You are currently viewing በደቡብ ወሎ ዞን ለጋንቦ ወረዳ በአቀስታ እና በጊንባ ከተሞች ወራሪው ቡድን ከፍተኛ ውድመት በመፈፀማቸው አስቸኳይ መፍትሔ ሊሰጠው እንደሚገባ ተገለፀ። አማራ ሚዲያ ማዕከል/አሚማ   ሚያዝያ 2…

በደቡብ ወሎ ዞን ለጋንቦ ወረዳ በአቀስታ እና በጊንባ ከተሞች ወራሪው ቡድን ከፍተኛ ውድመት በመፈፀማቸው አስቸኳይ መፍትሔ ሊሰጠው እንደሚገባ ተገለፀ። አማራ ሚዲያ ማዕከል/አሚማ ሚያዝያ 2…

በደቡብ ወሎ ዞን ለጋንቦ ወረዳ በአቀስታ እና በጊንባ ከተሞች ወራሪው ቡድን ከፍተኛ ውድመት በመፈፀማቸው አስቸኳይ መፍትሔ ሊሰጠው እንደሚገባ ተገለፀ። አማራ ሚዲያ ማዕከል/አሚማ ሚያዝያ 29 ቀን 2014 ዓ.ም አዲስ አበባ ሸዋ በሞዴሊስት ናርዶስ አበበ እና ወንድማችን ተስፋሁን ደሳለኝ አስተባባሪነት ሰው ለመርዳት ሰው መሆን በቂ ነው በሚል ሀሳብ በማህበራዊ ትስስር ገፅ በሆነው ቲክቶክ ላይ በማስተባበር የሰበሰቡትን ድጋፍ ለማድረስ ወደ አካባቢው እያቀኑ ነው። ሞዴሊስት ናርዶስ አበበ፣ ጋዜጠኛ ሙሉዬ ንጋት ፤ ፋሲል አበበ እና አባተ በጋራ ከአዲስ አበባ በመነሳት እርዳታ ወደሚያስፈልጋቸው አካባቢዎች በማቅናት ያሉበትን ሁኔታ በመጎብኘት ለህዝቡ ለማድረስ እየሰሩ መሆኑ ነው ተገልጧል። ከአዲስ አበባ ጀምሮ ኮንቦልቻ እንዲሁም ደሴ እና ሌሎች በሚሔዱባቸው ቦታዎች ሁሉ የስንቅ በጎ አድራጎት ድርጅት እና አሰለፈች ፋውንዴሽን ደማቅ አቀባበል እና መልካም መስተንግዶ እያደረጉላቸው መሆኑን ገልፀዋል። ሞዴሊስት ናርዶስ እንደገለፀችው የስንቅ በጎ አድራጎት ከአዲስ አበባ ቦሌ አለም አቀፍ አየር ማረፊያ ጀምሮ እስከ ሌሎች አካባቢዎች ላይ ስላደረጉልኝ አቀባበል እና መልካም መስተንግዶ ትልቅ ምስጋና አለኝ ስትል ገልፃለች። ሚያዝያ 28/2014 ወደ ደቡብ ወሎ ለጋንቦ ወረዳ ያቀናው ሉዑካን ቡድን ጊንባ እና አቃስታ ከተማ ሲደርሱ ደማቅ አቀባበል ተደርጎላቸዋል። የለጋንቦ ወረዳ ነዋሪዎች እና የአካባቢው ተወላጅ የሆኑት አቶ አባተ አረጋ እንደገለፁት ወራሪው የትግራይ ቡድን በተለይ በጊንባ እና በአቃስታ ከተማ ለወራቶች የሚቆጠር ጊዜያቶችን ሲያሳልፍ በማህበረሰቡ ላይ ከፍተኛ ጭካኔ የተሞላበት ድርጊት ፈፅሟል ብለዋል። ከፈፀሙት ግፍ መካከልም የ5ቀን አራስን እናቶችን ጨምሮ በርካታ ሴት ህፃናት እና ሴቶችን ከመድፈራቸው በተጨማሪ ወጣቶችን እና አዛውንቶችን መግደላቸው ተገልጧል። በወረዳው የሚገኙ በርካታ ተቋማትን እና የግለሰብ ሀብቶችን መጫን የቻሉትን ጭነው ያልቻሉትን ደግሞ በከፍተኛ ሁኔታ አውድመው መሔዳቸውን ነዋሪዎች ገልፀዋል። በስንቅ በጎ አድራጎት እንዲጎበኙ የተደረጉት ሉካን ቡድን አባላት መካከል ሞዴሊስት ናርዶስ እንደገለፀችው አካባቢው ላይ ይሔን ያክል ውድመት እንደደረሰ አላወኩም ነበር ብላለች። ውድመቱ በዚህ ልክ መድረሱ እንዳሳሰባት እና እንዳሳዘናት በመግለፅ ለአቀስታ ፖሊ ቴክኒክ ኮሌጅ የሁለት ኮምፒተር ድጋፍ በማድረግ ለቀጣይ ከሌሎች ወገኖች ጋር በመተባበር የተሻለ ድጋፍ ይዛ በወረዳው እንደምትገኝ ገልፃለች። ጋዜጠኛ ሙሉየ ንጋት በበኩሏ በወረዳው ይህንን ያክል ውድመት እና ጭካኔ የተሞላበት ግፍ መፈፀሙ እንዳሳዘናት በመግለፅ በቀጣይ ጊዜያት እንደ ሚዲያ ባለሞያ ችግሩን እና ውድመቱን መጥቼ በማየት እስካሁን ለሁሉም ህዝብ አለማድረሴ አሳዝኖኛል ብላለች። በቀጣይ እኔን ጨምሮ ሁሉም የሚዲያ አካላት ወደ ቦታው አቅንተው የበኩላቸውን እንዲያደርጉም ጥሪ አቅርባለች። ሌላኛው አስተያየት ሰጪ ፋሲል አበበ እንደገለፀው ለአካባቢው አዲስ እንደሆነ እና በአገኜው አጋጣሚ መጥቶ የተመለከተው ውድመት እንዳሳዘነው በመግለፅ በቀጣይ ሁሉም የሚመለከተው አካል ትኩረት ሰጥቶ መልሶ ሊያቋቁመው ይገባል ሲል ብሏል። ሉዑካን ቡድኑ በቀጣይ ቀናቶችም ወደሌሎች አካባቢዎች እየተንቀሳቀሰ እንደሚመለከት ተገልጿል። ዘገባው የጋዜጠኛ ሙሉዬ ንጋት ነው።

Source: Link to the Post

Leave a Reply