You are currently viewing በወይብላ ቅድስት ማርያም ጉዳይ ሰሞኑን የተያዙት 3 የአዲስ አበባ ወጣቶች ነገ ፍርድ ቤት ይቀርባሉ። አማራ ሚዲያ ማዕከል/አሚማ   መጋቢት 5 ቀን 2014 ዓ.ም         አዲስ አበባ ሸዋ…

በወይብላ ቅድስት ማርያም ጉዳይ ሰሞኑን የተያዙት 3 የአዲስ አበባ ወጣቶች ነገ ፍርድ ቤት ይቀርባሉ። አማራ ሚዲያ ማዕከል/አሚማ መጋቢት 5 ቀን 2014 ዓ.ም አዲስ አበባ ሸዋ…

በወይብላ ቅድስት ማርያም ጉዳይ ሰሞኑን የተያዙት 3 የአዲስ አበባ ወጣቶች ነገ ፍርድ ቤት ይቀርባሉ። አማራ ሚዲያ ማዕከል/አሚማ መጋቢት 5 ቀን 2014 ዓ.ም አዲስ አበባ ሸዋ በወይብላ ቅድስት ማርያም ቤተክርስቲያን ጉዳይ 3 የአዲስ አበባ ወጣቶች የካቲት 21/2014 ዓ.ም በፖሊስ ተይዘዋል፡፡ እንደሚታወሰው፣ ጥር 12/2014 ዓ.ም ለጥምቀት በዓል ከቤተክርስቲያን ወጥቶ እንዳይመለስ ታግቶ የነበረ ታቦትን በነጋታው አጅበው ወደ ይብላ ማርያም ቤተክርስቲያን ሲጓዙ በነበሩ ምዕመናን ላይ በፀጥታ አካላት በተፈፀመ ጥቃት፣ 3 ሰዎች መሞታቸውም ይታወሳል፡፡ እገታውን የፈፀሙት ከመንግሥት አካላት ጋር ግንኙነት ያላቸው ወጣቶች እንደሆኑ በብዙዎች ዘንድ ይታመናል፡፡ እነዚህን ወጣቶች ፖሊስ በቁጥጥር ስር አውሎ ምርመራውን ለፍ/ቤት ያቀርባል ተብሎ ሲጠበቅ፣ ታቦቱን ከማጀብ ባሻገር በጉዳዩ ውስጥ ምንም ዓይነት ሕገ-ወጥ ድርጊት እንዳልፈፀሙ የሚታወቁት እስክንድር ልዑልሰገድ፣ ቢኒያም ፍቃዱ እና ዳንኤል ኃ/ማርያም ለእስር ተዳርገዋል፡፡ 3ቱ ወጣቶች ፍርድ ቤት ቀርበው በቀረበባቸው ክስ፣ “በወይብላ ቅድስት ማርያም እና ቅዱስ ሚካኤል ቤተክርስቲያን ለተፈፀመው ጥቃት ምክንያት ናችሁ” ተብለዋል፡፡ 3ቱ ወጣቶች የካቲት 22/2014 ዓ.ም በፌደራል መጀመሪያ ደረጃ አራዳ ጊዮርጊስ የጊዜ ቀጠሮ ችሎት ቀርበው የ14 ቀን የጊዜ ቀጠሮ ተጠይቆባቸው፣ ለነገ መጋቢት 6/2014 ዓ.ም ፍርድ ቤት እንዲቀርቡ ፍርድ ቤቱ ባዘዘው መሠረት፣ ከጠዋቱ 3፡00 ሰዓት ይቀርባሉ፡፡ ችሎቱ ለህዝብ ግልጽ ስለሆነ ወዳጅ፣ ዘመድ እና ጉዳዩን መከታተል የሚፈልጉ በእለቱ ተገኝተው ሂደቱን መታዘብ እንደሚችሉ ቅርበት ያላቸው ምንጮች ገልፀዋል ሲል የባልደራስ ሚዲያ ክፍል ዘግቧል።

Source: Link to the Post

Leave a Reply