You are currently viewing በጎንደር ጎጃም መስመር ወጣት አማራዎች እየተመረጡ ወደ አዲስ አበባ እንዳይገቡ ተከለከሉ፤ “ከቦታ ቦታ የመንቀሳቀስ መብታችን በህገ ወጥ ህግ አስከባሪዎች ተከልክለናል” ብለዋል ቅሬታ አቅራቢዎ…

በጎንደር ጎጃም መስመር ወጣት አማራዎች እየተመረጡ ወደ አዲስ አበባ እንዳይገቡ ተከለከሉ፤ “ከቦታ ቦታ የመንቀሳቀስ መብታችን በህገ ወጥ ህግ አስከባሪዎች ተከልክለናል” ብለዋል ቅሬታ አቅራቢዎ…

በጎንደር ጎጃም መስመር ወጣት አማራዎች እየተመረጡ ወደ አዲስ አበባ እንዳይገቡ ተከለከሉ፤ “ከቦታ ቦታ የመንቀሳቀስ መብታችን በህገ ወጥ ህግ አስከባሪዎች ተከልክለናል” ብለዋል ቅሬታ አቅራቢዎቹ። አማራ ሚዲያ ማዕከል/አሚማ ታህሳስ 22 ቀን 2015 ዓ/ም አዲስ አበባ ሸዋ በጎንደር ጎጃም መስመር ወደ አዲስ አበባ እየመጡ የነበሩ አማራዎች ወረጃርሶ ወረዳ ጓህጽዮን ሲደርሱ ከፍተኛ ወከባ እና እንግልት እንደሚፈጸምባቸው ለአማራ ሚዲያ ማዕከል (አሚማ) ገልጸዋል። በተለይ ታህሳስ 21/2015 ከረፋዱ 4:30 ጓህጽዮን የደረሰ 16 ባስ ሙሉ ተጓዥ እስከ ቀኑ 10:20 ሲታመስ መዋሉ ተገልጧል። መታወቂያ እያዩ ወጣቶችን በማስወረድ እንዲሰለፉ ያደርጋሉ፤ የሚለምንና የሚናገር ካለ ይደበድባሉ፤ ሲያሰልፉን እያዳፉ ስለሆነ የሚረሽኑ ይመስላል ሁኔታቸው በጣም አስፈሪ ነው ሲሉ የተናገሩት ምንጮች በስተመጨረሻም ሁለት መኪና ሙሉ ወጣቶች ናችሁ በሚል ወደ አዲስ አበባ ተከልክለው ወደ ጎጃም እንዲመለሱ ተደርጓል ብለዋል። “ከቦታ ቦታ የመንቀሳቀስ መብታችን በህገ ወጥ ህግ አስከባሪዎች ተከልክለናል” ብለዋል ቅሬታ አቅራቢዎቹ። የሚመለሰው ከተመለሰ በኋላ ወደመጨረሻ የቀሩት አራት ባስ ሙሉ ተጓዦችም ከተፈጸመባቸው ወከባ እና እንግልት በኋላ እንዲያልፉ ቢፈቀድም ከጓህጽዮን ከተማ በቅርብ ርቀት ሲደርሱ ተኩስ እንዲከፈትባቸው መደረጉን ተከትሎ ተመልሰው ከተማ እንዲያድሩ ተገደዋል። በመጨረሻም በማግስቱ ታህሳስ 22/2015 ረፋድ ላይ አዲስ አበባ በሰላም ገብተዋል። ተፈታኝ ነን በሚል በመማጸን ላይ የነበሩ ተማሪዎችን ጨምሮ በመቶዎች የሚቆጠሩ አማራዎች ከጓህጽዮን እንዲመለሱ መደረጉንም የችግሩ ገፈት ቀማሾች ለአሚማ ተናግረዋል። በተመሳሳይ በወረጃርሶ ወረዳ መዋቅራዊ ድጋፍ ያለው አሸባሪው ኦነግ ሸኔ ሀሮ ጉለሌ ላይ 10 አማራዎችን ከሰሞኑ አግቶ ወደ ጫካ መውሰዱ ይታወቃል። ሙሉ መረጃውን በሚከተለው የአሚማ የዩቱብ አድራሻ ያገኛሉ። https://youtu.be/VMcldwXrpYk

Source: Link to the Post

Leave a Reply