You are currently viewing በጉራጌ ዞን በተደረገው የስራ ማቆም አድማ የወጣቶች እንቅስቃሴ በአስለቃሽ ጭስ እንዲበተን መደረጉ ተነገረ። አማራ ሚዲያ ማዕከል/አሚማ     ህዳር 9 ቀን 2015 ዓ/ም           አዲስ…

በጉራጌ ዞን በተደረገው የስራ ማቆም አድማ የወጣቶች እንቅስቃሴ በአስለቃሽ ጭስ እንዲበተን መደረጉ ተነገረ። አማራ ሚዲያ ማዕከል/አሚማ ህዳር 9 ቀን 2015 ዓ/ም አዲስ…

በጉራጌ ዞን በተደረገው የስራ ማቆም አድማ የወጣቶች እንቅስቃሴ በአስለቃሽ ጭስ እንዲበተን መደረጉ ተነገረ። አማራ ሚዲያ ማዕከል/አሚማ ህዳር 9 ቀን 2015 ዓ/ም አዲስ አበባ ሸዋ በደቡብ ክልል በጉራጌ ዞን የክላስተር አደረጃጀትን በመቃወም ለሶስተኛ ጊዜ የተደረገው ቤት ዉስጥ የመቀመጥ እና የስራ ማቆም አድማ ሙሉ ቀን መዋሉ የተነገረ ሲሆን፣ በወልቂጤ ከተማ በወጣቶችና በፀጥታ ኃይሎች መካከል በተፈጠረም ግጭት የፀጥታ ኃይሎች አስለቃሽ ጭስ መጠቀማቸው ታውቋል። የዞኑ ርዕሰ መዲና በሆነችው ወልቂጤ ከተማ ጨምሮ ጉንችሬ፣ አገና፣ ሃዋሪያት፣ አረቅጥ እና እምድብር ከተማዎች ዛሬ ህዳር 9 ቀን ከንጋቱ 12 ሰዓት ጀምሮ ነዋሪዎች ቤት ዉስጥ የመቀመጥ አድማ ማድረጋቸውን ነዋሪዎች አረጋግጠዋል። የወልቂጤ ከተማ ነዋሪ የሆኑት አቶ አብድልሰመድ የከተማውን ውሎ አስመልክቶ እንደተናገሩት “ወጣቶች ናቸው ትላንት አመሻሹ ላይ ዛሬ ዓርብ ስራ እንዳንገባ እና በቤት ውስጥ እንድንሆን የሚገልፅ በራሪ ወረቀት ያሰራጩት። በዚህ ምክንያትም ዛሬ ሙሉ ቀን ቤት ውያለሁ። የከተማዋ ድባብ ይጨንቅ ነበር፣ ወጣቶች የጩኸት እና የተቃውሞ ድምፅ ሲያሰሙም ነበር” በማለት ሁኔታውን አስረድተዋል። ሌላኛዉ ስማቸዉ እንዲገለፅ ያልፈለጉ የከተማዋ ነዋሪ “ወጣቶች የከተማውን ዋና ዋና መንገዶችን በመዝጋት እና ጎማ በማቃጠል ድንጋይ ሲደረደሩ” መመልከታቸውን ገልፀዋል። ሙሉ ቀን የጤና አገልግሎት ከሚሰጡ ተቋማት ውጪ የትራንስፖርት እና የመንግስት አገልግሎቶች እንዲሁም የግል መስሪያ ቤቶች እና ሱቆች ዝግ ሆነው ውለዋል ሲል የዘገበው አዲስ ዘይቤ ነው።

Source: Link to the Post

Leave a Reply