You are currently viewing በጎንደር ከተማ በፋኖ ሄዋን ወ/ገብርኤል ግድያ ተጠርጥሮ ተይዟል የተባለው ግለሰብ በነገው እለት በጎንደር ከተማ ከፍተኛ ፍ/ቤት ይቀርባል። አማራ ሚዲያ ማዕከል/አሚማ     ህዳር 18 ቀን 2…

በጎንደር ከተማ በፋኖ ሄዋን ወ/ገብርኤል ግድያ ተጠርጥሮ ተይዟል የተባለው ግለሰብ በነገው እለት በጎንደር ከተማ ከፍተኛ ፍ/ቤት ይቀርባል። አማራ ሚዲያ ማዕከል/አሚማ ህዳር 18 ቀን 2…

በጎንደር ከተማ በፋኖ ሄዋን ወ/ገብርኤል ግድያ ተጠርጥሮ ተይዟል የተባለው ግለሰብ በነገው እለት በጎንደር ከተማ ከፍተኛ ፍ/ቤት ይቀርባል። አማራ ሚዲያ ማዕከል/አሚማ ህዳር 18 ቀን 2015 ዓ/ም አዲስ አበባ ሸዋ በጎንደር ከተማ አራዳ አካባቢ በአሰቃቂ መልኩ ተገድላ የተገኘችው ፋኖ ሄዋን ወ/ገብርኤል ከተገደለች 8 ወራቶች አልፈዋል። “በጀግናዋ ፋኖ ሄዋን ወ/ገብርኤል ላይ የተፈጸመው አሰቃቂ ግድያ የፈጸሙ አካላት ላይ ተገቢ ምርመራ እና ማጣራት በማድረግ አስቸኳይ ፍትህ እንዲሰጠን እንፈልጋለን” ሲል ጥሪ ያደረገው የጎንደር ህዝብ ላለፉት 8 ወራት በከፍተኛ ትዕግስት ማሳለፉ ተገልጧል። በሄዋን ወ/ገብርኤል የተፈጸመውን ግድያንም ሀይማኖታዊ መልክ ለማስያዝ በገዳዮች በኩል የታቀደ መሆኑን ከሁኔታው የተገነዘቡ ቤተሰቦች፣ የፋኖ አባላት እና ኃላፊነት የሚሰማቸው ወገኖች ድርጊቱን በማውገዝ የደካሞችን መንገድ ባለመከተል አርቆ አስተዋይነታቸውን ያሳዩ መሆኑ በብዙዎች ተመስክሯል። “የዘገዬ ፍትህ እንደተነፈገ ይቆጠራል!” እንደሚባለው “ፋኖ ሄዋን ወ/ገብርኤልን ማን ነው የገደላት?” የሚለው ጥያቄ ያልተመለሰለት መላው ቤተሰቡ፣ የጎንደር ፋኖ እና የጎንደር ከተማ ነዋሪ አሁንም በከፍተኛ ትዕግስት ፍትህን እየጠበቀ መሆኑ ተሰምቷል። እንደሚባለው በተለያዩ ግንባሮች የተሳተፈችው እና ከፋኖዎች ጎን ተለይታ የማታውቀው የብርቱዋ ታጋይ ከፋኖ ሄዋን ወ/ገብርኤል ግድያ ጋር በተያያዘ ተጠርጥሮ የተያዘ አንድ ሰው የተያዘ መሆኑ ይታወቃል። በነገው እለት ህዳር 19/2015 ዓ.ም በግድያ ተጠርጥሮ ተይዟል የተባለው የድሮ ጓደኛዋ ሃብቴ በጎንደር ከተማ ከፍተኛ ፍ/ቤት የሚቀርብ መሆኑ ተገልጧል። ከህመማቸው በተጨማሪ በልጃቸው ሀዘን የተጎዱት የፋኖ ሄዋን ወ/ገብር ኤል አባት አቶ ወ/ገብርኤል ባሳለፍነው ግንቦት 2014 ያረፉ መሆናቸው አይዘነጋም። በፋኖ ሄዋን ወ/ገብርኤል መገደል ጥልቅ ሀዘን የተሰማቸው እና ፍትህ እንዲረጋገጥ የሚፈልጉ ቤተሰቦች፣ የጎንደር ፋኖ አባላት እና ነዋሪዎችም በችሎት እየተገኙ የፍትህ ሂደቱን እንዲከታተሉም ጥሪ ቀርቧል። መንግስት የዜጎችን ሰላም እና ደህንነት የማስጠበቅ ኃላፊነቱን በአግባቡ እየተወጣ ባለመሆኑ ክቡር የሆነው የሰው ልጅ ህይወት እየተቀጠፈ ነው የሚሉት በጎንደር ከተማ አራዳ አካባቢ በግፍ በተገደለችው ጀግናችን በፋኖ ሄዋን ወ/ገብርኤል ቤተሰቦች ቤት ለቅሶ ላይ የተገኙ ወገኖች ናቸው። በመጋቢት 2014 ወደ ጎንደር አቅንቶ የነበረው አማራ ሚዲያ ማዕከል (አሚማ) በወቅቱ ከሀዘን ቤቱ ተገኝቶ ቤተሰቦቿን፣ የሀይማኖት አባቶችን፣ የጎንደር ፋኖዎችንና ጎረቤቶችን እንዲሁም በርካታ የጎንደር ከተማ ነዋሪዎችን አግኝቶ የተሰማቸውን ሀዘን በመጋራት አስተያየታቸውን ተቀብሎ ነበር። በወቅቱም እኒህ አሚማ ያነጋገራቸው የጎንደር ከተማ ነዋሪዎችም በፋኖ ሄዋን ወ/ገብርኤል የተሰማቸውን ጥልቅ ሀዘን በመግለጽ መንግስትን በተለይም የጸጥታ ክፍሉ የህግ የበላይነትንና የዜጎችን ደህንነት አላስከበረም ሲሉ ክፉኛ በመውቀስ የፋኖ ሄዋን ገዳይ የህግ በትር እንዲያርፍበት ጠንክረው እንደሚሰሩ መግለጻቸው ይታወሳል። የጎንደር ህዝብ ከፋኖ ሄዋን ወ/ገብርኤል ቤተሰቦች ጎን በመሆን የሻማ ማብራት ስነ ስርዓት በማድረግ የተሰማውን ጥልቅ ሀዘን መግለጹ ይታወቃል።

Source: Link to the Post

Leave a Reply