You are currently viewing በጊምቢ ወረዳ ከቶሌ ቀበሌ ተፈናቅለው በልዩ ልዩ ተላላፊ በሽታዎች የተያዙ ከ700 በላይ የሚሆኑ አማራዎች ሕክምና ማግኘት አልቻልንም ሲሉ ተናገሩ። አማራ ሚዲያ ማዕከል/አሚማ    ሰኔ 27 ቀ…

በጊምቢ ወረዳ ከቶሌ ቀበሌ ተፈናቅለው በልዩ ልዩ ተላላፊ በሽታዎች የተያዙ ከ700 በላይ የሚሆኑ አማራዎች ሕክምና ማግኘት አልቻልንም ሲሉ ተናገሩ። አማራ ሚዲያ ማዕከል/አሚማ ሰኔ 27 ቀ…

በጊምቢ ወረዳ ከቶሌ ቀበሌ ተፈናቅለው በልዩ ልዩ ተላላፊ በሽታዎች የተያዙ ከ700 በላይ የሚሆኑ አማራዎች ሕክምና ማግኘት አልቻልንም ሲሉ ተናገሩ። አማራ ሚዲያ ማዕከል/አሚማ ሰኔ 27 ቀን 2014 ዓ.ም አዲስ አበባ ሸዋ በኦሮሚያ ክልል ምዕራብ ወለጋ ዞን ጊምቢ ወረዳ ቶሌ ቀበሌ እና አጎራባች አካባቢ ከተፈናቀሉት መካከል ከ700 በላይ የሚሆኑ አማራዎች በተላላፊ በሽታ ቢያዙም ሕክምና እያገኙ አለመሆኑን አስታውቀዋል። የአካባቢው ነዋሪዎች እንደገለጹት፣ ከኦሮሚያ ክልል ምዕራብ ወለጋ ዞን ጊምቢ ወረዳ ቶሌ ቀበሌ እና አጎራባች ቦታዎች ከኹለት ሳምንት በፊት ጀምሮ የኦነግ ሸኔ ቡድን ያደረሰውን ግድያ እና ጥቃት በመሸሽ በአካባቢው በሚገኙ የመጠለያ ጣቢያዎች የተጠለሉ ዜጎች ቁጥር ከሰባት ሺሕ በላይ መድረሱ ተሰምቷል፡፡ ከእነዚህ መካከል ከ700 ያላነሱ ሰዎች በአካባቢው ባለው የአየር ፀባይ እና የክረምት ወቅቱን ተከትሎ በውኃ ብክለት እና በተለያዩ ምክንያቶች በሕክምና ተረጋግጦ ባልታወቀ ተላላፊ በሽታ የተያዙ ቢሆንም፣ የሕክምና አገልግሎት ማግኘት እንዳልቻሉ አስረድተዋል። አክለውም፣ በመጠለያ ጣቢያው የሕክምና አገልግሎት የሚሰጡ የጤና ባለሙያዎች አለመኖራቸውን እና በአካባቢው የኦነግ ሸኔ ቡድን መኖሩን ተከትሎ የትራንስፖርት አገልግሎት የሚሰጡ ተሽከርካሪዎች በነፃነት መንቀሳቀስ ባለመቻላቸው ሌሎች ቦታዎች ወደሚገኙ የጤና ተቋማት አቅንተው ሕክምና ማግኘት እንዳልቻሉም ተናግረዋል። ሕክምና የሚያስፈልጋቸው ሰዎች ለሚመለከታቸው የመንግሥት አካላት ጥያቄ እያቀረቡ ሲሆን፣ የሕክምና አገልግሎቱን እንዲያገኙ እየተሠራ መሆኑ ቢነገራቸውም፣ ይህ መረጃ እስካጠናቀር ጊዜ ድረስ ምላሽ እንዳላገኙ አመልክተዋል። በወቅቱ ምላሽ ወይንም የሕክምና አገልግሎት ማግኘት ካልቻሉ በበሽታው የሚያዙ ሰዎች ቁጥር ሊጨምር እንደሚችል ተገልጿል፡፡ አያይዘውም፣ የሰብዓዊ ድጋፍ የቀረበ ቢሆንም፣ የተፈናቃይ ዜጎች ቁጥር እየጨመረ መምጣቱን ተከትሎ ድጋፉ በቂ እንዳልሆነ እና ሁሉንም ሰው ተደራሽ አለማድረጉን ተፈናቃዮች ተናግረዋል። የሕክምና አገልግሎት አላገኘንም የሚለውን የአካባቢው ነዋሪዎችን ቅሬታ መሰረት በማድረግ ለኦሮሚያ ክልል ጤና ቢሮ እና ለጤና ሚኒስቴር ተደጋጋሚ ሙከራ ማድረጉንና ተገቢ ምላሽ አለማግኘቱን በመግለጽ የዘገበው አዲስ ማለዳ ነው። ፎቶ_አሚማ

Source: Link to the Post

Leave a Reply