You are currently viewing “በዓሉ መንፈሳዊ ሥራ የሚሠራበት እንጂ ባላስፈላጊ ዓለማዊ ምኞትና ሐሳብ የሚታለፍ አይደለም።” ሲሉ ብፁዕ አቡነ አብርሃም ገለጹ። አማራ ሚዲያ ማዕከል/አሚማ    ታህሳስ 28 ቀን 2015 ዓ/…

“በዓሉ መንፈሳዊ ሥራ የሚሠራበት እንጂ ባላስፈላጊ ዓለማዊ ምኞትና ሐሳብ የሚታለፍ አይደለም።” ሲሉ ብፁዕ አቡነ አብርሃም ገለጹ። አማራ ሚዲያ ማዕከል/አሚማ ታህሳስ 28 ቀን 2015 ዓ/…

“በዓሉ መንፈሳዊ ሥራ የሚሠራበት እንጂ ባላስፈላጊ ዓለማዊ ምኞትና ሐሳብ የሚታለፍ አይደለም።” ሲሉ ብፁዕ አቡነ አብርሃም ገለጹ። አማራ ሚዲያ ማዕከል/አሚማ ታህሳስ 28 ቀን 2015 ዓ/ም አዲስ አበባ ሸዋ በኢትዮጵያ ኦርቶዶክስ ተዋሕዶ ቤተ ክርስቲያን የመንበረ ፓትርያርክ ጠቅላይ ቤተ ክህነት ሥራ አስኪያጅና የባሕር ዳር ሀገረ ስብከት ሊቀ ጳጳስ ብፁዕ አቡነ አብርሃም ለጌታችን ለመድኃኒታችን ኢየሱስ ክርስቶስ የልደት በዓል የእንኳን አደረሳችሁ መልእክት አስተላልፈዋል፡፡ ብፁዕነታቸው በመልእክታቸው በልደቱ ሰላም የሰፈነበት፣ የራቁ የቀረቡበት፣ የተቅበዘበዙ ሁሉ የተጽናኑበት፣ ሰላም የምሥራች ተብሎ የታወጀበት ሰውና መላእክት በአንድነት የዘመሩበት መኾኑን ተናግረዋል፡፡ የኢትዮጵያ ኦርቶዶክስ ተዋሕዶ ቤተክርስቲያንም የኢየሱስ ክርስቶስ ልደትን የዓለም መድኃኒት ተወለደ እያለች እያመሰገነች እንደምታከብረውም ገልጸዋል፡፡ በኢየሱስ ክርስቶስ ልደት ዓመተ ፍዳ፣ ዓመተ ኩነኔ፣ የመከራው፣ የሰቆቃውና የዋይታው ዘመን ያከተመበት፣ የሰላምና የይቅርታ ዓመት የተጀመረበት ነውም ብለዋል፡፡ በአመጽና በሽንገላ ይኖር የነበረ ሕዝብ ሁሉ በኢየሱስ ክርስቶስ ልደት ከአመጽ፣ ከሽንገላና ከአምልኮ ባዕድ ተላቆ እግዚአብሔርን እያመሰገነ መኖሩንም ነው የተናገሩት። የኢየሱስ ክርስቶስ የልደት በዓል ሲከበር የተቸገሩትን በመርዳት፣ ያዘኑትን በማጸናናት፣ የታሰሩትን በመጠየቅ ሊኾን እንደሚገባም አሳስበዋል፡፡ በዓሉ መንፈሳዊ ሥራ የሚሠራበት እንጂ ባላስፈላጊ ዓለማዊ ምኞትና ሐሳብ የሚታለፍ አለመኾኑንም አስገንዝበዋል ክርስቲያኖች ሁሉ ሃይማኖቱን የጠበቀ መልካም ሥራ እንዲሠሩም መልእክት አስተላልፈዋል፡፡ ሰላምን እንከተላት፣ ሰላምን እንውደዳት፣ ሰላምን እንያዛት፣ ሰላምን ለሌላውም እንስጣት፣ እኛም እንቀበላት ያሉት ብፁዕነታቸው በበዓለ ልደት እግዚአብሔር የሚመሰገንበት መኾኑንም ገልጸዋል፡፡ ለሰላም ግማሽ የለውም ያሉት ብፁዕነታቸው ከሁሉም ነገር ለሰላም ቅድሚያ መስጠት እንደሚገባም ተናግረዋል፤ ከሰላም ውጭ ያለው ነገር ጥቅም እንደሌለውም ገልጸዋል፡፡ በመጨረሻም ተፋቅሮና ተረዳድቶ መኖርን ገንዘብ እናድርግ፣ ጥላቻን እናርቅም ያሉ ሲሆን ኢየሱስ ክርስቶስ ተወለደ ስንል ሰላምን ሰጠን፣ በአንድ ላይ እንድንዘምር ፈቀደልን፣ ከእርሱ ጋራ እንድንኖር ጠራን፣ መረጠን እያልን ነውም ብለዋል በመልእክታቸው። ተዋሕዶ ሚዲያ ማዕከል እንደዘገበው።

Source: Link to the Post

Leave a Reply