You are currently viewing በጎንደር ከተማ በፋኖ ሄዋን ወ/ገብርኤል ግድያ ተጠርጥሮ በእስር ላይ በሚገኘው ግለሰብ ላይ በነገው እለት ምስክሮች ሊደመጡ ነው። አማራ ሚዲያ ማዕከል/አሚማ    ታህሳስ 30 ቀን 2015 ዓ/…

በጎንደር ከተማ በፋኖ ሄዋን ወ/ገብርኤል ግድያ ተጠርጥሮ በእስር ላይ በሚገኘው ግለሰብ ላይ በነገው እለት ምስክሮች ሊደመጡ ነው። አማራ ሚዲያ ማዕከል/አሚማ ታህሳስ 30 ቀን 2015 ዓ/…

በጎንደር ከተማ በፋኖ ሄዋን ወ/ገብርኤል ግድያ ተጠርጥሮ በእስር ላይ በሚገኘው ግለሰብ ላይ በነገው እለት ምስክሮች ሊደመጡ ነው። አማራ ሚዲያ ማዕከል/አሚማ ታህሳስ 30 ቀን 2015 ዓ/ም አዲስ አበባ ሸዋ ፋኖ ሄዋን ወ/ገብርኤል ከ9 ወራት በፊት በጎንደር ከተማ አራዳ አካባቢ ነበር አሳዛኝ እና አሰቃቂ በሆነ መልኩ ተገድላ የተገኘችው። በጀግናዋ ፋኖ ሄዋን ወ/ገብርኤል ላይ ከተፈጸመው ግድያ ጋር በተያያዘ አንድ ሰው ተጠርጥሮ ከተያዘ በኋላ የክስ ሂደቱ የቀጠለ መሆኑ ይታወቃል። ታህሳስ 13/2015 ረፋድ ላይ ምስክሮች ባለመገኘታቸው ተለዋጭ ቀጠሮ ተሰጥቶ እንደነበር አይዘነጋም። በዚህም መሰረት ነገ ጥር 1/2015 ረፋድ ላይ በጎንደር ከተማ ከፍተኛ ፍ/ቤት በከሳሽ በኩል 3 ምስክሮችን ለማስደመጥ መዘጋጀታቸውን ከአማራ ሚዲያ ማዕከል (አሚማ) ጋር ቆይታ ያደረጉ የሟች ቤተሰቦች ተናግረዋል። በጀግናዋ ፋኖ ሄዋን ወ/ገብርኤል ላይ አሰቃቂ ግድያ የፈጸሙ አካላት ላይ ተገቢ ምርመራ እና ማጣራት በማድረግ አስቸኳይ ፍትህ እንዲሰጣቸው ቤተሰቦች፣ ፋኖዎችና የፋኖ ሄዋን ጓደኞች እየጠየቁ ነው። “የዘገዬ ፍትህ እንደተነፈገ ይቆጠራል!” እንደሚባለው “ፋኖ ሄዋን ወ/ገብርኤልን ማን ነው የገደላት?” የሚለው ጥያቄ ዛሬም ያልተመለሰ የብዙዎች የውስጥ ህመም ሆኖ እንደቀጠለ ያለ ጥያቄ ነው። የጎንደር እና የአካባቢው ፍትህ ወዳድ ነዋሪዎች በነገው ችሎት ተገኝታችሁ የፍትህ ሂደቱን እንድትከታተሉ ጥሪ ቀርቧል።

Source: Link to the Post

Leave a Reply