You are currently viewing በግፍ የታሰሩ እስረኞችን እነ እስክንድር ነጋን ለመጠየቅ ወደ ቂሊንጦ በሄዱበት የታሰሩ የግፍ እስረኞች በአስቸኳይ እንዲፈቱ ተጠየቀ። አማራ ሚዲያ ማዕከል  ታህሳስ 12 ቀን 2014 ዓ.ም…

በግፍ የታሰሩ እስረኞችን እነ እስክንድር ነጋን ለመጠየቅ ወደ ቂሊንጦ በሄዱበት የታሰሩ የግፍ እስረኞች በአስቸኳይ እንዲፈቱ ተጠየቀ። አማራ ሚዲያ ማዕከል ታህሳስ 12 ቀን 2014 ዓ.ም…

በግፍ የታሰሩ እስረኞችን እነ እስክንድር ነጋን ለመጠየቅ ወደ ቂሊንጦ በሄዱበት የታሰሩ የግፍ እስረኞች በአስቸኳይ እንዲፈቱ ተጠየቀ። አማራ ሚዲያ ማዕከል ታህሳስ 12 ቀን 2014 ዓ.ም አዲስ አበባ ሸዋ በቂሊንጦ እስር ቤት በግፍ የታሰሩ የባልደራስ ከፍተኛ አመራሮችን እስክንድር ነጋንና ስንታየሁ ቸኮልን ጠይቀው ሲመለሱ መንገድ ላይ ፎቶ ተነስታቹሃል በሚል ህዳር 16 ቀን 2014 ዓ.ም ወደ አቃቂ ፖሊስ መምሪያ ተወስደው የታሰሩት 5 የፓርቲው አባላት እና ደጋፊዎች እስካሁን አለመፈታታቸው ተገልጧል። ባልደራስ እንደገለጸው 1. አቶ ፋሲል ውሂብ 2. አቶ ምትክ ካሳሁን 3. አቶ ዬርዳኖስ እንዳለ 4. አቶ ብሩክ ጫኔ 5. ወ/ሪት ሰላም ታደለ በአዲስ አበባ ፖሊስ የአቃቂ ቃሊቲ ክ/ከተማ ፖሊስ መምሪያ ለ26 ቀን በሕገወጥ መንገድ ታስረው ይገኛሉ። ከዚህ በፊትም አስቸኳይ ጊዜ አዋጁን ማጥቂያን በማድረግ መንግስት ሕጉን ስለመጠቀሙ ያስታወሰው ባልደራስ በወቅቱም በእስረኞቹ ጉዳይ የተቃውሞ መግለጫ ማውጣቱን ጠቅሷል። ቅሬታውንም ለአስቸኳይ ጊዜ አዋጅ ቦርዱ እና ታስረው ለሚገኙበት ክ/ከተማ ኮማንድ ፖስት ቢያቀርብም ብዙዎች እየተፈቱ ባሉበት ወቅት አባላቱና ደጋፊዎቹ ሊፈቱ አልቻሉም ብሏል። ይልቁንም ለቀናት ምግብ እንዳያገኙ ተከልክለው የነበረ ከመሆኑም በላይ፣ 3ቱ እስረኞች 20 ካሬ በማትበልጥ ቦታ ውስጥ ከ120 የሚበልጡ እስረኞች ጋር መተኛት እና መቀመጥ እንዳይችሉ ተደርገው ኢሰብዓዊ በሆነ አያያዝ ታስረው ይገኛሉ ሲል አክሏል። ባልደራስ አገራዊ ዓላማ ይዞ የወጣው አስቸኳይ ጊዜ አዋጁ፣ ከታቀደለት አላማ ወጪ የፓርቲያችንን አባላት እና ደጋፊዎች ማጥቂያ ተደርጎ ጥቅም ላይ እንዲውል መደረጉ በእጅጉ ይቃወመዋል ነው ያለው። በሕጉ መሠረት ስልጣን የተሰጠው መርማሪ ቦርድም፣ የፓርቲውን ቅሬታ ቅድሚያ ሰጥቶ ባይመለከተው እንኳን የእስር ሁኔታቸውን ለመመርመር አለመፈለጉ በፖለቲካ ተፅዕኖ ስር እንደወደቀ ማሳያ አድርጎ ፓርቲው የተረዳው ስለመሆኑ ገልጧል። ባልደራስ መልካም ህዝባዊ ንቅናቄ በመፍጠር፣ በጦርነቱ እየተሳተፉ ላሉ እና ለተጎዱት ወገኖች ድጋፍ የሚውል ከፓርቲው ካዝና እና ደጋፊዎች ሚሊዮኖች የሚያወጣ እገዛ ማሰባሰብ በቻለበት አጋጣሚ ይሄ ችግር መፈጠሩ እና እስራቸው ተባብሶ ኢሰብዓዊ በሆነ ሁኔታ መያዛቸው፣ የመንግስትን ሃቀኝነት ጥያቄ ውስጥ ከማስገባ በስተቀር፣ አኩርፈን ለህዝባችን ማድረግ ከሚጠበቅብን እንዲጎተቱ እንደማያደርጋቸው አስታውቋል። ባልደራስ አሁንም ከሕግ ውጪ በአቃቂ ቃሊቲ ክ/ከተማ ፖሊስ መምሪያ ታስረው የሚገኙት አባላት እና ደጋፊ ያለምንም ቅድመ ሁኔታ እንዲፈቱ ለአዲስ አበባ ኮማንድ ፖስት ጥሪውን ያቀርባል ብሏል።

Source: Link to the Post

Leave a Reply