You are currently viewing “በዓሉን ስናሳልፍ የህዝብ ጠላቶች እና ከሃዲወች ባጠመዱት ወጥመድ ያለ ኃጢዓታቸው እና ያለ ወንጀላቸው በአራቱም ማዕዘናት እንደ ክርስቶስ ሞትን የተቀበሉ እልፍ አዕላፍ ወገኖቻችንን እያስታወስ…

“በዓሉን ስናሳልፍ የህዝብ ጠላቶች እና ከሃዲወች ባጠመዱት ወጥመድ ያለ ኃጢዓታቸው እና ያለ ወንጀላቸው በአራቱም ማዕዘናት እንደ ክርስቶስ ሞትን የተቀበሉ እልፍ አዕላፍ ወገኖቻችንን እያስታወስ…

“በዓሉን ስናሳልፍ የህዝብ ጠላቶች እና ከሃዲወች ባጠመዱት ወጥመድ ያለ ኃጢዓታቸው እና ያለ ወንጀላቸው በአራቱም ማዕዘናት እንደ ክርስቶስ ሞትን የተቀበሉ እልፍ አዕላፍ ወገኖቻችንን እያስታወስን መሆን አለበት።” የአማራ ሕዝባዊ ኃይል (ፋኖ) አማራ ሚዲያ ማዕከል/አሚማ… ሚያዝያ 16 ቀን 2014 ዓ.ም አዲስ አበባ ሸዋ የትንሳኤ በዓልን አስመልክቶ ከአማራ ሕዝባዊ ኃይል (ፋኖ) የተላለፈ የእንኳን አደረሳችሁ መልዕክት:_ ለመላው የኢትዮጵያ ህዝብ፣ ለመላው የአማራ ሕዝባዊ ኃይል /ፋኖ/ እና ለሁሉም የፋኖ አደረጃጀቶች አመራርና አባላት፣ በማንነታችሁ ምክንያት ለተፈናቅላችሁ ወገኖቻችን፣ እንኳን ለብርሃነ ትንሳኤው አደረሳችሁ!!! ከትንሳኤ በፊት ሞት አለ። ከሞት በፊት ገዳዮች አሉ። ገዳዮችን የፈጠረው ደግሞ የክፋት ምክር ነው። ክርስቶስን ስለመግደል እና ስለመስቀል ምክር የተጀመረው ከስቅለት ሳምንት ውስጥ ባለው የመጀመሪያው ሰኞ ነው። በዚህ እለት የካህናት አለቆች እና ፀሐፍት ቀያፋ በሚባለው የሊቀ ካህናቱ አደባባይ ምክክራቸውን ጀመሩ። ገዳዮች እየሱስን ለመስቀል የፈለጉት የቤተ-መቅደሱን ግቢ የንግድ ማከናወኛ በማድረግ የአባቱን ቤት ያረከሱትን በማባረር በቤተ መቅደሱ ወንጌልን በመስበኩ እና ህዝቡን በማስተማር በመጀመሩ ምክንያት ነበር። የካህናቱ ምክረ ሃሳብ ይሳካ ዘንድ ከአይሁዳዊያን ወገን የሆነውን እየሱስን አሳልፎ የሚሰጥ ሌላ አይሁዳዊ ያስፈልግ ነበር። የክርስቶስ ደቀ መዝሙር የነበረው ይሁዳ ለክርስቶስ በተቀባ ሽቱ ምክንያት ያጣውን 30 ዲናር ለማግኘት እና ወንጀለኛውን በርባንን ከቅጣት ለማዳን ሲል ክርስቶስን አሳልፎ ሰጠ። የዘመናችን የካህናት አለቆች እና ፀሐፍት ከአማራ ሕዝብ ጀርባ ምክር ጀምረዋል። የህማማቱ ሳምንት እነሆ ተጀማምሯል። የዘመናችን ይሁዳወችም የዛፍ ላይ እንቅልፍ ለሆነው ስልጣን ሲሉ የህዝብ ልጆችን ህይወት በመቅጠፍ በህዝባቸው መሰረታዊ ጥቅም እና ፍላጎት ላይ ሊቆምሩ ከጫፍ ደርሰዋል። በእርግጥ ይሁዳ በ30 ዲናር ጌታውን በመክዳቱ ተፀፅቶ ራሱን አጥፍቷል። ከጥፋታቸው የማይማሩት የእድሜ ዘመን ይሁዳወች ግን ከስህተታቸዉ ሊማሩ የሚችሉባቸውን ተደጋጋሚ እድሎች በመጠቀም ፋንታ በተለመደው የክህደት መንገዳቸው ላይ ናቸው። በዓሉን ስናሳልፍ የህዝብ ጠላቶች እና ከሃዲወች ባጠመዱት ወጥመድ ያለ ኃጢዓታቸው እና ያለ ወንጀላቸው በአራቱም ማዕዘናት እንደ ክርስቶስ ሞትን የተቀበሉ እልፍ አዕላፍ ወገኖቻችንን እያስታወስን መሆን አለበት። ሰማዕታት ወገኖቻችን የሰው ልጆች ስለሆኑ በስጋ አይነሱም። ትንሳኤያቸው የሚበሰረው የሞቱለት ወገናቸው ነፃነት የተከበረ ዕለት ነው። የየዕለቱ ጉዟችን እየሱስ መሰቀሉ በፊት ከጌቴሰማኔ ወደ ቀራኒዮ ካደረገው አድካሚ ጉዞ ጋር ቢመሳሰልም የሰማዕታት ወገኖቻችን ትንሳኤ እና የኢትዮጵያ አስተማማኝ ህልውና እውን እስኪሆን ድረስ ጉዟችንን አናቋርጥም። እየሱስ ለሰው ልጅ ብሎ መከራን እንደተቀበለው ሁሉ እኛም ሁሌም ከጎናችን ለሆነው የአማራ ህዝብ ክብርና ልዕልና እንዲሁም ለኢትዮጵያ ዘለአለማዊነት ስንል የሚመጣብንን ፈተና ለመቀበል ዝግጁ መሆናችንን እናረጋግጣለን። ስለሆነም ለመላው የኦርቶዶክስ እምነት ተከታዮች መልካም በዓል እየተመኘን ሁሉም የአማራ ህዝብ እና ፋኖወቻችን እስከ ትንሳኤው ድረስ ከቆምንለት ዓላማ ውልፍት ሳንል በፅናት የምንታገልበት ወሳኝ ወቅት ላይ መሆናችንን ያገናዘብ ዝግጅት እንድናደርግ በዚህ አጋጣሚ ጥሪያችንን እናስተላልፋለን። በድጋሚ መልካም በዓል!!! አዲስ ትውልድ! አዲስ አስተሳሰብ! አዲስ ተስፋ! የአማራ ሕዝባዊ ኃይል (ፋኖ) ባሕርዳር-ኢትዮጵያ ሚያዝያ 15 ቀን 2014 ዓ.ም

Source: Link to the Post

Leave a Reply