You are currently viewing በጎንደር ከተማ የሀይማኖት መልክ ለማስያዝ ታቅዶ የተፈጠረው ግጭት በህዝቡ እና በጸጥታ አካሉ የጣምራ እንቅስቃሴ ወደ መረጋጋት ተመልሷል ሲሉ ነዋሪዎች ተናገሩ። አማራ ሚዲያ ማዕከል/አሚማ…

በጎንደር ከተማ የሀይማኖት መልክ ለማስያዝ ታቅዶ የተፈጠረው ግጭት በህዝቡ እና በጸጥታ አካሉ የጣምራ እንቅስቃሴ ወደ መረጋጋት ተመልሷል ሲሉ ነዋሪዎች ተናገሩ። አማራ ሚዲያ ማዕከል/አሚማ…

በጎንደር ከተማ የሀይማኖት መልክ ለማስያዝ ታቅዶ የተፈጠረው ግጭት በህዝቡ እና በጸጥታ አካሉ የጣምራ እንቅስቃሴ ወደ መረጋጋት ተመልሷል ሲሉ ነዋሪዎች ተናገሩ። አማራ ሚዲያ ማዕከል/አሚማ ሚያዝያ 19 ቀን 2014 ዓ.ም አዲስ አበባ ሸዋ የተለያዩ እምነት ተከታዮች ተዋደው፣ተከባብረውና ተቻችለው በሚኖሩበት ጎንደር ከተማ አሸባሪ እና ወራሪዎቹን ጨምሮ የተለያዩ የየራሳቸው ድብቅ አላማ፣ፍላጎትና ተልዕኮ ላላቸው አካላት የሚላላኩ ቡድኖችና የስርዓቱ አካላት በትር ጭምር በተደጋጋሚ አርፎባታል። ዳሩ ግን ሁሉንም ጥበብ በተሞላበት የምክክር እና የሽምግልና ቱባ ባህል በመጠቀም በርካታ ችግሮችን እየፈታች በማለፍ ትታወቃለች። ከዚህ አለፍ ሲልም አልመለስ ያለን አሸባሪ ኃይልን በተባበረ ክንድ እንደ አመጣጡ መክታ ብሎም ድባቅ መትታ በማሳፈር መመለስም ትችልበታለች። ሚያዝያ 18/2014 በጎንደር ከተማ ቀበሌ 18 የተፈጠረውም ከሴረኞች ጎንደርን ብሎም አማራን የመከፋፈል እና የማመስ አካሄድ የተለዬ ሊሆን እንደማይችል ነው የጎንደር ከተማ ነዋሪዎች ለአማራ ሚዲያ ማዕከል (አሚማ) የተናገሩት። በእርግጥ የከተማ አስተዳደሩ የቃሃ ወንዝ በሚለያቸው በቀበሌ 8 አዲስ አለም እና በቀበሌ 18 አበራ ጊዮርጊስ አካባቢ የሚስተዋሉ ከመሬት ይዞታ ጋር የተያያዙ ጥያቄዎችን በአግባቡ እና በጊዜው ለመፍታት ባለመፍቀዱ ወይም ባለመቻሉ አልፎ አልፎ የሚስተዋሉ ክፍተቶች እንደነበሩም ጠቅሰዋል። ሚያዝያ 18/2014 የተፈጠረው ግጭት ግን ጎንደርን ብሎም አማራን የመከፋፈል፣የማለያየትና ብሎም የማጥቃት ተልዕኮ ያነገቡ አካላት በመሃል እየገቡ ያካሄዱት ሊሆን እንደሚችል ገልጸዋል። ስለዚህ ነገሩን ከመቃብር ድንጋይ፣ ከገፋህኝ ገፋሽኝ የወጣ የሚያደርገው በግጭት ወቅት ቦንብ የተወረወረ መሆኑ፣ የጥይት ተኩስ የነበረ መሆኑና ይህን ተከትሎም የሰው ህይወት መጥፋቱና ንብረት መውደሙ ሌላኛው የሴራ ማሳያ አድርገው ወስደውታል። ከአበራ ጊዮርጊስ እስከ አራዳ የዘለቀው ግጭትም በጎንደር ከተማ ህዝብ፣ በተለይም በወጣቶች፣ በፋኖ፣ በአማራ ልዩ ኃይል፣ በአድማ በታኝ፣በፖሊስ፣ በሚሊሾችና በፌደራል ፖሊሶች የተቀናጀ ስራ ወደመረጋጋት መመለሱን ነዋሪዎች አረጋግጠዋል። አሚማ አመሻሹን ወደ ፋኖ አመራሮች ደውሎ እንዳረጋገጠውም ፋኖ ከመላው የጎንደር ነዋሪዎች እና ከመላው የጸጥታ አካላት ጋር ተቀናጅቶ በመንቀሳቀስ ላይ ይገኛል። መላው የክርስትና እና የእስልምና እምነት ተከታይ ወገኖች ለሴረኞች በር ሳይከፍቱ በተቀናጀ መልኩ ሰላማቸውን እንዲጠብቁ፣ መንግስት የጎንደር እና አካባቢውን ሰላም የማስከበር ኃላፊነቱን እንዲወጣ፣ በወንጀል ድርጊቱ የተሳተፉ አካላት ተገቢው ማጣራት ተደርጎ በህግ እንዲጠየቁ መስራት እንደሚገባ ጠቁመዋል። አሚማ የጎንደር ከተማ የፖሊስ አዛዥን ኮማንደር አየልኝ ታክሎን ለማግኘት ያደረገው ጥረት የሚጠራ ስልካቸው ባለመነሳቱ አልተሳካለትም።

Source: Link to the Post

Leave a Reply