You are currently viewing በዛ የጭንቅ ወቅት ያለምንም ማመንታት ኃላፊነት ለተቀበለ ጀኔራል (የጦር መሪ) ክብር መስጠት ሀገራዊ ግደታ ሲሆን ማዋከብ ግን የነውር ጥግ ነው የሱፍ ኢብራሄም  ቢያንስ ቀጣይ የብልሽት ታሪክ…

በዛ የጭንቅ ወቅት ያለምንም ማመንታት ኃላፊነት ለተቀበለ ጀኔራል (የጦር መሪ) ክብር መስጠት ሀገራዊ ግደታ ሲሆን ማዋከብ ግን የነውር ጥግ ነው የሱፍ ኢብራሄም ቢያንስ ቀጣይ የብልሽት ታሪክ…

በዛ የጭንቅ ወቅት ያለምንም ማመንታት ኃላፊነት ለተቀበለ ጀኔራል (የጦር መሪ) ክብር መስጠት ሀገራዊ ግደታ ሲሆን ማዋከብ ግን የነውር ጥግ ነው የሱፍ ኢብራሄም ቢያንስ ቀጣይ የብልሽት ታሪክ አካል ላለመሆን በተዓቅቦ ልንጓዘው ያልነው ርቀት በራሱ ከትግሉ በላይ ረጅምና ፈታኝ እየሆነ መምጣቱ አልቀረም። የልጅነት እድሜያችንን፣ የተገደበ ተሞክሯችንን እና እውቀታችንንም ቢሆን ሳንሰስት በቅንነት ለህዝባችን ነፃነት ለማዋል ሞክረናል። ሆኖም ነፃነታችን በየጊዜው እየተጣበበና ቅርቃር ውስጥ እየገባ መምጣቱ ይበልጥ ያሳስባል። ወያኔን በእልህ የታገልነውና አሁንም የምንታገለው የጫነብንን አፈናና ድብታ በመፀየፍ እንደሆነ ሊዘነጋ አይገባም። የህዝባችንና የኃገራችንን ነፃነት አሳልፈን ለመስጠት የሚፈቅድ ህሌና ቢኖረን ኖሮ በግለሰብ ደረጃ ከማንም ያላነሰ መበልፀግና መ…ሸሸግ እንችል ነበር። ከህፃናትና አዛውንቶች በፊት ቀድሞ ሲሸሽ የነበረውና የሽሽት ቪዛ ሲያፈላልግ የነበረው ፈሪና ከሀዲ ሁላ ተጠያቂ መሆኑ ቢቀር ተመልሶ ሊያፍነን አይችልም። የሕዝባችን አንድነት የድስኩር፣ የሙዚቃና የትያትር ግብዓት ብቻ መሆን የለበትም። ከወንድሞቻችን ጋር በሀሳብ መለያየት፣ መጨቃጨቅ እና መነታረክ መብታችን ነው። ባብዛኛው እርስበርሳችን የምንወቃቀሰውና የምንካሰሰው እኮ ለሁላችንም ይሻላል የምንለውን ኃሳብ በድፍረትና በቅንነት ለማስተናገድ ነው። ነገር ግን ሁሉንም ነገር በምክክርና በጊዜ ሂደት መስመር ማስያዝ እንደምንችል ደግሞ ጠንቅቀን እናውቃለን። በተደጋጋሚ “በር ዘግተን መመካር አለብን” ስንል የነበረው እንደዋዛ እንዳንቸገር በሚል እንደሆነ ሊሰመርበት ይገባል። ከፊላችን ታግተንና ታፍነን ፈፅሞ ከፊላችን ነፃ መሆን አንችልም። ይሄን አጉል ድርጊት ከወድሁ እንቃወማለን፣እንታገላለን! ይህ በእንዲህ እንዳለ— ወራሪው ሀይል ራያን ተቆጣጥሮ ወደ የጁ እየተሻገረ በነበረበት ወቅት ከጄኔራል ተፈራ ማሞ ጋር ወልዲያ ከተማ ተገናኝተን አንዳንድ ስራዎችን በጋራ ለመስራት ሞክረን ነበር። በወቅቱ የነበረው የፀጥታ ሁኔታ እጅግ ዝብርቅርቅና አስፈሪ እንደነበር አይረሳም! በዛ የጭንቅ ወቅት ያለምንም ማመንታት ኃላፊነት ለተቀበለ ጀኔራል (የጦር መሪ) ክብር መስጠት ሀገራዊ ግደታ ሲሆን ማዋከብ ግን የነውር ጥግ ነው። በተቃራኒው ለማስረዳት መሞከር ሸክሙ ከባድ በመሆኑ ጉዳዩን ከአዘቦት ቀን በተለየ ዕዝነ-ህሌና መቃኘት ይሻላል። ዛሬ በዚህ ጉዳይ ላይ በግለሰብ ደረጃና በተናጠል ስንናገር ወደ ኋላ የተጓዝንበትን ርቀት በምልሰት በማሰብና በቁጭት ነው! ለፈጣንና አዳዲስ መረጃዎች የአይበገሬዎቹ ልሳን:- ቴሌግራም :- https://t.me/asharamedia24 Facebook :- https://www.facebook.com/asharamedia24 youtube :- https://www.youtube.com/channel/UChir2nIy58hlLQRYyHIQeHA Telegram (https://t.me/asharamedia24) Ashara Media – አሻራ ሚዲያ ስልክ፥ +251984000629 ዩትዩብ፥ https://bit.ly/33XmKro

Source: Link to the Post

Leave a Reply