You are currently viewing በግፍ የታሰሩት የአዲስ አበባ እና የባልደራስ ወጣቶች በዋስትና መለቀቃቸውን የገለጸው ባልደራስ ትግሉ ተጠናክሮ እንደሚቀጥል አስታውቋል። አማራ ሚዲያ ማዕከል/አሚማ   ሚያዝያ 7 ቀን 2014…

በግፍ የታሰሩት የአዲስ አበባ እና የባልደራስ ወጣቶች በዋስትና መለቀቃቸውን የገለጸው ባልደራስ ትግሉ ተጠናክሮ እንደሚቀጥል አስታውቋል። አማራ ሚዲያ ማዕከል/አሚማ ሚያዝያ 7 ቀን 2014…

በግፍ የታሰሩት የአዲስ አበባ እና የባልደራስ ወጣቶች በዋስትና መለቀቃቸውን የገለጸው ባልደራስ ትግሉ ተጠናክሮ እንደሚቀጥል አስታውቋል። አማራ ሚዲያ ማዕከል/አሚማ ሚያዝያ 7 ቀን 2014 ዓ.ም አዲስ አበባ ሸዋ ከ41 ቀናት የእስር ቆይታ በኋላ በጅምላ የታፈሱት የአዲስ አበባ እና የባልደራስ ወጣቶች ሚያዝያ 6 እና 7/2014 ከእስር በዋስትና ተለቀዋል፡፡ ወጣቶቹ በእስር ላይ በነበሩበት ጊዜ፣ ፖሊስ ለፍርድ ቤት በተደጋጋሚ ባቀረበው ክስ ወጣቶቹ በአድዋ እና በካራማራ ክብረ በዓላት ላይ ሁከትና ብጥብጥ በማነሳሳት፣ ህዝብ በመንግስት ላይ እንዲያምጽ የመንግሥት ባለሥልጣናትን በአደባባይ በመሳደብ ተግባር ላይ አግኝቻቸዋለሁ ብሏል፡፡ ፖሊስ በዚህ መንገድ የ14 ቀናት የጊዜ ቀጠሮ ከተቀበለ በኋላ፣ የህዝብ ትራንስፖርት የሌለበት በመሆኑ ወጣቶቹ በወዳጅ ዘመዶቻቸው በቀላሉ ሊጠየቁ ወደማይችሉበት የአባ ሳሙኤል እስር ቤት በመውሰድ እጅግ አስቸጋሪ በሆነ ሁኔታ ውስጥ ለ41 ቀናት በእስር ያንገላቷቸው መሆኑን አስታውቋል፡፡ የአባ ሳሙኤል እስር ቤት ግንባታው ገና ያላለቀ በመሆኑ፣ በቂ ውሃ፣በቂ መጸዳጃ፣ በቂ ምግብ ወዘተ የለውም፡፡ በዚህም ሳቢያ፣ ወጣቶቹ በረሃብ፣ በውሃ ጥም፣ በንጽህና ጉድለት ፍዳቸውን አይተዋል ሲልም አክሏል፡፡ ይባስ ብሎም የአጼ ምኒልክ፣አረንጓዴ ቢጫ ቀይ ሰንደቅ ዓላማ እና የአድዋ ድል ምስል ያለባቸው ልብሶች ለብሰው ፍርድ ቤት እንዳይቀርቡ ክልከላ ተደርጎባቸዋል ነው ያለው ባልደራስ በመግለጫው፡፡ የዚህ ሁሉ ዓላማ፣ ወጣቶቹ ፖለቲካን እርግፍ አድርገው እንዲተው የነበረ ቢሆንም፣ በተቃራኒው ይበልጥ ፀንተው በመቆም ለመላው አገር አርአያ ሆነዋል ብሏል፡፡ እንዲሰበሩ ተሞክሮ አልተሰበሩም፣ እንዲሸነፉ ተሞክሮ አልተሸነፉም፡፡ በእስራቸው ወጣቶቹ አሸናፊ፣ በህገወጥ መንገድ ያሰሯቸው ተሸናፊ ሆነው ሂደቱ አሁን ያለበት ደረጃ ደርሷል፡፡ በእነዚህ የአዲስ አበባ እና የባልደራስ ወጣቶች በእጅጉ ይኮራል፡፡ የአነገቡትን መንፈስ ይዞም ለህዝብ ለገባው ቃልኪዳን በታማኝነት ይፀናል ሲል ባልደራስ ለእውነተኛ ዲሞክራሲ ፓርቲ አስታውቋል።

Source: Link to the Post

Leave a Reply