You are currently viewing በጦርነት ለተጎዱና በጦርነት ከበባ ውስጥ ላሉ ወገኖች መንግስት፣ የሀገር ውስጥና አለም አቀፍ ተቋማት የሰብአዊ እና ሁለንተናዊ ድጋፍ እንዲያደርጉ ግፊት ማድረግ አስፈላጊ መሆኑ ተጠቆመ። አማራ…

በጦርነት ለተጎዱና በጦርነት ከበባ ውስጥ ላሉ ወገኖች መንግስት፣ የሀገር ውስጥና አለም አቀፍ ተቋማት የሰብአዊ እና ሁለንተናዊ ድጋፍ እንዲያደርጉ ግፊት ማድረግ አስፈላጊ መሆኑ ተጠቆመ። አማራ…

በጦርነት ለተጎዱና በጦርነት ከበባ ውስጥ ላሉ ወገኖች መንግስት፣ የሀገር ውስጥና አለም አቀፍ ተቋማት የሰብአዊ እና ሁለንተናዊ ድጋፍ እንዲያደርጉ ግፊት ማድረግ አስፈላጊ መሆኑ ተጠቆመ። አማራ ሚዲያ ማዕከል/አሚማ መስከረም 5 ቀን 2014 ዓ.ም አዲስ አበባ ሸዋ በሰሜን ወሎ ዞን፣ በደቡብ ወሎ ወረባቦ፣ በዋግ ኽምራ ሰቆጣና አካባቢው፣ በማዕከላዊ ጎንደር ጭልጋ፣ በምዕራብ ጎንደር መተማ ሽንፋ፣ በሰሜን ጎንደር አዳርቃይና ማይጠብሪ እንዲሁም በደቡብ ጎንደር ዞን ጋይንት፣ ክምር ድንጋይ እና አካባቢው በአሸባሪው ትሕነግ ግልፅ ወረራና ጦርነት ምክንያት ከፍተኛ ቁጥር ያላቸው ንፁሃን አማራዎች በግፍ መጨፍጨፋቸውና በመቶ ሽህዎች መፈናቀላቸው ይታወቃል። በኦሮሚያ የተለያዩ አካባቢዎች በተለይም በምስራቅና በምዕራብ ወለጋ እንዲሁም በሆሮ ጉድሩ ዞኖች በአማራዎች ላይ ያነጣጠረውን ማንነት ተኮር ጥቃት በአሸባሪው ኦነግ ሸኔና በተባባሪዎቹ ተጠናክሮ መቀጠሉም አይዘነጋም። በቤንሻንጉል ጉምዝ ክልል ከማሼ ዞን እንዲሁም በመተከል ዞኖች የጉምዝ ታጣቂዎች በአማራዎች ላይ በየጊዜው የጅምላ ፍጅት እየፈፀሙ ይገኛሉ። ይህን ተከትሎም በሶስቱ የኦሮሚያ ዞኖች፣ በመተከል እና በከማሼ ዞኖች የሚኖረው የአማራ ህዝብ ከጥቃቱ ባሻገር አሁን ላይም ተፈናቅሎ ወደ ከተሞች አካባቢ ተሰባስቦ ባለበት በከባድ የጦርነት ከበባ ውስጥ እንደሚገኝ ግልፅ ነው። ስለችግሩ አስከፊነት አሚማ ያነጋገራቸው የሰሜን ወሎ ዞንተፈናቃይ እንደገለፁት ለተጎዱና በጦርነት ከበባ ውስጥ ላሉ ወገኖቻችን አስቸኳይ የሰብአዊ እና ሁለንተናዊ ድጋፍ ያስፈልጋቸዋል። በመሆኑም ለተጎጅ ወገኖቻችን መንግስት፣ የሀገር ውስጥና አለም አቀፍ ተቋማት አስፈላጊውን የሰብአዊ እና ሁለንተናዊ ድጋፍ ያደርጉ ዘንድ ግፊት ማድረግ አስፈላጊ መሆኑ ተጠቁሟል። በመንግስት የቅድመ ዝግጅት ጉድለትና ተፈፅሟል አሻጥርም ጭምር የሰሜን ወሎ ዞን በአሸባሪው፣ ጽንፈኛው፣ ተስፋፊውና ወራሪው የትሕነግ ቡድን መያዙን ተከትሎ ወሎም ሆነ አማራ እንደ አማራ እየተከፈለ ያለው መስዋዕትነት ከባድ ነው ብለውታል። በእጅጉ አሳሳቢ ሲሉ የገለፁት የቡድኑ አውሬያዊ ድርጊትም በራያ አጋምሳ፣ በመርሳ፣ በዳባት ጭና እና በሌሎችም ስለመፈፀሙ አውስተዋል። በሰሜን ወሎ ከሀምሌ 5 ቀን 2013 ጀምሮ እየተካሄደ ያለው ጦርነት አሁን ላይ ከሁለት ወራት በላይ ሆኖታል ያሉት አስተያት ሰጭው በመሆኑም ከተፈናቃለው በመቶ ሽህ የሚቆጠር ህዝብ ባሻገር በወራሪው ቡድን ስር ያለው ወገናችን አደጋ ላይ ነው ብለዋል። አጠቃላይ የሰሜን ወሎ ህዝብ በቡድን መሳሪያ ጭምር በከሃዲው ቡድን ከሚፈፀምበት የገፍ እና የግፍ ግድያ፣መፈናቀልና ዝርፊያ ባሻገር አጠቃላይ የኑሮ ምስቅልቅሎሽ ውስጥ እንደገባ መታወቅ አለበት ሲሉም አክለዋል። የንፁህ መጠጥ ውሃ ባለመኖሩ ማህበረሰቡ ለውሃ ወለድ በሽታ እየተዳረገ ነው፤ ወራሪው ባለበት መድሃኒት እና ባለሙያ ባለመኖሩም የህክምና አገልግሎት ለማግኘት አልተቻለም በመሆኑም በጥይት ከሚገደለው በተጨማሪ በህክምና እጦት የሚሞተው እየጨመረ ስለመሆኑ ገልለዋል። በተለይ ደግሞ የኤች አይቪ፣የደም ግፊት፣የስኳር፣ የቲቪ እና ሌሎች የእለት ከእለት የባለሙያ ክትትል፣ የወገን ድጋፍንና የመድሃኒት አቅርቦት የሚያስፈልጋቸው ወገኖች ከሚደርሰን የውስጥ መረጃ እንደተረዳነው በስቃይ ህይወታቸው እያለፈ ነው ሲሉ ተናግረዋል። ልዩ ድጋፍ እና እንክብካቤ ለሚሹ ነፍሰ ጡር እናቶች እና ህጻናት ያሉበት ሁኔታ በእጅጉ ፈታኝ ነው ተብሏል። በአካባቢው የመብራት፣የወፍጮ እና የባንክ አገልግሎት ባለመኖሩና ዓለም አቀፍ የተራድኦ ተቋማትም ፍትሃዊ በሆነ መልኩ ድጋፍ እያደረሱ ባለመሆኑ የችግሩን ስፋት አሳሳቢ እንደሚያደርገው ግልፅ ነው ብለዋል። በመሆኑም መንግስት ጦርነቱን በተቻለ ፍጥነት በአሸናፊነት ለማገባደድ ጠንክሮ ካልሰራና ካልቻለ በስተቀር ከዚህ በላይ የከፋ ሰብአዊ ቀውስ እንደሚሰት ግልፅ ነው ብለዋል። መንግስት በዘገየ ቁጥር ቡድኑ የሚፈፅመው ግድያ፣ የሰብአዊ መብት ረገጣ፣ ጭቆና፣ አፈና እና የኑሮ ምስቅልቅሉ እንዲቀጥል መፍቀዱ እንደሆነ ሊታወቅ ይገባዋል ተብሏል። በመጨረሻም መንግስትም ሆነ መንግስታዊ ያልሆኑ ድርጅቶች፣ የአለም የምግብ ፕሮግራም፣ የሰብአዊ መብት ተሟጋቾች፣ ድንበር የለሽ የሀኪሞች ቡድን፣ የቀይ መስቀልና ሌሎች የሀገር ውስጥና የውጭ ተራድኦ ድርጅቶች፣ መላው የአማራ ህዝብና ሀገር ወዳድ ኢትዮጵያዊያን ሁሉ አስፈላጊውን ሁሉ እንዲያደርጉ ጥሪ ቀርቧል።

Source: Link to the Post

Leave a Reply