You are currently viewing በደቡብ ኢትዮጵያ የፊርማ ንቅናቄውን ሲያስተባብር የነበረ አንድ የባልደራስ አባል ታሰረ፤ ስንታየሁ ለማ የተባለ አባሉም መታሰሩ ይታወሳል። አማራ ሚዲያ ማዕከል/አሚማ   ሚያዝያ 30 ቀን 201…

በደቡብ ኢትዮጵያ የፊርማ ንቅናቄውን ሲያስተባብር የነበረ አንድ የባልደራስ አባል ታሰረ፤ ስንታየሁ ለማ የተባለ አባሉም መታሰሩ ይታወሳል። አማራ ሚዲያ ማዕከል/አሚማ ሚያዝያ 30 ቀን 201…

በደቡብ ኢትዮጵያ የፊርማ ንቅናቄውን ሲያስተባብር የነበረ አንድ የባልደራስ አባል ታሰረ፤ ስንታየሁ ለማ የተባለ አባሉም መታሰሩ ይታወሳል። አማራ ሚዲያ ማዕከል/አሚማ ሚያዝያ 30 ቀን 2014 ዓ.ም አዲስ አበባ ሸዋ በአዲስ አበባ ዙሪያ ከ500 በላይ የዐማራ ክልል ተወላጆች ታስረዋል። ባልደራስ ለእውነተኛ ዴሞክራሲ ፓርቲ (ባልደራስ) ኢትዮጵያ አቀፍ ድርጅት ለመሆን የሚያደርገውን እንቅስቃሴ ተከትሎ በደቡብ ኢትዮጵያ ከሕዝብ የድጋፍ ፊርማ የማሰባሰብ ንቅናቄው ቀጥሏል። ይህንን ንቅናቄ ሲያስተባብር የነበረው አቶ ስንታየሁ ለማ ከሕግ ውጭ በግፍ መታሰሩን ቀደም ብለን ዘግበናል። ከስንታየሁ ጋር ሕዝቡን ሲያስፈርም እና ንቅናቄውን ሲያስተባብር የዋለው ሌላኛው የፓርቲው አባል ታደሰ ካስሮ አማዶ፣ በጋሞ ዞን፤ ምዕራብ አባያ ፖሊስ ጣቢያ ውስጥ በግፍ ታስሯል። በአሁኑ ሰዓት ሁለቱም አባሎች በአንድ ክፍል ውስጥ ከሌሎች እስረኞች ጋር የሚገኙ ሲሆን፣ አንድ ሻለቃ በር ቆልፎባቸው ከሄደ በኋላ ያነጋገራቸው ፖሊስ የለም። ፖሊስ ጣቢያው ቃልም ሆነ አድራሻ አልተቀበላቸውም። ከስንታየሁና ከታደሰ ጋር በድጋፍ ፊርማ የማሰባሰብ ንቅናቄው ውስጥ ሲሳተፉ የነበሩ ሌሎች ሰዎችን ፖሊስ እየፈለጋቸው ነው። ሰሞኑን በተከፈተው የእስር ዘመቻ፣ ከባልደራስ አባላት በተጨማሪ በአዲስ አበባ ዙሪያ ከ500 በላይ የዐማራ ክልል ወጣቶች እና ተወላጆች ታስረዋል ሲል ባልደራስ በማህበራዊ ትስስር ገጹ አጋርቷል።

Source: Link to the Post

Leave a Reply