You are currently viewing በጅጅጋ ዩኒቨርስቲ የሚማሩ በርካታ የአማራ ተማሪዎች በሌሊት በልዩ ኃይል እና በፌደራል ፖሊስ አባላት እየተደበደቡ ከግቢ ውጭ ወዳልታወቀ ስፍራ ተጭነው  መወሰዳቸው ተነገረ። አማራ ሚዲያ ማዕከ…

በጅጅጋ ዩኒቨርስቲ የሚማሩ በርካታ የአማራ ተማሪዎች በሌሊት በልዩ ኃይል እና በፌደራል ፖሊስ አባላት እየተደበደቡ ከግቢ ውጭ ወዳልታወቀ ስፍራ ተጭነው መወሰዳቸው ተነገረ። አማራ ሚዲያ ማዕከ…

በጅጅጋ ዩኒቨርስቲ የሚማሩ በርካታ የአማራ ተማሪዎች በሌሊት በልዩ ኃይል እና በፌደራል ፖሊስ አባላት እየተደበደቡ ከግቢ ውጭ ወዳልታወቀ ስፍራ ተጭነው መወሰዳቸው ተነገረ። አማራ ሚዲያ ማዕከል/አሚማ መስከረም 4 ቀን 2014 ዓ.ም አዲስ አበባ ሸዋ ከጅጅጋ ዩኒቨርስቲ ከአማራ ሚዲያ ማዕከል ጋር ቆይታ ያደረጉ ቅሬታ አቅራቢ ተማሪዎች እንደገለፁት መስከረም 2 ቀን 2014 በአንድ የአማራ ተማሪ ላይ ሌላ አላማ አንግበዋል በተባሉ ጽንፈኞች ሌሊት 7 ሰዓት ገደማ ከፍተኛ ድብደባ እንደተፈፀመበት እና አካላዊ ጉዳት እንደደረሰበት ተገልጧል። ይህን ተከትሎም መስከረም 3 ቀን 2014 የአማራ ተማሪዎች ከቀኑ 5:30 ላይ ሰላማዊ ሰልፍ በማድረግ ጅጅጋ ዩኒቨርስቲን መጠየቃቸው ተገልጧል። በውይይቱ የተገኙት የዩኒቨርስቲው ም/ፕሬዝዳንትና የከተማው ከንቲባ በመንጋ ድብደባ የፈፀሙትን ተማሪዎችን አጣርተን በቁጥጥር ስር እናውላለን በማለት ቃል ቢገቡም ተገቢ ምላሽ አልሰጡንም ብለዋል ተማሪዎቹ። ይባስ ብሎ መስከረም 3 ቀን 2014 ሌሊት ላይ በፓትሮል ወደ ግቢ ውስጥ የገቡ የልዩ ኃይል አባላትና የፌደራል ፖሊስ አባላት በዩኒቨርስቲው የተማሪዎች ህብረት አመራርን ጨምሮ ከ200 በላይ ተማሪዎችን በሰደፍና በከስክስ እየደበደቡ ከግቢ ውጭ ጭነው እንደወሰዷቸው ገልፀዋል። በዚህም መስፍንና አቢቲ የተባሉ ሁለት የአማራ ተማሪዎች ክፉኛ በመደብደባቸው ከፍተኛ አካላዊ ጉዳት እንደደረሰባቸው ተነግሯል። በዚህ በፈተና ወቅት ይህ የአፈሳ እስርና አካላዊ ድብደባ ተገቢ አይደለም ሲሉ ቅሬታቸውን አሰምተዋል። የጅጅጋ ዩኒቨርስቲ የተማሪዎች ዋና አገልግሎት ዲን ተማሪ አሸር አህመድ በጉዳዩ ላይ አስተያየት ከመስጠት ተቆጥቧል። አማራ ሚዲያ ማዕከል የጅጅጋ ዩኒቨርስቲ ፕሬዝዳንት ዶ/ር በሽርን ስለተፈጠረው ነገር መረጃ እንዲሰጡን ጠይቋል። በተማሪዎች ጉዳይ ስብሰባ መቆየታቸውን ገልፀው አሁን ላይ መረጃ ለመስጠት አይመቸኝም ብለዋል። አሚማ ያነጋገረው የአማራ ተማሪዎች ማህበር አተማ ጽ/ቤት ኃላፊ መልካሙ ለውጠኝ አተማ ጉዳዩ ደርሶት እየተከታተለው መሆኑን አስታውቋል። ችግሩ የተፈጠረው በቀን 02/1/2014 ዓ.ም የኦነግን አላማ ለማስፈፀም የተንቀሳቀሱ ተማሪዎች ከላይብራሪ ተመልሶ ብሎክ ሲገባ የነበረን አንድ የአማራ ተማሪን በመያዝ ምላሱ እስኪሰነጠቅ ድረስ ከመደብደብ አልፈው ከፎቅ ላይ ለመወርወር መሞከራቸውን መልካሙ ለውጠኝ ጠቅሷል። የዩንቨርስቲው የፀጥታ አካላት እና የተማሪዎች ህብረት በወቅቱ ተገኝተው ልጁን ያሳከሙ ቢሆንም ወንጀለኞች ሊያዙ ባለመቻላቸው ፍትህ ፈላጊ ተማሪዎች በሰላማዊ ሰልፍ ስለመጠየቃቸውም መረጃ ደርሶናል ብሏል። ይሁን እንጅ ፍትህ ፈላጊ የአማራ ተማሪዎች ያቀረቡት ሰላማዊ ጥያቄያቸው ሊመለስላቸው ሲገባ በሌሊት ገብተው እያፈኑና እየደበደቡ በመውሰድ ማሰር አተማ የማይቀበለው ብቻ ሳይሆን አስቸኳይ መፍትሄ እንዲሰጥበት የሚታገልበት ጉዳይ ስለመሆኑ ተጠቅሷል።

Source: Link to the Post

Leave a Reply