You are currently viewing በጠለምት የአማራ ማንነት አስመላሽ ኮሚቴ ሊቀመንበር በሆኑት በመ/ር ጸጋዬ እሸቴ የተመራው የአማራ ፋኖ በሁለት ሲኖትራክ ሲጓዝ በነበረ ከፍተኛ ቁጥር ባለው የትሕነግ ወራሪ ኃይል ላይ የደፈጣ…

በጠለምት የአማራ ማንነት አስመላሽ ኮሚቴ ሊቀመንበር በሆኑት በመ/ር ጸጋዬ እሸቴ የተመራው የአማራ ፋኖ በሁለት ሲኖትራክ ሲጓዝ በነበረ ከፍተኛ ቁጥር ባለው የትሕነግ ወራሪ ኃይል ላይ የደፈጣ…

በጠለምት የአማራ ማንነት አስመላሽ ኮሚቴ ሊቀመንበር በሆኑት በመ/ር ጸጋዬ እሸቴ የተመራው የአማራ ፋኖ በሁለት ሲኖትራክ ሲጓዝ በነበረ ከፍተኛ ቁጥር ባለው የትሕነግ ወራሪ ኃይል ላይ የደፈጣ ጥቃት በመፈፀም በርካቶችን ሙትና ቁስለኛ አደረገ። አማራ ሚዲያ ማዕከል/አሚማ ጳጉሜ 1 ቀን 2013 ዓ.ም አዲስ አበባ ሸዋ ከአማራ ሚዲያ ማዕከል ጋር ቆይታ ያደረጉት የጠለምት የአማራ ማንነት አስመላሽ ኮሚቴ ሊቀመንበር መ/ር ጸጋዬ እሸቴ የአማራ ፋኖ ድል እንደቀናው አስታውቀዋል። መ/ር ጸጋዬ እንደገለፁት ዛሬ ጳጉሜ 1 ቀን 2013 በአዳርቃይ እና በጨው በር መካከል በሁለት ሲኖትራክ ሲጓዝ በነበረው ወራሪው የትሕነግ ኃይል ላይ በር ማርያምና ኢንዞ ላይ የደፈጣ ጥቃት ለመፈፀም ተችሏል። በመ/ር ጸጋዬ የተመራው ፋኖ አማራ ከጃናሞራ ተነስቶ ወደ አዳርቃይ መስመር በማቅናት ነው ከቀኑ 9 ሰዓት ተኩል ላይ በሽብር ቡድኑ ላይ እርምጃውን የወሰደው። በዚህም ሁለት ሲኖትራክ ሙሉ ወደ አዳርቃይ ሲጓዝ የነበረ ወራሪ ሀይል በደፈጣ ተመቷል ያሉት መ/ር ጸጋዬ የአንደኛውን ሲኖትራክ ጎማ በመምታት እንዲገለበጥ ሲደረግ ሁለተኛው ግን በላዩ ላይ ከፍተኛ የሆነ ተኩስ በመክፈት ጥቃት እንደተፈፀመበት አረጋግጠዋል። በዚህም ምናልባትም ጥቂት እድሎኞች ካልሆኑ በስተቀር ሙሉ በሙሉ በሚባል አግባብ የጠላት ኃይል ጋይቷል ብለዋል። ይህን ተከትሎም የሽብር ቡድኑ ኃይል በከፍተኛ መንደፋደፍና በእግሬ አውጭኝ ብሎ በመሯሯጥ ላይ መሆኑን መ/ር ጸጋዬ ለአሚማ አስታውቀዋል። በመጨረሻም መ/ር ጸጋዬ ጠላትን በደፈጣና በቆረጣ እንዲሁም ከመከላከል ወደ ማጥቃት በቀጥታ በመግባት ማስቀረት የግዴታ በመሆኑ ይሄኔ ሁሉም የጸጥታ መዋቅርም ሆነ የአካባቢው ነዋሪ ታሪካዊ ኃላፊነቱን እንዲወጣ ሲሉ ጥሪ አቅርበዋል። አሸባሪውና ወራሪው የትሕነግ ቡድን በወረራ በገባባቸው የተለያዩ የአማራ አካባቢዎች በተለይም ከሰሞኑ ክፉኛ እየተመታ መሆኑን ለማወቅ ተችሏል።

Source: Link to the Post

Leave a Reply