You are currently viewing በዱርቤቴ እና መርዓዊ ከተሞች ከሠራዊት አባልነት የተመለሱ 32 ወታደሮች ታሰሩ። አማራ ሚዲያ ማዕከል/አሚማ   ግንቦት 4 ቀን 2014 ዓ.ም         አዲስ አበባ ሸዋ በዱርቤቴ እና መርዓ…

በዱርቤቴ እና መርዓዊ ከተሞች ከሠራዊት አባልነት የተመለሱ 32 ወታደሮች ታሰሩ። አማራ ሚዲያ ማዕከል/አሚማ ግንቦት 4 ቀን 2014 ዓ.ም አዲስ አበባ ሸዋ በዱርቤቴ እና መርዓ…

በዱርቤቴ እና መርዓዊ ከተሞች ከሠራዊት አባልነት የተመለሱ 32 ወታደሮች ታሰሩ። አማራ ሚዲያ ማዕከል/አሚማ ግንቦት 4 ቀን 2014 ዓ.ም አዲስ አበባ ሸዋ በዱርቤቴ እና መርዓዊ ከተሞች ከሠራዊት አባልነት የተመለሱ 32 ወታደሮች መታሰራቸውን የገለጸው ባልደራስ መርዓዊ ከታሰሩት መካከል አምስቱ ለመከላከያ ተሰጥተዋል ብሏል። በምዕራብ ጎጃም ዞን፤ ሰሜን ሜጫ ወረዳ፤ ከባሕር ዳር ከተማ በአጭር ኪሎ ሜትር ርቀት ላይ በምትገኘው መርዓዊ ከተማ ከሀገር መከላከያ ሰራዊትና ከአማራ ልዩ ሃይል አባልነት በፈቃዳቸው የተመለሱ 18 ወታደሮች ታስረዋል። በተመሳሳይ በምዕራብ ጎጃም፤ ደቡብ አቸፈር ወረዳ፤ ዱርቤቴ ከተማ ውስጥ 14 ተመላሽ ወታደሮች በአብችክሊ ዙሪያ ፖሊስ ጣቢያ ታስረዋል። ዜጎች የፈለጉት ሰራዊት አባል የመሆን መብት ቢኖራቸውም፤ በሁለቱም ተቀራራቢ ከተሞች ወታደሮቹ የታሰሩት “የአማራ ሕዝባዊ ኃይልን (ፋኖ) ለመቀላቀል በዝግጅት ላይ ናችሁ” በሚል ምክንያት ነው እየተባለ ነው። በመርዓዊ ፖሊስ ጣቢያ ውስጥ ከታሰሩት 18 ወታደሮች መካከል አምስቱ ቀደም ሲል የሀገር መከላከያ ሰራዊት አባል በመሆን በርካታ ግዳጆችን በብቃት የተወጡ ናቸው። አምስቱንም ፖሊስ ጣቢያው ለሀገር መከላከያ ሰራዊት አሳልፎ የሰጣቸው ሲሆን፣ ይህ ዜና እስከተጠናቀረበት ጊዜ ድረስ የትና በምን ሁኔታ እንዳሉ አልታወቀም። ከዚህ ቀደም ብሎ “ትታሰራላችሁ ወይም እርምጃ ይወሰድባችኋል” የሚል ማስጠንቀቂያ ይደርሳቸው እንደነበርም ለታዳኞች ቅርብ የሆኑ የመረጃ ምንጮች ተናግረዋል። ለእስር እየተፈለጉ ከሚገኙት መካከል የሀገር መከላከያ ሰራዊት ውስጥ በሚያዩት እንቅስቃሴ በመከፋት፤ ከሰራዊቱ በፈቃዳቸው ከወጡ በኋላ የአማራ ልዩ ሃይልን ለመቀላቀል ጠይቀው የተከለከሉ ይገኙበታል ሲል ባልደራስ በማህበራዊ ትስስር ገጹ አጋርቷል።

Source: Link to the Post

Leave a Reply