You are currently viewing በወራቤ ዩኒቨርስቲ በተፈጸመው ጥቃት ሠላሳ(30) ተማሪዎች ጉዳት እንደደረሰባቸው፣ ከእነዚህ ውስጥ ደግሞ ሦስቱ(3) ለሕይወታቸው በሚያሰጋ ከባድ ጉዳት ላይ መሆናቸውን የአማራ ተማሪዎች ማህበር…

በወራቤ ዩኒቨርስቲ በተፈጸመው ጥቃት ሠላሳ(30) ተማሪዎች ጉዳት እንደደረሰባቸው፣ ከእነዚህ ውስጥ ደግሞ ሦስቱ(3) ለሕይወታቸው በሚያሰጋ ከባድ ጉዳት ላይ መሆናቸውን የአማራ ተማሪዎች ማህበር…

በወራቤ ዩኒቨርስቲ በተፈጸመው ጥቃት ሠላሳ(30) ተማሪዎች ጉዳት እንደደረሰባቸው፣ ከእነዚህ ውስጥ ደግሞ ሦስቱ(3) ለሕይወታቸው በሚያሰጋ ከባድ ጉዳት ላይ መሆናቸውን የአማራ ተማሪዎች ማህበር (አተማ) አስታወቀ፡፡ አማራ ሚዲያ ማዕከል/አሚማ ሚያዝያ 23 ቀን 2014 ዓ.ም አዲስ አበባ ሸዋ የአማራ ተማሪዎች ማህበር (አተማ) በወቅታዊ ጉዳይ የሰጠው የኀዘን መግለጫ:_ በስልጤ ዞን ወራቤ ከተማ ከሃይማኖት ጽንፈኝነት ጋር በተያያዘ እሰከአሁን ባለን መረጃ በወራቤ ዩኒቨርሲቲ ሲማሩ የነበሩ ሁለት(2) የአማራ ተማሪዎች ሕይወታቸው አልፏል፡፡ ሠላሳ(30) ተማሪዎች ደግሞ ጉዳት ደርሶባቸው በህክምና ላይ የሚገኙ ሲሆን ከእነዚህ ውስጥ ሦስቱ(3) ለሕይወታቸው የሚያሰጋ ከባድ ጉዳት ደርሶባቸዋል፡፡ ሚያዝያ 20 ቀን 2014 ዓ.ም በአክራሪዎች ሃይማኖትን ሽፋን በማድረግ በተፈጸመ ጥቃት በጫካ ውስጥ የወደቁና ህክምናም ያላገኙ በርካቶች ናቸው፡፡ በአጠቃላይ በአካባቢው ካለው ሁኔታ አንጻር መረጃ ለመሰብሰብ አስቸጋሪ በመሆኑ ቁጥሩ ከዚህ በላይ ሊጨምር የሚችል ሲሆን ተማሪዎች አሁንም በከፍተኛ ስጋት ውስጥ ይገኛሉ፡፡ ሃላፊነቱን ፈጽሞ የዘነጋው ብቻ ሳይሆን በወንጀሉም ጭምር እየተሳተፈ የሚገኘው መንግሥትም ያለችውን ቀሪ ጥቂት ጊዜና እድል ተጠቅሞ እና ይህ የአክራሪነት እንቅስቃሴ በጊዜ መፍትሔ ካልተበጀለት በስተቀር ወደማንወጣው ጉድጓድ የሚጥለን መሆኑን ተገንዝቦ ከተባባሪነት ወጥቶ ሕግ እና ሥርዓትን እንዲያስከብር ፤የተማሪዎቻችንን ደኅንነትም እንዲያስጠብቅ አሁንም ደግመን ደጋግመን እንጠይቃለን፡፡ በመጨረሻም በወንድሞቻችን ኅልፈተ ሕይወት የተሰማንን ልባዊ ኀዘን እየገለጽን ለቤተሰቦቻቸው፣ለወዳጅ ዘመዶቻቸው እና ለመላው የአማራ ሕዝብ መጽናናትን እንመኛለን፡፡ አተማ፡የአማራ ትውልድ ተቋም!!! ሚያዝያ 23 2014 ዓ.ም

Source: Link to the Post

Leave a Reply