You are currently viewing በወለጋ በአማራ ህዝብ ላይ የሚፈፀመውን የዘር ማጥፋት ወንጀል ለማስቆም የተባበሩት መንግስታት ድርጅት ጣልቃ እንዲገባ እና የዘር ፍጅቱም በገለልተኛ አካል እንዲጣራ ሲሉ አስር የሚሆኑ የሲቪክ…

በወለጋ በአማራ ህዝብ ላይ የሚፈፀመውን የዘር ማጥፋት ወንጀል ለማስቆም የተባበሩት መንግስታት ድርጅት ጣልቃ እንዲገባ እና የዘር ፍጅቱም በገለልተኛ አካል እንዲጣራ ሲሉ አስር የሚሆኑ የሲቪክ…

በወለጋ በአማራ ህዝብ ላይ የሚፈፀመውን የዘር ማጥፋት ወንጀል ለማስቆም የተባበሩት መንግስታት ድርጅት ጣልቃ እንዲገባ እና የዘር ፍጅቱም በገለልተኛ አካል እንዲጣራ ሲሉ አስር የሚሆኑ የሲቪክ ማህበራት ጠይቀዋል። አማራ ሚዲያ ማዕከል/አሚማ ሀምሌ 4 ቀን 2014 ዓ.ም አዲስ አበባ ሸዋ በኢትዮጵያ የተመዘገቡ አስር የሚሆኑ የሲቪክ ማህበራት በጋራ በመሆን በኦሮሚያ በተለይ በወለጋ በአማራ ህዝብ ላይ የሚፈፀመውን የዘር ማጥፋት ወንጀልን ለማስቆም የተባበሩት መንግስታት ድርጅት ጣልቃ እንዲገባ እና የዘር ፍጅቱም በገለልተኛ አካል እንዲጣራ ጠይቀዋል። በተያያዘ በተባበሩት መንግስታት በሚሰየም ገለልተኛ ቡድን ወደ አካባቢው ገብቶ እንዲመረምር እና የድርጊቱ ፈጻሚዎችን ለፍርድ እንዲያቀርብ ጥሪ አድርገዋል። ማህበራቱ በተጨማሪም በአስቸጋሪ ሁኔታ ውስጥ ለሚገኙት እና ከዘር ጭፍጨፋው ለተረፉት ሰዎች በተባበሩት መንግስታት የአስቸኳይ ጊዜ ድጋፍ እርዳታ (OCHA) አማካኝነት ድጋፍ እንዲደረግላቸው የሚጠይቅ ደብዳቤ አስገብተዋል። በመጨረሻም:_ 1) በአማራው ማህበረሰብ ላይ የሚደርሰውን ከንቱ የዘር ማጽዳት እና የዘር ማጥፋት ወንጀል ማውገዝ እና ማቆም። 2) በአማራው ላይ የተፈፀመውን የዘር ማጥፋት እና ሌሎች አሰቃቂ ወንጀሎችን የሚያጣራ ገለልተኛ አካል ማቋቋም፤ 3) ተመሳሳይ ጥቃቶችን በመፍራት በሕይወት የተረፉ እና ተፈናቃዮችን ለመርዳት ለአገር አቀፍ እና ለአለም አቀፍ የሰብአዊ ተዋናዮች በርን ክፍት ማድረግ; እና 4) ተጠያቂነትን በተመለከተ የክልል እና የፌደራል መንግስት ባለስልጣናት እና ኦነግን ጨምሮ እንደዚህ አይነት አሰቃቂ ወንጀሎችን የፈጸሙ ሁሉ ለፍርድ ለማቅረብ መርዳት አስፈላጊ መሆኑን በመጥቀስ ጥሪ አድርገዋል። እንደ ዘላቂ መፍትሄም በኢትዮጵያ ፍትህ፣ ህግና ስርዓት መስፈን አለበት ያሉት ሲቪክ ማህበራቱ የአለም አቀፉ ማህበረሰብም የኢትዮጵያ መንግስት ብሄራዊ ውይይቱን፣ ሰላሙን እና እርቅን እንዲቀጥል፣ ህገ መንግስቱን እንዲያሻሽል ከፋፋይ የብሄር ፌደራሊዝም እንዲወገድ የራሱን ጫና ማሳደር እንዳለበት ጠቁመዋል። ይህንን ደብዳቤ ለተለያዩ ተቋማት በመጻፍ በወለጋ የተፈጸመው የአማራው እልቂት በገለልተኛ አካል እንዲጣራ የጠየቁ ተቋማትም:_ 1) የወልቃይት ጠገዴ የሰላም እና ልማት ማህበር፣ 2) ሸዋ ሰላም እና ልማት ማህበር (ሸዋሰማ)፣ 3) የራያ ሰላም እና ልማት ማህበር፣ 4) ፍኖተ ህይወት፣ 5) የተባበሩት አማራ ልማት ማህበር፣ 6) መንዝ እና ግሼ ልማት ማህበር (መግልማ)፣ 7) ደጀን እርቅ እና ልማት፣ 8 ወሎ ልማትና ተራድኦ ድርጅት፣ 9) የአማራ ህግ ባለሙያዎች ማህበር እና 10) የሲቪል ማህበራት ጥምረት ለሰብአዊ ድጋፍ ናቸው።

Source: Link to the Post

Leave a Reply