You are currently viewing በጃርዴጋ እና ሰቀላ በሚኖሩ አማራዎች ላይ የተከፈተው ጦርነት አሁንም እንደቀጠለ ነው፤ በሶስት አቅጣጫዎች የኦሮሚያ ልዩ ኃይል ኮማንዶ ጭምር የተሳተፈበት የተቀናጀ ዘር ተኮር ጥቃት ሙሉ ቀን…

በጃርዴጋ እና ሰቀላ በሚኖሩ አማራዎች ላይ የተከፈተው ጦርነት አሁንም እንደቀጠለ ነው፤ በሶስት አቅጣጫዎች የኦሮሚያ ልዩ ኃይል ኮማንዶ ጭምር የተሳተፈበት የተቀናጀ ዘር ተኮር ጥቃት ሙሉ ቀን…

በጃርዴጋ እና ሰቀላ በሚኖሩ አማራዎች ላይ የተከፈተው ጦርነት አሁንም እንደቀጠለ ነው፤ በሶስት አቅጣጫዎች የኦሮሚያ ልዩ ኃይል ኮማንዶ ጭምር የተሳተፈበት የተቀናጀ ዘር ተኮር ጥቃት ሙሉ ቀን እየተፈጸመ ቢሆንም የደረሰላቸው አንዳች የመንግስት አካል አለመኖሩ ተጠቁሟል። አማራ ሚዲያ ማዕከል/አሚማ ህዳር 30 ቀን 2015 ዓ/ም አዲስ አበባ ሸዋ በጃርዴጋ እና ሰቀላ በሚኖሩ አማራዎች ላይ የተከፈተው ጦርነት አሁንም እንደቀጠለ ነው፤ በሶስት አቅጣጫዎች ሙሉ ቀን የልዩ ኃይል ኮማንዶ ጭምር የተሳተፉበት የተቀናጀ ዘር ተኮር ጥቃት እየተፈጸመ ቢሆንም የደረሰላቸው አንዳች የመንግስት አካል አለመኖሩን ነዋሪዎች ለአማራ ሚዲያ ማዕከል (አሚማ) ገልጸዋል። የጃርዴጋን እና የሰቀላ አማራዎችን በኃይል ለመውረር የተሰማራው የኦሮሚያ ልዩ ኃይልን እና ኦነግ ሸኔን ያካተተው የኦሮሚያ ጥምር ጦር በሰቀላ እና በጃርዴጋ ጃርቴ ወረዳዎች በ3 አቅጣጫዎች ይፋዊ የሆነ ጦርነት ከፍቶ ውሏል። የአካባቢው ምንጮች ለአሚማ እንደገለጹት:_ 1) በኦዳቡልቅ/ሆሮቡልቅ/ሰቀላ ወረዳ_ ሰምቦ ለጋ ፈርሶ አካባቢ፣ 2) በጃርዴጋ ጃርቴ ወረዳ:_ 2.1) አካዩ እና 2.2) ጫቶ በተባሉ 3 አካባቢዎች የወረራ ጦርነት ተከፍቶ ውሏል፤ ይህ ዜና እስከተጠናቀረበት ጊዜ ድረስም በአማራዎች የተከፈተው ይፋዊ ጦርነት እንደቀጠለ ነው። በሰምቦ ለጋ ፈርሶ እና በጫቶ በኩል የኦሮሚያ ልዩ ኃይል፣ ኦነግ ሸኔ እና ሌሎች የጸጥታ አካላት እየተሳተፉ መሆኑን የሚነግሩን ምንጮች በአካዩ በኩል አሸባሪው ኦነግ ሸኔ በአማራ ላይ ጥቃቱን እየፈጸመ ስለመሆኑ ተገልጧል። የአካባቢው ሚሊሾች እና አርሶ አደሮችም ራሳቸውን፣ አዛውንቶችን፣ ህጻናትንና ሴቶችን ለመታደግ ጥረት ለማድረግ ቢሞክሩም በብዙ ሽህ ሆኖ ተደራጅቶ ከሻምቡ የመጣውን በቡድን መሳሪያ የታገዘውን ጦር ለመከላከል አለመቻላቸው ተገልጧል። በቡድን መሳሪያ እየተፈጸመ ባለው ጥቃትም በርካታ አማራዎች የተገደሉ ሲሆን ብዙዎች ቆስለዋል፤ ብዙ ሽህዎች ወደ ጫካ ሸሽተው በርሃብ ላይ ናቸው። በጃርዴጋ እና አካባቢው ያሉ አማራዎች የመውጫ መንገድ ከተዘጋባቸው በርካታ ወራት የተቆጠረ በመሆኑ ከተደራጀው የጅምላ ፍጅት የሚታደጋቸው በእጅጉ ይፈልጋሉ፤ በተደጋጋሚም በአስቸኳይ የድረሱልን ጥሪ እያቀረቡ ነው። ይህ ዘገባ እስከተሰራበት ጊዜ ድረስ ግን አንዳችም የመከላከያ ሰራዊት ሊደርስላቸው አልቻለም።

Source: Link to the Post

Leave a Reply