You are currently viewing በወለጋ የሚፈፀመውን ጭፍጨፋ ለሚድያዎች አጋልጣችኋል በሚል በአዲስ አበባ ዙሪያ የሚኖሩ የአማራ ተወላጆች መታሰራቸው ተገለፀ! ታሕሳስ 22 ቀን 2015 ዓ.ም አሻራ ሚዲያ ፣ በሆሮጉድሩ ወለጋ…

በወለጋ የሚፈፀመውን ጭፍጨፋ ለሚድያዎች አጋልጣችኋል በሚል በአዲስ አበባ ዙሪያ የሚኖሩ የአማራ ተወላጆች መታሰራቸው ተገለፀ! ታሕሳስ 22 ቀን 2015 ዓ.ም አሻራ ሚዲያ ፣ በሆሮጉድሩ ወለጋ…

በወለጋ የሚፈፀመውን ጭፍጨፋ ለሚድያዎች አጋልጣችኋል በሚል በአዲስ አበባ ዙሪያ የሚኖሩ የአማራ ተወላጆች መታሰራቸው ተገለፀ! ታሕሳስ 22 ቀን 2015 ዓ.ም አሻራ ሚዲያ ፣ በሆሮጉድሩ ወለጋ እና በምስራቅ ወለጋ እየተፈፀመ ስላለው ጭፍጨፋ ለሚድያ ተናግራችኋል በሚል በአዲስ አበባ ዙሪያ ኦሮሚያ ልዩ ዞን ስር በሚተዳደሩ አከባቢዎች የሚኖሩ የአማራ ተወላጆች መታሰራቸውን ቤተሰቦቻቸው ለአማራ ድምፅ ገልፀዋል። በኦሮሚያ ክልል ምስራቅ ወለጋ እና ሆሮጉድሩ ወለጋ ብቻ በተለይ ከህዳር ወር/2015 ዓ/ም ጀምሮ የክልሉ ልዩ ኃይሎች በከፈቱት ጥቃት 350 የሚደርሱ የአማራ ተወላጆች መገደላቸውን የአማራ ድምፅ መዘገቡ አይዘነጋም። በአዲስ አበባ ከተማ በተለያዩ የስራ መስኮች ተሰማርተው የሚኖሩ የወለጋ ተወላጆች በቤተሰቦቻቸው ላይ የተከፈተው ጥቃት እንዲቆም ሚድያዎች፣ የሰብአዊ መብቶች ተቋማት ግፊት እንዲያደርጉላቸው እየጠየቁ ይገኛሉ። በበዚህም በኦሮሚያ ክልል የሚፈፀመውን ጭፍጨፋ በሚዲያ ለምን አጋለጣችሁ በሚል በአዲስ አበባ ዙሪያ ኦሮሚያ ልዩ ዞን ስር በሚተዳደሩ አከባቢዎች የሚኖሩ የአማራ ተወላችጆች መታሰራቸውን ነው የታሳሪ ቤተሰቦች ለአማራ ድምፅ ያረጋገጡት። ለአብነትም በቡራዩ ክፍለ ከተማ ልዩ ስሙ ከታ አከባቢ ኡመር ክንዴ ተገኘ የተባለ ወጣት ስለ ወለጋው ጭፍጨፋ ለሚድያ ተናግረሀል በሚል ከአስር ቀናት በፊት በክፍለ ከተማው ፖሊሶች በቁጥጥር ስር ውሎ ለእስር የተዳረገ ቢሆንም እስካሁን ፍርድ ቤት አለመቅረቡን ቤተሰቦቹ ለአማራ ድምፅ ተናግረዋል። “ወጣት ኡመር ያለ ምንም ፍትህ ከታሰረ ከአስር ቀናት በላይ ሁኖታል፣እስካሁን ፍርድ ቤትም አልቀረበም” የሚሉት ቤተሰቦቹ፡ የኦሮሚያ ክልልን ስም ለማበላሸት ሀሰተኛ መረጃ እየሰጠ ነው በሚል ተጠርጥሮ መታሰሩን ከፖሊስ ጣቢያው አዛዦች መስማታቸውን ገልፀዋል። ከዚህ በተጨማሪም በኦሮሚያ ክልል ስለ ሚፈፀመው ጭፍጨፋ ለሚድያዎች በመናገር የክልሉን ስም እያበላሻችሁ ነው በሚል በአዲስ አበባ ዙሪያ የሚኖሩ በርካታ የወለጋ ተወላጆች በፖሊስ እየታደኑ መሆኑንም የአማራ ድምፅ ካሰባሰበው መረጃ ማረጋገጥ ችሏል። የኦሮሚያ ክልል ፀጥታ ኃይሎች በምስራቅ ወለጋ ዞን አንገር ጉቴ ከተማ እና አጎራባች ቀበሌዎች ላይ ከህዳር 24/2015 ዓ/ም ጀምሮ የከፈቱትን ተኩስ የፌደራሉ መንግስት ጣልቃ ገብቶ እንዲያስቆም የሰብአዊ መብቶች ተቋማት ግፊት እንዲያደርጉላችሁ ለመጠየቅ ተሰባስባችኋል በሚል ከ22 የሚደርሱ በአዲስ አበባ የሚኖሩ የወለጋ ተወላጆች በአዲስ አበባ ፖሊስ ቁጥጥር ስርውለው ከአራት ቀናት እስር ቦኋላ እያንዳንዳቸው በ500 ብር ዋስትና ከእስር መፈታታቸውን የአማራ ድምፅ ሚድያ መዘገቡ ይታወሳል። መረጃው የአማራ ድምፅ ነው ። “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply