You are currently viewing በጊዳ ኪረሙ ወረዳ የአማራ ተወላጆች ንብረት የሆኑ መኖሪያ ቤቶች ተለይተው በእሳት መቃጠላቸው ተገለፀ! ታሕሳስ 16 ቀን 2015 ዓ.ም አሻራ ሚዲያ ፣ ባህርዳር በኦሮሚያ ክልል ምስራቅ ወለጋ…

በጊዳ ኪረሙ ወረዳ የአማራ ተወላጆች ንብረት የሆኑ መኖሪያ ቤቶች ተለይተው በእሳት መቃጠላቸው ተገለፀ! ታሕሳስ 16 ቀን 2015 ዓ.ም አሻራ ሚዲያ ፣ ባህርዳር በኦሮሚያ ክልል ምስራቅ ወለጋ…

በጊዳ ኪረሙ ወረዳ የአማራ ተወላጆች ንብረት የሆኑ መኖሪያ ቤቶች ተለይተው በእሳት መቃጠላቸው ተገለፀ! ታሕሳስ 16 ቀን 2015 ዓ.ም አሻራ ሚዲያ ፣ ባህርዳር በኦሮሚያ ክልል ምስራቅ ወለጋ ዞን የጊዳ ኪረሙ ወረዳ ዋና መቀመጫ በሆነችው ኪረሙ ከተማ ትናንት ታህሳስ 16/2015 ዓ/ም ከረፋዱ አራት ሰዓት ጀምሮ የአማራ ተወላጆች ንብረት የሆኑ መኖሪያ ቤቶች ተለይተው በእሳት እንዲቃጠሉ መደረጋቸውን በፍስራው የሚገኙ የአማራ ድምፅ ምንጮች ገለፁ። የክልሉ ፀጥታ ኃይሎች ህዳር 9 እና ህዳር 20/2015 ዓ/ም በኪረሙ ከተማ በከፈቱት ተኩስ የአማራ ተወላጅ የሆኑ የከተማዋ ነዋሪዎች ህይወታቸውን ለማትረፍ ከቤት ንብረታቸው ተፈናቅለው ከኪረሙ ከተማ በ20 ኪሎ ሜትር ርቀት ላይ በምትገኘው ሀሮ አዲስአለም ቀበሌ መጠለላቸው ይታወቃል። ከኪረሙ ከተማ እና ከሌሎች የወረዳው ቀበሌዎች በተለያየ ግዜ ከተፈፀመባቸው ጥቃት ተርፈው በሀሮ አዲስአለም ቀበሌ ተጠልለው የነበሩ ከ60 ሺ በላይ ተፈናቃዮች ላይ ታህሳስ 14/2015 ዓ/ም የክልሉ ልዩ ኃይሎች ከማለዳው ጀምሮ በከፈቱት ተኩስ ከ30 በላይ የአማራ ተወላጆች መገደላቸውን የአማራ ድምፅ መዘገቡ አይዘነጋም። ታህሳስ 14/2015 ዓ/ም በሀሮ አዲስ አለም ቀበሌ ከማለዳው አንድ ሰዓት ጀምረው እስከ አመሻሹ ድረስ በአራት አቅጣጫ ከበባ በማድረግ በቡድን መሳሪያ ጭምር በመታገዝ በከፈቱት ተኩስ ከ30 በላይ ህፃናት፣ሴቶችን እና አረጋውያንን የገደሉት የክልሉ ልዩ ኃይሎች፡ አመሻሹን ቀበሌዋን ለቀው ወደ ኪረሙ ከተማ መግባታቸውም ታውቋል። ወደ ኪረሙ ከተማ የገቡት ልዩ ኃይሎቹ ትናትን ታህሳስ 16/2015 ዓ/ም ከረፋዱ አራት ሰዓት ገደማ ጀምረው የአማራ ተወላጆች ንብረት የሆኑ መኖሪያ ቤቶችን ጣሪያቸውን ነቅለው መጣላቸውን እና በእሳት ማቃጠላቸውን ነው የአማራ ድምፅ በስፍራው ካሉ ምንጮቹ ማረጋገጥ የቻለው። በከተማዋ የአማራ ተወላጆች ንብረት የሆኑ መኖሪያ ቤቶች አብዛኻኞቹ በእሳት የተቃጠሉ ሲሆን ቀሪዎቹ መኖሪያ ቤቶች ደግሞ ጣሪያቸው ተነቅሎ ቆርቆሮው እና እንጨቱ በመኪና እየተጫነ እንደሆነም የአይን እማኞቹ አመላክተዋል። ተጠልለውበት ከነበረው ሀሮ አዲስአለም ቀበሌ ታህሳስ 14/2015 ዓ/ም ከተከፈተባቸው ጥቃት አቅም አግኝተው ህይወታቸውን ለማትረፍ ወደ ጫካ የሸሹ የአማራ ተወላጆች፡ በኪረሙ ከተማ መኖሪያ ቤታቸውን ልዩ ኃይሉ በእሳት እንዳቃጠለባቸው ለአማራ ድምፅ ያረጋገጡ ሲሆን፡ ይህ ድርጊት የአማራ ተወላጆች ከአከባቢው ለቀው እንዲወጡ በክልል ደረጃ የተጠነሰሰ ሴራ እንደሆነ የሚያመላክት ነው ሲሉ ገልፀዋል። በጌትነት አሻግሬ (ምስል ከማህደር) ዘገባው የአማራ ድምፅ ነው ። “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply