You are currently viewing በዳንግላ ከተማ በርካታ ወጣቶች “ፋኖ ናችሁ፤ ፋኖን ትደግፋላችሁ፤ ከእነ አርበኛ ዘመነ ካሴ ጋር ትገናኛላችሁ” በሚል በመንግስት የጸጥታ አካላት እየታፈኑ ወዳልታወቀ ስፍራ እየተወሰዱ ነው ሲሉ…

በዳንግላ ከተማ በርካታ ወጣቶች “ፋኖ ናችሁ፤ ፋኖን ትደግፋላችሁ፤ ከእነ አርበኛ ዘመነ ካሴ ጋር ትገናኛላችሁ” በሚል በመንግስት የጸጥታ አካላት እየታፈኑ ወዳልታወቀ ስፍራ እየተወሰዱ ነው ሲሉ…

በዳንግላ ከተማ በርካታ ወጣቶች “ፋኖ ናችሁ፤ ፋኖን ትደግፋላችሁ፤ ከእነ አርበኛ ዘመነ ካሴ ጋር ትገናኛላችሁ” በሚል በመንግስት የጸጥታ አካላት እየታፈኑ ወዳልታወቀ ስፍራ እየተወሰዱ ነው ሲሉ ነዋሪዎች ተናገሩ። አማራ ሚዲያ ማዕከል/አሚማ ግንቦት 11 ቀን 2014 ዓ.ም አዲስ አበባ ሸዋ በአዊ ዞን ዳንግላ ከተማ በርካታ የሚሆኑ ወጣቶች “ፋኖ ናችሁ፣ ፋኖን ትደግፋላችሁ እንዲሁም ከእነ አርበኛ ዘመነ ካሴ ጋር ትገናኛላችሁ” በሚል በመንግስት የጸጥታ አካላት እየታደኑ በመታሰር ላይ ናቸው ተብሏል። የሚያዙ ሰላማዊ የዳንግላ ወጣቶችም ወዳልታወቀ ስፍራ እየተወሰዱ ነው ሲሉ ነዋሪዎች ተናግረዋል። ቀድማ የአስቸኳይ ጊዜ አዋጅ ባወጀችው ዳንግላ ከተማ በተለይ ከግንቦት 9/2014 ጀምሮ 11 ወጣቶች መታሰራቸውን ምንጮች ለአሚማ ገልጸዋል። በርካቶች የመኖሪያ ቤታቸው በህገ ወጥ መልኩ እየተበረበረባቸው መሆኑም ተገልጧል። እንደአብነትም ፋኖ ምዕራፍ ይኸነው በሌለችበት የመኖሪያ ቤታቸው በህገ ወጥ መልኩ ከተፈተሸባቸው መካከል አንዷ መሆኗ ተሰምቷል። 1. ሳሙኤል አንለይ(ቾምቤ)፣ 2. ፍፁምሰው አይገኝ፣ 3. ዘላለም ምስጋናው፣ 4. ቢንያም ሙሉጌታ፣ 5. እንዳለው ፈንቴ፣ 6. እሱባለው ባይህ፣ 7. መዝገቡ አንዳርጌ እና 8. በለጠ እጅጉ የተባሉ ነዋሪዎች ይጠቀሳሉ። “ልጆቻችን ስለምን ታፈኑ? ከወዴት ናቸው?” የሚል ጥያቄ አፍኖ ለወሰዳቸው ቡድን እየቀረበ ይገኛል ተብሏል። የሰዓት እላፊ ገደብ በመጣል ቀድሞ ያወጀው የዳንግላ ከተማ መስተዳደርም ሲጠየቅ “እኛ አናውቅም ጉዳዩ ከእኛ እውቅና ውጭ ነው” እንደሚል ተጠቁሟል

Source: Link to the Post

Leave a Reply