You are currently viewing በገላን ኮንዶምኒዬም አካባቢ ተከስቷል የተባለን አለመግባባት ተከትሎ ተኩስ በመከፈቱ በአባ ሳሙኤል እስር ቤት ያሉ እስረኞችን ለመጠየቅ ያቀኑ ቤተሰቦች ለእንግልት ተዳርገዋል፤ ጥየቃውም መስተጓ…

በገላን ኮንዶምኒዬም አካባቢ ተከስቷል የተባለን አለመግባባት ተከትሎ ተኩስ በመከፈቱ በአባ ሳሙኤል እስር ቤት ያሉ እስረኞችን ለመጠየቅ ያቀኑ ቤተሰቦች ለእንግልት ተዳርገዋል፤ ጥየቃውም መስተጓ…

በገላን ኮንዶምኒዬም አካባቢ ተከስቷል የተባለን አለመግባባት ተከትሎ ተኩስ በመከፈቱ በአባ ሳሙኤል እስር ቤት ያሉ እስረኞችን ለመጠየቅ ያቀኑ ቤተሰቦች ለእንግልት ተዳርገዋል፤ ጥየቃውም መስተጓጎሉን ለማየት ተችሏል። አማራ ሚዲያ ማዕከል/አሚማ መጋቢት 25 ቀን 2014 ዓ.ም አዲስ አበባ ሸዋ መጋቢት 25/2014 ረፋድ ላይ በገላን ኮንዶምኒዬም ስላሴ ቤተ ክርስቲያን አካባቢ ተፈጥሯል የተባለ አለመግባባትን ተከትሎ የጸጥታ አካላት በተደጋጋሚ ጥይት ሲተኩሱ ተሰምቷል። በአካባቢው የኢትዮጵያ ኦርቶዶክስ ተዋህዶ ቤተ ክርስቲያን የስላሴ ቤተ ክርስቲያንን ከገነባች ወራቶች ተቆጥረዋል ይላሉ ነዋሪዎቹ። ይሁን እንጅ የአካባቢው መስተዳድር ከስላሴ ቤተ ክርስቲያን አጠገብ ለፕሮቴስታንቶች ቦታ መስጠቱንና ግንባታ መፍቀዱ የአምልኮ ስርዓትን ለማከናወን አይመችም በሚል በተደጋጋሚ ተቃውሞ ቀርቦበታል። የአባ ሳሙኤል ማ/ቤት ቀጠና 5 ነዋሪዎች እንደሚሉት ባሳለፍነው ሳምንትም በመስተዳድሩ አካሄድ እና ለግንባታ በተነሱ አካላት ላይ ከአካባቢው ነዋሪዎች፣ከወጣቶችና ከስላሴ ምዕመናን ተቃውሞ ተነስቶባቸዋል። መስተዳድሩ ሆን ብሎ ግጭት ለማስነሳት በሚመስል አግባብ ከስላሴ ቤተ ክርስቲያን አጠገብ ቦታ በመስጠት ግንባታ በመፍቀዱ የተፈጠረ ችግር ነውም ይላሉ። ከቤተ ክርስቲያኑ ጎን የተጀመረው ግንባታም ድርጊቱን በተቃወሙ አካላት በሌሊት ፈርሶ ማደሩ ተገልጧል። ከረፋዱ 3:30 ሰዓት ገደማ በስላሴ አካባቢ ግንባታውን ከተቃወሙ አካላት ጋር ተከስቷል የተባለውን አለመግባባት ተከትሎ በተከታታይ የተኩስ ድምፅ ተሰምቷል። ይህን ተከትሎም እስረኛ ጠያቂዎችን በሰዓቱ ለማስተናገድ ያልፈቀደው የአባ ሳሙኤል እስር ቤት አጋጣሚውን በመጠቀም ከልክሏል። በዚህም መጋቢት 25/2014 በገላን ኮንዶምኒዬም አባ ሳሙኤል እስር ቤት የሚገኙ የባልደራስ አባላትን፣ የአዲስ አበባ ወጣቶችንና አጠቃላይ እስረኞችን ለመጠየቅ የሄዱ በርካታ ቤተሰቦች በፖሊስ ተከልክለው ለመመለስ ተገደዋል። በርካታ ወጣቶችም ወደ አደባባይ ወጥተው ጎማ ሲያቃጥሉም ተመልክተናል፤ ለማረጋጋት ነው በሚል ከፍተኛ የተኩስ ድምፅ ይሰማ ነበር። በሰው እና በንብረት ላይ ጉዳት ይድረስ አይድረስ አሚማ ለማወቅ አልቻለም። 3:30 ሰዓት አካባቢ የተደረገው ክልከላም ቀሪ ተደርጎ ከቀኑ 5 ሰዓት በኋላ መፈቀዱንና እየተረጋጋ መሆኑን ለማወቅ ተችሏል። ክልከላውን ተከትሎ ከካራማራ እና አድዋ ክብረ በዓላት አከባበር ጋር ተያይዞ የታሰሩ የባልደራስ እና የአዲስ አበባ ወጣቶችን ለመጠየቅ ወደ አባ ሳሙኤል ካቀኑት መካከል የባልደራስ ፕሬዝደንት አቶ እስክንድር ነጋን ጨምሮ ሌሎች ቤተሰቦችም መመለሳቸውን አሚማ በስፍራው ተገኝቶ ተመልክቷል። በገላን ኮንዶምኒዬም አካባቢ የሚገኘው አዲሱ ማረሚያ ቤት አባ ሳሙኤል በእጅጉ የራቀ፣ በቂ የታክሲ አገልግሎት የማይገኝበት እና በጥቅሉ ለጠያቂዎች ብዙ የማይመች መሆኑን ለመመልከት ተችሏል። በእስር ላይ የሚገኙ የባልደራስ አባላትና የአዲስ አበባ ወጣቶች ከካራማራ እና ከአድዋ የድል ክብረ በዓላት አከባበር ጋር በተያያዘ መታሰር የለብንም በሚል እየተከራከሩ ሲሆን ሁሉም በሚባል አግባብ የእምዬ ምኒልክ ምስል ያለበትን ቲሸርት በመልበሳቸው ወደ ፍ/ቤት እንዳይሄዱ እስከመከልከል መደረሳቸው ይታወሳል። መጋቢት 1/2014 የባለአደራ ም/ቤት 3ተኛ ዓመት ምስረታን ለመዘከር የተገኙት የባልደራስ ፕሬዝደንት አቶ እስክንድር ነጋ “በአዲስ አበባ ያለው የተረኝነት መንፈስ ከመቼውም ጊዜ በላይ ተባብሷል” ማለታቸው አይዘነጋም። በእስር ላይ የሚገኙ ጋዜጠኞችን፣ የባልደራስ አባላትና የአዲስ አበባ ወጣቶችን ለማነጋገር ያቀናው አሚማም በሁኔታው አለመመቸት አግኝቶ ለማነጋገር ሳይችል ለመመለስ ተገድዷል።

Source: Link to the Post

Leave a Reply