ በባቲ በርቃ፣ ሃራና ጋሸና አካባቢዎች በተደረገ የጦር ሜዳ ውሎ ጠላትን ዶግ አመድ ያደረገ ጀግና እንደነበር ጠላት ሳይቀር ይመሰክርለታል። ከጀግንነቱ ባሻገር በመልካም ስነምግባሩ የሚታወቀው ኮሎኔል አበባው የማታው፣ ለጠላት እጄን አልሰጥም በማለት አማያና ጩቤ በተደረገ ውጊያ ራሱን በመሰዋት የአፄ ቴዎድሮስን ታሪክ ደግሞታል። የአንድ ልጅ አባት እንደነበር የተነገረለት ኮሎኔሉ፣ በትውልድ ስፍራው በየዳ ወረዳ ጃንበለው ቀበሌ በቀረርቶና ሽለላ የጀግና ሽኝት ተደርጎለታል። ዘገባው የበየዳ ኮሚዩኒኬሽን ነው።

Source: Link to the Post

Leave a Reply