You are currently viewing በጉራጌ ዞን የክልል የምክር ቤት አባል የሆኑት አቶ ታረቀኝ ደግፌ ጨምሮ ቁጥራቸው በውል ያልታወቁ ለእስር መዳረጋቸው ተገለጸ። አማራ ሚዲያ ማዕከል/አሚማ     ህዳር 18 ቀን 2015 ዓ/ም…

በጉራጌ ዞን የክልል የምክር ቤት አባል የሆኑት አቶ ታረቀኝ ደግፌ ጨምሮ ቁጥራቸው በውል ያልታወቁ ለእስር መዳረጋቸው ተገለጸ። አማራ ሚዲያ ማዕከል/አሚማ ህዳር 18 ቀን 2015 ዓ/ም…

በጉራጌ ዞን የክልል የምክር ቤት አባል የሆኑት አቶ ታረቀኝ ደግፌ ጨምሮ ቁጥራቸው በውል ያልታወቁ ለእስር መዳረጋቸው ተገለጸ። አማራ ሚዲያ ማዕከል/አሚማ ህዳር 18 ቀን 2015 ዓ/ም አዲስ አበባ ሸዋ የጉራጌ የክልልነት ጥያቄ ፤ በጉራጌ ዞን በምክር ቤት ውሳኔ የተላለፈበትን ኅዳር 17 ቀን 2011 ዓ.ም. 4ኛ ዓመት አስመልክቶ “ለጀግኖች የጉራጌ ህዝብ ምክር ቤት ተወካዮቻችን ስላልከዳችሁን እናመሠግናለን፤ ህዳር 17 የጉራጌ የድል ቀን” ነው ፤ በሚል መሪ ቃል ፤ 1) የምስጋና ምልክት የሚያሣይ ፎቶዎችን በማኅበራዊ ድረ ገጽ በማጋራት፣ 2) የጉራጌ የክልልነት ጥያቄ የሚደግፉ የብሔሩ ተወላጆች እና የሃሳብ ተጋሪዎች ዕለቱን በተመለት የበይነ-መረብ ቻሌንጁን በማዘጋጀት በሀሽታግ የተለያዩ ልጥፎችን ኅዳር 17 ቀን 2015 ዓ.ም ከሰዓት ጀምሮ እስከ ማምሻውን አካሂደዋል። የበይነ-መረብ ቻሌንጁን እየተካሄደ ባለበት ወቅት ፤ በደቡብ ብሄረሰቦች እና ህዝቦች ክልል የምክር ቤት አባል እና የጉራጌ ዞን ተወካይ የኢዜማ ፓርቲ አባል የሆኑት አቶ ታረቀኝ ደግፌ ጨምሮ ቁጥራቸው በውል ያልታወቁ አካላት በአዲስ አበባ ኮልፌ ቀራኒዮ ክ/ከተማ ቤቴል አካባቢ ልዩ ስሙ ወይራ ሰፈር አካባቢ እያሉ ለእስር መዳረጋቸው ተገልጿል። በወቅቱ ለእስር በሚዳረጉበት ጊዜ ከፍተኛ ድብደባ በፀጥታ ኃይሎች እንደተፈጸመባቸው ተነግሯል። በኢፌዴሪ ህገመንግስት አንቀፅ 54 ተራ ጥቁር 6 ማንኛውም የምክር ቤት አባል ከባድ ወንጀል ሲፈፅም እጅ ከፍንጅ ካልተያዘ በስተቀር ያለ ምክር ቤቱ ፈቃድ አይያዝም፣ አይከሰስም የሚለውን የሕግ ድንጋጌ መሠረት በማድረግ ፤የክልል የምክር ቤት አባል የሆኑት የአቶ ታረቀኝ ደግፌ እስር መነጋገሪያ ሆኗል። በደቡብ ክልል የሚገኘው የጉራጌ ዞን ከኅዳር 16 ቀን 2015 ዓ.ም. ጀምሮ በኮማንድ ፖስት እንዲመራ መወሰኑን የክልሉ ሰላም እና ጸጥታ ቢሮ ኃላፊ አቶ አለማየሁ ባውዲ መግለፃቸው የሚታወቅ ነው። የጉራጌ ዞን በኮማንድ ፖስት ስር እንዲሆን የተደረገው፤ ከክልል አደረጃጀት ጥያቄ ጋር በተያያዘ በአካባቢው የተፈጠረውን የጸጥታ ችግር “በመደበኛ አሰራር ለማስተዳደር” ባለመቻሉ መሆኑን የቢሮ ኃላፊው ገልጸዋል። ይህ በእንዲህ እንዳለ የጉራጌ ዞን ምክር ቤት ኅዳር 17 ቀን 2011 ዓ.ም. በሙሉ ድምጽ የክልል እንሁን ጥያቄ ውሳኔ ያሳለፈ ሲሆን ፤በተጨማሪ ክላስተር የተባለውን አደረጃጀት ነሐሴ 5 ቀን 2014 ዓ.ም. በአብላጫ ድምጽ ውድቅ በማድረግ በድጋሚ የክልል እንሁን ጥያቄ የጉራጌ ዞን ምክር ቤት ማጽደቁ የሚታወቅ ነው። ዘገባው የጋዜጠኛ ይድነቃቸው ከበደ ነው።

Source: Link to the Post

Leave a Reply