You are currently viewing በጎንደር ከተማ ተፈጥሮ ከነበረው ግጭት ጋር በተያያዘ ተጠርጥረዋል በሚል ለስብሰባ በተጠሩበት የተያዙት  የፖሊስ አዛዥ ለአንድ ሳምንት ያህል የጠየቃቸው እንደሌለ ከቤተሰብ የደረሰን ቅሬታ አመ…

በጎንደር ከተማ ተፈጥሮ ከነበረው ግጭት ጋር በተያያዘ ተጠርጥረዋል በሚል ለስብሰባ በተጠሩበት የተያዙት የፖሊስ አዛዥ ለአንድ ሳምንት ያህል የጠየቃቸው እንደሌለ ከቤተሰብ የደረሰን ቅሬታ አመ…

በጎንደር ከተማ ተፈጥሮ ከነበረው ግጭት ጋር በተያያዘ ተጠርጥረዋል በሚል ለስብሰባ በተጠሩበት የተያዙት የፖሊስ አዛዥ ለአንድ ሳምንት ያህል የጠየቃቸው እንደሌለ ከቤተሰብ የደረሰን ቅሬታ አመለከተ!አማራ ሚዲያ ማዕከል/አሚማ ባህርዳር:- ሚያዚያ 28/2014 ዓ.ም አሻራ ሚዲያ በጎንደር ከተማ ተፈጥሮ ከነበረው ግጭት ጋር በተያያዘ ተጠርጥረዋል በሚል ለስብሰባ በተጠሩበት የተያዙት የፖሊስ አዛዥ ከሚያዝያ 21/2014 ጀምሮ ላለፉት 7 ቀናት ያህል በ6ተኛ ፖሊስ ጣቢያ ያለምንም ምርመራ ታስረው እንደሚገኙ ከቤተሰብ የደረሰን ቅሬታ አመልክቷል። ዋና ኢንስፔክተር ዳንኤል አማረ ይባላሉ፤ በጎንደር ከተማ የ2ተኛ ፖሊስ ጣቢያ የወንጀል መከላከል የስራሂደት አስተባባሪ ናቸው። ሚያዝያ 18/2014 በጎንደር ከተማ ተፈጥሮ ከነበረውግጭት ጋር በተያያዘ አንድ ከፎቅ ላይ ሆኖ ሲተኩስ የነበረ ተጠርጣሪን በቁጥጥር ስር ያዋሉት ዋና ኢንስፔክተር ዳንኤል መንገድ ላይ የነበሩ ሰልፈኞች በፒካፕ መኪና ላይ በነበረው ተጠርጣሪው ላይ ድብደባ ሲፈጽሙ የተከላከሉና ከከፋ ጉዳት የታደጉ መሆናቸው ተገልጧል። ዋና ኢንስፔክተሩ የተያዙትም ኃላፊነታቸውን በአግባቡ አልተወጡም፣ እርምጃ አልወሰዱም በሚል ስለመሆኑ ተገልጧል። የወንጀል መከላከል የስራሂደት አስተባባሪው ዋና ኢንስፔክተር ዳንኤል:_ 1) በወንጀል ተጠርጥረሃል ከተባለ ህጋዊ ሂደቱን ተጠብቆ ምርመራ ስለምን አይደረግም? አንድ ሳምንት ለብቻ ዘግቶ ማስቀመጥ ለምን አስፈለገ? 2) የዲሲፒሊን ጥፋት አለ ከተባለም ስለምን ፈጣን ፍትህ አይሰጣቸውም የሚል ቅሬታ ቀርቧል። በጎንደር ከተማ የ2ተኛ ፖሊስ ጣቢያ አዛዥ የሆኑት ኮማንደር ስማቸው በበኩላቸው እሱ ብቻ ሳይሆን ሌሎች አመራሮችም ሆኑ ሌላም በርካታ ተጠርጣሪዎች የተያዙ መሆኑን አውስተው ለማጣራት ጊዜ ስለሚያስፈልግ ነው ብለዋል። ኮማንደሩ ከመርማሪዎች ጋር ብትነጋገሩ ጥሩ ነው ያሉ ሲሆን በቅሬታ አቅራቢ በኩል መርማሪዎቹ ማን እንደሆነ አጠቃላይ የኮማንድ ፖስቱ አመራር በሰጠው አቅጣጫ መሰረት የታሰሩ ስለመሆኑ ጠቅሰዋል። መርማሪ ቡድኑ ምርመራ እያካሄደ እየፈታ መሆኑን ጠቅሰው ከሁኔታዎች መደራረብ ጋር በተያያዘ ነው የዘገየው አሁን ላይ በተሰጠው አቅጣጫ መሰረት ምርመራው በቅርብ ይካሄዳል፤ ጉዳዩ መፍትሄ ያገኛል ብለው እንደሚያስቡ ገልጸዋል። በጎንደር ተፈጥሮ ከነበረው ግጭት ጋር በተያያዘ ከቀናት በፊት በወጣው መረጃ ከ370 በላይ ተጣሪዎች መያዛቸው እና የተፈጠረው ችግር እንዲረጋጋ ከጸጥታ አካላት ጋር ሲሰሩ ከነበሩት መካከል የዘርዕያቆብ አዝመራው ሻለቃ አዛዥና የጎንደር ከተማ ፋኖ ሰብሳቢ ፋኖ ሰለሞን አጠናው ቤት መፈተሹና ህጋዊ ትጥቁ የተወሰደበት መሆኑ ይታወሳል። ለፈጣንና አዳዲስ መረጃዎች የአይበገሬዎቹ ልሳን:- ቴሌግራም :- https://t.me/asharamedia24 Facebook :- https://www.facebook.com/asharamedia24 youtube :- https://www.youtube.com/channel/UChir2nIy58hlLQRYyHIQeHA

Source: Link to the Post

Leave a Reply